在乘客眼中，你地永遠都係新車

攝於03/04/2008

好多時搭親#2700 或 愛巴#3601，
都會有乘客話....."呢部係機場巴士黎架，正呀！"
有D細路又話....."呢部新車黎架"，特別係#3601........
哈哈，分分鐘到兩部車退役前一日，依然會有人話........"呢部係新車黎架！"
相信D乘客都係見兩部車都有行李架係頭殼頂，同未見過#3601款座位先咁講.......

下面幅相，對小弟黎講，真係難得一見既合照，希望你地都會鍾意啦



攝於18/10/2008

又話說有一日，有一對夫婦上左部#3012.....
佢地話......"丫！呢部新車黎個喎，但係入面(內籠)又咁舊既！金巴唔係新車黎架咩？"
哈哈，我當時心裡面冇寸人地"呢架係港島2號車，點會有金巴你搭？只係個廣告金金地"........
但係，我又即刻望望部#3012四周圍......"新記保養D內籠又似乎真係差左少少，座位又爛爛地，補油補到一撻撻....."
咁又難怪人地會咁批評既 不過搞笑在，#3012都係新車，哈哈



攝於31/10/2008

首攝ATE1
九巴既金巴策略幾成功丫，不論十年前既金巴，定新落地既金巴，永遠都係比市民新車既感覺.......



多謝觀看！

[ 本帖最後由 isws 於 2008-11-2 15:07 編輯 ]

兩間公司比我既感覺係
九巴係外殘內新
有次坐架DM躉 ,外表補油一達達仲要周圍污糟立撻 ,但內籠仲係好乾淨好舒服
新城係外新內殘
有次坐架10XX ,外表好白白淨淨 ,但一上車已經聞到有陣怪味 ,之後D椅又多塵又黑色一撻撻 ,真係睇見都唔想坐
樓主張相真係好有時空交錯既feel

[ 本帖最後由 3350 於 2008-11-2 15:13 編輯 ]

講真，九巴內籠都算唔錯，好少見到爛座位，多數係甩色同變形，外表殘就友佢啦，反正我地都唔會日日去攬住架巴士，但係內籠我地日日都會有肌膚接觸，始終企企理理好........

新城就真係麻麻地喇，我發覺佢地設施越多，殘得越快，呢度爛少少，個度又爛少少，好快部車就容容爛爛，轉下眼就又殘又霉，同埋唔知你地覺唔覺，新城D車污漬特別多....

九巴從一而終用乳膠椅係明智選擇～
不過直梯我就極不喜歡，好似我今日搭38去拜山，
係架DM ATR，我就可以左手拿貨，右手握扶手旋落去，
假如係一架直梯車，我又只可以單手握扶手，
條扶手個角度同手腕天然角度不配合，架車一dup我分分鐘扭斷手骹。

而H牌甚至G牌AD/3AD/AV都依然好好跑好乾淨，甚至有越老越好跑之勢......對面海那些就成日「放屁」。

[ 本帖最後由 DIH 於 2008-11-2 16:57 編輯 ]

原帖由 bluemoon 於 2008-11-2 17:57 發表

但以後既新車相信都係會用直梯...= =

其實直梯真係好o徒位，又裝少左座位，好多人都係貪有位座先捱貴車

原帖由 bluemoon 於 2008-11-2 17:57 發表

但以後既新車相信都係會用直梯...= =

新城批 十一米 已經 唔會用直梯啦~
最多咪似都普之半直梯~

原帖由 ronaldlau 於 2008-11-2 18:15 發表

新城批 十一米 已經 唔會用直梯啦~
最多咪似都普之半直梯~

係咪真架？上次批底盤係11米？點知係曲梯或半直梯？