報站機新字句?

原帖由 請勿下車 於 2008-11-13 18:40 發表
始終都係個句
我覺得屋村分站加返個「村」字會好D
彩虹村、長安村...

尋日搭286M第一次見識到，但佢個case就唔可以加邨字喇，
因為「頌安」同「頌安邨」係兩個站，而且286M會連續經過。

我又試過搭82X，有一家三口在第一城上車，
可能佢地本身係搭84M但無車，於是上82X，
聽到佢地唔係好熟路線，出到斧山道天橋，個阿媽走去問司機架車去唔去到鑽石山，
司機話經，佢地就繼續等（曾經有衝動在四美街落），去到黃大仙，
佢地見報站出「黃大仙總站」，車上乘客又大部分落車，又想落車喇喎，
我坐佢地隔籬，叫佢地坐返低，架車會兜返過鑽石山。

呢家人可能用慣私家車，見識比較多的阿爸都解釋錯「循環線」係乜嘢，
以為係一個loop不停repeat，司機在途中換人云云......

而佢地一出來見有車，無乜細閱乳豬紙（上咗車都睇唔明），我覺得佢地唔識唔怪得佢地嘅～

唔好以為你提供一切你認為足夠的資料就包無撞板，
這個世界，尤其是香港，
有好多人唔識運用身邊的資訊，
有好多人唔會留意身邊的事物如何運作，
有好多人係開眼盲開耳聾，
到需要用時自己搞錯又賴人，難怪個個公共交通機構都變晒「阿媽」......

[ 本帖最後由 DIH 於 2008-11-16 20:25 編輯 ]