有感而發...

近排睇到無綫既節目：變革三十年
個節目名稱基本上已經講得好清楚：回顧一下中國改革開放三十年....
作為一個中國人，加上又要到內地工作，當然要睇下呢個節目，了解一下今日中國國情。
岩岩睇左三集，第一集講經歷文革既一代同佢地既下一代，第二集講貧農，第三集講司法制度

個人感受最深既就係第三集，並非因為同我有切身關係：第一集只係作個總結：呢三十年黎既變化；第二集講既係呢三十年黎並未解決既經濟民生問題，中國政府一向對經濟問題反應快，所以並唔需要擔心呢個問題；第三集講既司法體制，呢樣係最令人擔憂。節目帶出左制度既核心問題：人治！
中國其實有一套完善既法律，但係而家無人去執行。通常呢問題既解決方法就係教育，但係因為人治既原故，令到好多人無法去依法辦事。如斯艱難既問題，除左流血之外仲有咩辦法可以解決？身為一個中國人，睇見如此不堪既情景，而自己又無力做到任何事，確實有點悲涼......

奧運背後又係一番景象...中國人！爭氣喇！

在剛過去星期日的一集,部分內容是很敏感,但出奇地只是受到
一分鐘的干擾.

究竟係真的開放了還是負責的幹部睇到唔記得襟制呢?

原帖由 Alex_Tsang 於 2008-11-18 09:00 發表
在剛過去星期日的一集,部分內容是很敏感,但出奇地只是受到
一分鐘的干擾.

究竟係真的開放了還是負責的幹部睇到唔記得襟制呢?

可能襟制的人兄根本唔覺有咩問題 (習以為常).....  

原帖由 Alex_Tsang 於 2008-11-18 09:00 發表
在剛過去星期日的一集,部分內容是很敏感,但出奇地只是受到
一分鐘的干擾.

究竟係真的開放了還是負責的幹部睇到唔記得襟制呢?

干擾？在香港發生嗎？
我以為只有大陸先會臨時截節目......香港的我只係知直播會遲少少以便截，
但呢類錄製節目，唔通唔使預先過目？

原帖由 DIH 於 18/11/2008 22:12 發表

干擾？在香港發生嗎？
我以為只有大陸先會臨時截節目......香港的我只係知直播會遲少少以便截，
但呢類錄製節目，唔通唔使預先過目？

相信 Alex_Tsang 兄當時身在大陸吧。

不過前幾天在廣州看《香港早晨》，
報章社評部份好像全無障礙。

原帖由 238X 於 2008-11-18 23:22 發表


相信 Alex_Tsang 兄當時身在大陸吧。

不過前幾天在廣州看《香港早晨》，
報章社評部份好像全無障礙。

而家大陸睇蘋果商台港台雅虎香港網頁只要
無敏感字眼一般都唔會過濾,當然馬會網頁
(特別與mark 6有關部分)係block得好勁

回正題,其實大陸而家都講法治,但問題係地方
政府有無跟從執行,特別當涉及利益上,就顯現
法治在國內仍然有改進空間

原帖由 orange 於 2008-11-19 02:32 發表

而家大陸睇蘋果商台港台雅虎香港網頁只要
無敏感字眼一般都唔會過濾,當然馬會網頁
(特別與mark 6有關部分)係block得好勁

回正題,其實大陸而家都講法治,但問題係地方
政府有無跟從執行,特別當涉及利益上,就顯現
法 ...

我對於"大陸而家都講法治"這句話有很大的保留.
如果你有看過這個節目,就會知道政府0既政策係以黨的利益為先.
跟住就係以人民的利益為先,最後先係以憲法為先.

如果以黨的利益為先,即係話當黨同憲法處於對立面,
法院好明顯會知道應該點判...

這叫法治嗎?