九龍南綫車費跟現時西鐵綫一樣

原帖由 SSBT 於 2008-11-19 01:19 發表
但係西鐵咁少站，比東鐵快出到市區喎 .. 仲有唔好忘記，東鐵列車誤點問題係相對地非常嚴重的新界東既公路都唔好得新界西好多 .. 吐公、獅隧一定塞 .. 仲未出到市區喎 ...

西鐵快 ...... 快到美孚, 南昌囉, 同旺角又有一大段距離啦. 公路出市區呢點, 其實三號幹線要入尖沙咀/中環, 一樣要係連翔道/干諾道西塞, 情況其實唔係好好多.

其實講到尾, 我都係想講, 呢 d 野其實都係你睇我好, 我睇你好, 唔代表邊一面條件優越好多. 總來講, 似乎係新界東便宜但慢一點, 新界西貴但快一點.
反問番, 如果每程加幾蚊換來快一 d, 新界東係咪人人都制先 ......

先申報利益：小弟住屯門，並持有西鐵綫全月通。

睇返咁多位版友的文章，好似一面倒說西鐵的不是。
說實在一句：西鐵綫點解咁貴？點解尖東站會貴d？
你要明白一樣野，東鐵綫一向都有羅湖站及落馬洲站的補貼，車費自然較平；
西鐵綫，有咩可以補貼到佢？
輕鐵都自身難保啦
最簡單的一個道理：上水去大埔墟幾錢？屯門去元朗又幾錢呢？
我就算唔計你西鐵綫，我用輕鐵同你東鐵綫比，咪一樣貴過你....
當然，你要計埋接駁車的話，咁當然係貴d，因為接駁車根本唔係由港鐵/九鐵負責
點解唔開？你就真係要問一問前九鐵喇....我都唔知可以點樣回應你了。

你係要計落尖東站貴左，我無野好講
但你要明白一樣野，如果收270A的收費模式來說
基本上你搭270A落尖沙咀同搭東鐵落尖沙咀的收費係差唔多...
但我地呢？260X收$13.30，西鐵綫點都要收$16.50
又點計？再計埋過海呀...正如上面版友所示，又係西鐵綫貴....
再計埋全月通，又係西鐵綫勝出....
咁你話點解呢？

你話西鐵綫霸道.....
講真一句，東鐵綫同西鐵綫邊一條係方便d，大家心中有數
點解西鐵綫要有兩個轉車站？東鐵綫直入旺角心臟地帶，西鐵綫呢？
東鐵綫一向都可以去到尖東(唔好同我理論紅磡站是不是在尖沙咀)，西鐵綫呢？
你可以話東鐵綫多站，但你要睇下，東鐵綫除左大學站外，每一個站都係新市鎮重鎮
而且就算你唔搭東鐵綫，搭巴士直出市區點都比新界西北那邊平
270A的問題，根本不在新界西北的路線，只係九巴運輸署唔肯開綠燈所致
我地沒有說話唔俾63X唔經尖沙咀，唔通過的只係九龍的區議會姐....
唔好下下入晒新界西北數
再睇埋沙田區，入得尖咀的全日路線有幾多條，淨係沙田馬鞍山已經有3條
我地屯門區就得一條，睇埋車費呀，你過埋隧道就仲平過我地呀唔駛過收費隧道
咁又點計？

再睇落去，你想東鐵綫繼續以尖東為總站
但你要睇下究竟尖東站可唔可以先.....
唔好下下都認為係：非不為也，實不能也
尖東站得兩個月台
繁忙時間我真係想問點樣可以SERVE兩條重鐵路線做總站
不如請新界東的版友教一教我們這些新界西北的版友呀...
亦有版友提及馬鞍山綫的車站簡陋，我想問咩為之簡陋？
咩為之唔簡陋？你想要咩服務？一個車站應有的設施全部都有齊
下下搞到西鐵綫的車站，我真係想問係咪想好似現在咁樣人流稀疏先開心

再睇落去....東鐵綫遲早會過海，西鐵綫呢？
到時我係咪可以又話點解東鐵綫可以過海，西鐵綫唔可以？
如果係的話到時唔好又插我不是WOR....

多言了。

原帖由 SSBT 於 2008-11-19 01:15 發表

你提返我一樣野,
就係當年火車延長去尖東，
因為九鐵既「時值理論」，
而令尖東站收費遠比紅磡站高。
當年 北區 九/旺/紅 : $8.5,
因為「時值理論」，去尖東站就"值"收 $12，
高 $3.5 ..

合併後收費過高亦存在。


請問甚麼是時值理論？
咁火車第 ...

原帖由 GD1570 於 2008-11-19 11:24 發表
先申報利益：小弟住屯門，並持有西鐵綫全月通。

睇返咁多位版友的文章，好似一面倒說西鐵的不是。
說實在一句：西鐵綫點解咁貴？點解尖東站會貴d？
你要明白一樣野，東鐵綫一向都有羅湖站及落馬洲站的補貼，車費自然較平；
西鐵綫，有咩 ...

完全反映晒我地新界西居民既不滿，好!

西鐵綫定線奇差，個個站都唔係發展區入面，
造價貴(應該話太豪華) 令到佢成條線既收費都特別貴，
兩樣不利既條件先造就左所謂既"咁多優惠"囉!

本身定線奇差，唔加強接駁，揾咩人去搭?
已經冇人搭仲收咁貴，死多兩錢。
如果西鐵綫多人搭，使鬼又要全月通又要咁多免費接駁又要咁多優惠吸引人搭!

另外唔好睇到新界西好多地方都好多巴士搭，
就算多巴士線直出市區，條條線都貴過人。
仲有，事實上好多地方都係同新界東一樣咁唔方便!
去到自己果區都係要自費接駁!!

原帖由 kachun28 於 2008-11-19 13:43 發表
完全反映晒我地新界西居民既不滿，好!

西鐵綫定線奇差，個個站都唔係發展區入面，
造價貴(應該話太豪華) 令到佢成條線既收費都特別貴，
兩樣不利既條件先造就左所謂既"咁多優惠"囉!

本身定線奇差，唔加強接駁，揾咩人去搭?
已經冇人搭仲收咁貴，死多兩錢。
如果西鐵綫多人搭，使鬼又要全月通又要咁多免費接駁又要咁多優惠吸引人搭!

另外唔好睇到新界西好多地方都好多巴士搭，
就算多巴士線直出市區，條條線都貴過人。
仲有，事實上好多地方都係同新界東一樣咁唔方便!
去到自己果區都係要自費接駁!!

坦白咁講一句：東鐵綫那邊日日都話我地西鐵綫這邊有咩免費接駁
但其實正如閣下所示，無免費接駁，又真係有幾多人會用西鐵綫呢？

再加一個case來睇睇：西鐵綫唔似E33，E33獨市，所以就算要駁多程車都無計
西鐵綫唔係獨市，睇深一層，佢的車站好多搭巴士都可以去到，佢唔搞免費接駁我就真係唔知佢起來做咩...
到時咪又係無人搭...

再計落去呀，有幾多人係因為有西鐵綫全月通而轉行搭西鐵綫，又再睇睇有幾多又因為有東鐵綫全月通而轉行搭東鐵綫
各位計計下就知道點解西鐵綫要搞咁多分支免費接駁啦

講得好中POINT, 睇完你個POST我都想講下我的意見,
我住係新界北, 雖然我都認為西鐵車站少, 車程快,
巴士都好直接同方便, 又有得去到港島,
不過車費(不論巴士或鐵路)真係比新界東果邊貴好多,
東鐵雖然慢, 不過本地線平到笑(北區-旺角$8),叫做補返數,
北區不少地區距離火車站都唔算遠, 係大埔比較差少少,
所以先有好多大埔人選擇巴士
服務方面而家非繁時落馬洲+羅湖混合班次時段,
3分1班次6分鐘一班, 3分2班次3分鐘一班,
比起西鐵已經明顯密好多
繁時又有各種特車比乘客揀, 頭等的價錢合理
所以我都幾滿意東鐵現時的服務,
可惜信號系統比較慢, 搞到成日塞車,
仲有部分舊式列車車廂有時好焗=.=

至於東鐵將來可一程過海係咪真係咁好,
我自己就唔多覺有咁好了, 無頭等車廂選擇, 縮減3卡車廂,
紅磡站要搬去較遠的貨場地底(轉隧巴/行去尖東唔方便),
多左一批地鐵觀塘綫+九龍城+土瓜灣乘客逼東鐵+衝門,
未知會否對班次構成更大延誤, 再加上大陸直通車唔會取消,
所以都係果句, 我睇你好, 你睇我好
我就寧願選擇交通費較平的新界北居住了

[ 本帖最後由 ES464470X 於 2008-11-19 17:11 編輯 ]

GD1570 講得好岩

我地新界西居民, 都不知幾想好似新界東咁有咁平的車費
個站起得咁豪華做咩呢? 如果有得比我選擇
我絕對唔介意用簡陋的車站做西鐵車站囉

仲有, 新界西係多巴士選擇
但問題係條條都貴到死呢, 接近$20先出到九龍

仲有, 新界西出旺角, 要轉車一次
過海, 要轉兩次, 去港島東, 要轉3次
遲D東鐵過海, 係咪到新界西居民又嘈呢?

我都唔明大家係度嘈D咩,,,,,,有咩好嘈

現有既得利益者將失去利益時, 當然會嘈, 亦不難明白.
不過有些人總喜歡標籤居於某地區的居民這樣那樣, 最令人失望....

[ 本帖最後由 HOMAN 於 2008-11-19 18:32 編輯 ]

原帖由 HOMAN 於 2008-11-19 18:26 發表
現在既得利益者將失去利益時, 當然會嘈, 亦不難明白.
不過有些人總喜歡標籤居於某地區的居民這樣那樣, 最令人失望....

說實在我不反對有人嘈...你俾著我我都會嘈
但個問題係唔好因為嘈而標籤某區人士點點點...
這是完全不切實際的