九龍南綫車費跟現時西鐵綫一樣

有D人，真係身在福中不知福得好過份

成日鬧西鐵位置差收費貴，唔加強接駁、攪優惠，真係搵鬼搭.......
其實歸根究底，都係因為非鐵路交通好，居民有選擇，經營者面對競爭既結果，試想想，畀著十幾年前，冇甚麼欖隧西九快公西隧村巴，成個新界西北，只能靠專利巴士行屯公，屯公一有咩風吹草動，就全新界西北癱晒，如果西鐵o係咁既狀態下出現，仲到唔到你大叫「位置奇差又貴到死，冇免費接駁同優惠搵鬼搭」？

畀著另一邊，普遍冇免費接駁，大把人又要畀九/小巴賺又要畀九/港鐵賺，都係要咁搭鐵路，點解？係另一邊條鐵路真好好？定係因為根本冇某D地方咁多既選擇？
捉著東鐵過海(11年後！)就大造文章，誠然，西鐵係唔過海，但1年後，已經有3個轉到過海鐵路線既車站(已經唔計柯士甸/九龍，再講其實而家已經有2個)，但東鐵就完全冇站可以轉到過海鐵路，而呢種狀態要維持達10年(會唔會再延期都仲係未知)，至有得東鐵過海，即使東鐵過海後，亦不會對新界西北的貴賓們有任何影嚮(反而古有荃灣線通車、今有九龍南線通車，對東鐵線、觀塘線既人就.........)，就算咁都唔鐘意，都仲有大把西隧巴士村巴揀，另一邊呢？咁都唔滿意，係咪要一條西鐵通全港每個角落，至叫合格？

至於巴士車費，我只想講一個事實，就係9xx系西隧巴士，行一次西隧，巴士公司要畀$115，行埋欖隧的話，再畀$105，一程最高成$220隧道費，但平均每公里車費，係平過好多紅隧線，行紅隧幾錢？$15

題外話，有人批評過「九鐵根本唔應該提早幾年開尖東畀東鐵用，而應該等九龍南線通車後，一開就開畀西鐵用，咁新界東就唔存在尖東縮回紅磡既痛苦啦！ 」小弟也想照此邏輯回應一下，「九鐵根本唔應該起吃力不討好既西鐵，應該由得新界西北繼續單靠巴士出入，咁就唔存在面對西鐵位置差，車費又貴既痛苦啦 」

[ 本帖最後由 mckhgc 於 2008-11-19 22:57 編輯 ]

其實有人覺得西鐵車站位置差，係因為轉乘輕鐵的時間對比「高速」西鐵而相對得出的感受。
原因係搭西鐵去西九龍２０分鐘，而剛剛搭一程輕鐵又１５分鐘之久就怨西鐵車站位置差令到旅程不能縮短到２０分鐘。

卻忘記總旅程才是３５分鐘而已。相比北區周邊都快了很多。

[ 本帖最後由 barking 於 2008-11-19 19:52 編輯 ]

如果要說「身在福中不知福」，我諗點都未到新界西的人說先...

早於1989年，S區已經有一條過海隧巴線可以直達中環金鐘銅鑼灣的心臟地帶
M區就1991年，仲有兩條大線可以直入尖沙咀區的中心位置
一條兜就一條唔兜
再北移上少少的T區，一樣有一條大線可以去經九龍公園去到海港城附近
亦有一條晨早特快線來往該區及中上環電車路一帶
再北上D，去到另一個S區，1993年亦已經有一條早上繁忙時間的隧巴線又係直入中環金鐘的中心
而這三區就一路都有鐵路直達旺角及紅磡海底隧道收費口，大把隧巴等緊轉車客過海，近則灣仔，遠則柴灣堅尼地城，亦是前往尖沙咀主要車站，打風落雨最多都係迫一迫巴士都可以轉鐵路返家

反觀新界西，一路都係靠一些晨早村巴線直達，又或者靠大集團的主幹線來往新界西及市區
1993年才有每天一至兩班的晨早線，兜兜兜兜大圈直入中上環。
但留意，係無回程架...之於鐵路，更加唔駛諗啦，南面最遠都只係去到食海鮮
當然可以搭船船，但一有咩打風落雨，真係想搭都無計...
尖咀就更加只係靠D晨早線，要全日線？得，Y區等到1998年，T區仲勁，2000年，兩邊都係一線走天涯，
過海就早少少，1997已經搞掂。

點解一路以來新界西區可以有免費接駁呢？我相信正如其他版友所示
基本上西鐵綫係先有市鎮後有鐵路，仲要D站完完全全是在山卡啦的地方
車費較貴，如果以同線的巴士路線相比，車費亦都已經貴了一截
再者，巴士亦不是可以去晒咁多個區，有免費接駁谷下客都不以為過；
反觀另外一邊，正如小弟之前所示，除某站外，其他全在市中心區域。
巴士線亦可以深入每一個區域，鐵路亦一路都是他們主要的出入交通工具
免費接駁對他們來說，根本唔係吸引佢地使用的政策，反而班次密才是主要原因

公路一塞車，我相信那一區都一定即刻轉去搭鐵路；我唔相信邊一個區的乘客可以依然走去塞公路
正如鐵路一有咩事，我唔相信聰明的消費者依然撞個頭埋去，死都要搭鐵路。
西鐵綫定位差，我相信無一個版友會反對；
東鐵綫定位差，我亦唔相信有版友會贊成。

再睇埋落去，西鐵綫現在才話可以直入尖沙咀，而車費亦都比起搭巴士的來得貴
有村巴不為過份；反觀另一邊箱，一路以鐵路為主道，村巴唔開線自然有佢地既目的
我唔相信村巴公司有錢唔賺，又或者只係賺某一區的錢....唔通真係新界西的村巴吃香D咩

好簡單的一個道理，唔係有西鐵綫全月通，有咁多人會搭西鐵？我唔相信！
但無左另一邊箱的全月通，我相信使用人數唔會截然減少左。

有版友說：一早就唔應該起西鐵，單靠巴士出入咪得囉...
咁我不妨都回應一句：唔好「吃不到的葡萄是酸的」

[ 本帖最後由 GD1570 於 2008-11-19 19:59 編輯 ]

原帖由 AVW56 於 2008-11-19 17:46 發表
仲有, 新界西係多巴士選擇
但問題係條條都貴到死呢, 接近$20先出到九龍

仲有, 新界西出旺角, 要轉車一次
過海, 要轉兩次, 去港島東, 要轉3次
遲D東鐵過海, 係咪到新界西居民又嘈呢?

老實而言，在過海問題上，東西鐵均有考慮延伸過海的可能性，
由於新界東本身的過海巴士路線嚴重不足，
引致東鐵延伸過海的必要性比西鐵為高，因此不採納西鐵過海的方案。

再者，新界西有邊一條巴士路線接近 $20 先出到九龍，請在此詳列，
小弟只知，269B 及 296C 貴盡也是 $16.5，其他路線不見得很貴（因為欖隧及時間上，是可接受水平），
反而 $20 先出到香港島，小弟一定認同。

由於元天巴士路線受欖隧及西隧高昂收費影響，使正常的車費遠高於北區的巴士路線，
亦因如此，在西鐵訂價上，亦受此因素訂定西鐵價格，西鐵價格高昂其一因素為市場的競爭者收費高昂。
而且西鐵價格高昂，亦因當年屯門居民強烈要求南延，加上定線走向是以鐵路距離而不出現先平後貴現象，
使屯門區西鐵價格遠高於以行車哩數計算的正常巴士路線。

問題只怪只年九鐵以市價參考西鐵收費，以及怪九鐵在東鐵的加價力度不足。
東鐵收費過平，小弟的確認同，但此為一件好事。

至於轉車問題，個人認為只是多轉數程列車，
為何會有過大的爭論？東鐵多轉一程列車，根本不是很大問題。

而長遠上而言，北港島線落成後，西鐵可只轉一程列車到港島東，東鐵亦是如此，
小弟亦深信北港島線將與東鐵過海段同期落成。

[ 本帖最後由 dennis28a 於 2008-11-19 20:17 編輯 ]

原帖由 GD1570 於 2008-11-19 19:56 發表
西鐵綫定位差，我相信無一個版友會反對；
東鐵綫定位差，我亦唔相信有版友會贊成。

我記得以前東鐵的位置勁差，差到好多地方連車站都唔需要起，
大概只有粉嶺站、大埔站、沙田站咁啦
果時大埔舊墟的人行去大埔站，同現時元朗墟行去朗屏站差唔多啦！

原帖由 barking 於 2008-11-19 20:16 發表


我記得以前東鐵的位置勁差，差到好多地方連車站都唔需要起，
大概只有粉嶺站、大埔站、沙田站咁啦
果時大埔舊墟的人行去大埔站，同現時元朗墟行去朗屏站差唔多啦！ ...

的確，儘管現在的大埔墟站也需鐵巴接駁，對比元朗站的定位而言，根本不相伯仲。
沙田、火炭、大學站在馬鐵未通車時，原有主要住宅區亦不近鐵路車站，是否很不便，大家各自自知。

講真，初初九鐵計劃應該係沙中線起左先起九龍南線
咁果陣就應該係乜問題都無
沙中線應該係而家通左車
但係因為地鐵多番拒絕九鐵的轉乘建議及優惠建議，拖延興建，先會搞到咁遲都未起到
所以要怪請怪地鐵的不合作

西鐵的服務對象為天水圍和元朗居民，並非為屯門人而設的鐵路
當初九鐵構思西鐵時，只以天水圍為總站
後來於居民要求下，才伸延到兆康，甚至屯門

而且現在的西鐵只是第一期
當初西鐵規劃時，是會與過境鐵路一起興建的，讓西鐵可成為與東鐵一樣的一條集客運、貨運和直通車的路線
但後來由於屯公塌石事件才將現在的一段西鐵先行上馬
試問這條路線於當初規劃時是連接邊界的，不北上行走難度經屯公那邊入嗎？那邊建造十分困難

我自己住新界東（沙田），完全無覺得交通好差，仲覺得係全港交通最完善既地方
就算九龍南線開左，我去尖東要轉多次車
那還是比轉觀塘線和荃灣線往尖沙咀快，更轉少一次車了

當初為何要給東鐵使用尖東站一會？
因為這段鐵路有很大需求，當初是會由東九龍線去行走的
但後來因東九龍線一再拖延，而彌敦道那邊又太多人，所以才要先行把這段鐵路抽出來（九鐵電氣化時，顧問報告亦指出有鐵路由紅磡愈快到尖沙咀愈好）
就算九龍南線開通後，這段鐵路仍會有分流作用

多言了

我以前住係九龍, 搬入新界公屋時可以揀北區或屯門區,
最後我家人揀左北區, 完全無後悔,
因為當時屯門公路一塞車, 成個大西北的交通就癱瘓,
我細個間唔中睇新聞就見到d巴士乘客係屯公落車行返屋企
果時都有唔少大西北居民坐276/276p去上水轉東鐵,
避開屯公擠塞,
雖然而家有西鐵, 不過對於遠離西鐵的居民,
真係無乜吸引力...收費仲要貴過巴士,
當然會批評西鐵唔夠方便
我自己就只係坐過幾次西鐵, 快就快,
但問題係現時唔可以直達市區市中心,
卻收取比一程過巴士仲要貴的車費, 唔出全月通根本好難招客
雖然定線係差左d,
但公路擠塞時起碼仲有另一快捷選擇返新界西北,
唔駛下下都要去到上水轉車, 增加東鐵負荷

我自己住新界北, 坐開東鐵, 就算東鐵唔出全月通,
對客量影響都係好微, 因為東鐵本地線本身已經好平,
全月通對於要到尖東上班的乘客只係平上加平
定線方便亦都明顯好過西鐵, 太和, 粉嶺同上水站都近民居,
西鐵果邊, 有唔少人居住的天水圍北同屯門碼頭就同西鐵站相距頗遠

[ 本帖最後由 ES464470X 於 2008-11-19 20:35 編輯 ]

原帖由 KZ9314@YCC 於 2008-11-19 20:31 發表
......
而且現在的西鐵只是第一期
當初西鐵規劃時，是會與過境鐵路一起興建的，讓西鐵可成為與東鐵一樣的一條集客運、貨運和直通車的路線
......

不過而家新界西北都已經有巴士/小巴直達深圳灣/皇崗同福田口岸,
發展古洞成為新市鎮前,
根本就未有足夠需求再起多一條鐵路(北環線)由錦上路去落馬洲

根本點都冇得講啦 ..

新界西就話西鐵定線唔好，
即使而家有兩個轉車站可以直接過海都唔好；
新界西有好多交通工具選擇，
但係好貴，所以都唔好。

咁新界東呢？
沙田交通係幾好呀，
咁大埔呢？
上水粉嶺呢？
東鐵比西鐵平好多，
佢地覺得唔抵之嘛 ..

我住上水，
我日日都係要搭火車出入，
去到尖沙咀迫上地鐵過海；
我想有過海巴士架，
我都想有車出尖沙咀架，
而家冇丫嘛 ..

點解仲未有人回應我之前提到既
尖東站「時值理論」?