回復 70# 的帖子
我覺得兩邊都各有優劣, 新界西北巴士方便過鐵路,
特別係去港島中西區, 所以西鐵搶唔到太多巴士客,
就算西鐵延長左去尖東, 但對於遠離西鐵站的居民,
根本就無乜優勢~
新界東就有先天優勢, 因為獅隧塞車機會較大
鐵路平得黎又唔算慢, 除左大埔之外車站近民居/市中心,
去旺角更加係非常方便
除左去九龍東比較唔方便, 但有特快巴士彌補,
但新界西北的巴士去九龍東......一定要經過黃大仙,
同埋呈翔道等, 車程都幾長下,
唔似新界東特快巴士可以行大老山隧道
277X彩虹去粉嶺南的車程更只需25分鐘
隔離巴士版亦有板友投訴過258D/259D用車數量不足,
分分鐘仲差過現時非繁時用車不足的277X,
所以我住左咁多年新界北, 睇住對外交通不斷改善,
絕對覺得而家唔係好似某D人想像中咁苦,
只係而家越黎越多人住係北區, 有必要再開新的巴士線,
進一步改善對外交通~
[ 本帖最後由 ES464470X 於 2008-11-21 22:12 編輯 ] |
|
|
|
|
回復 71# 的帖子
我並唔係想針對某一區的版友..
正如閣下所示:每區各有利和弊
你要十全十美的區域,就唔該揀住旺角,保證去邊都咁方便
住得新界,我諗十個有十個都預左交通一定會比較無咁方便...
但某D人的言論令我覺得有必要為自己那區的交通作出平反..
唔係某D人想像我們是打橫行,想要咩交通就從他區手中搶回來那樣無理...
我地都係爭取我們應有的權益
講真,我地都唔想因為我地爭取而令他區的利益收損
但個問題係交通工具公司及政府的政策我們無從過問
每種政策各有利弊,作為一個使用者,對自己弊多於利的政策
除了無奈地接受外,仲可以做D咩?唔通唔搭咩....
正如閣下所示,唔通我有直接的258D唔搭,走去搭58M出荃灣轉40/紅小/港鐵?
講返正題,西鐵綫同東鐵綫的代遇,我相信去到廿年後都仲有人嘈緊
但個問題係:究竟是不是不公平呢?究竟是不是某綫搶某綫的資源呢?
在我這位西鐵綫使用者的立場來說,我可以否定以上兩點
當然你可以話我利益輸送,但正如我較早前舉出的例證
我們絕對沒有搶奪任何綫的資源。
要是我們要搶的話,K16絕對無可能有中途站,而係應該直通車咁落尖沙咀
要是我們要搶的話,我們就唔會接受出旺角仲貴過出尖咀的事實
你係要話我地區內接駁交通免費,咁唔該你去問一問某公司
點解當初反對在新界東開免費接駁綫....
而不是走來說新界西北搶資源、生霸死霸,咩都霸一餐
十幾二十年前的事例,我相信足以證明點解我地咩都要爭取
正正就係因為某區一向都係咩都足,去邊都講緊有直車...
但試回想一九九五年之前的屯門元朗,連簡單的尖沙咀商業區都要去荃灣或太子轉車
都莫講話過海了
但同一時期,另一區就已經幾條巴士線直出尖咀或直達中上環金鐘灣仔銅鑼灣這些商業及經濟中心區
我唔敢話我地慢,始終發展先的都係新界東,新界西真係後起之秀
但我地都係使用者,都有權爭取自己想要的東西...
到我地爭取到喇,無奈地卻被另一區的人士說我們的不是...
難道我們是錯的嗎?
有沒有人可以回答我這個問題? |
評分
-
查看全部評分
|
你有你可愛,我有我好笑。
|
|
|
GD1570講得好岩
除左佢所講之外, 我覺得大家應該諗一諗
你估九鐵/港鐵公司是傻的嗎?
當年九鐵就係非常明白, 其西鐵車站位置遠離住宅區
所以先推出各項免費轉乘優惠吸引居民使用西鐵
好似輕鐵接駁咁
天水圍南的居民都會用佢黎轉西鐵, 反正都係2-3個輕鐵站
但天水圍北居民呢? 佢地絕對唔會搭6-7個輕鐵站去西鐵站
於是九鐵公司就開一條K76巴士線, 經天影路特快上天北
咁又比九鐵公司成功吸納到天北的居民
又因為南昌站未到市肺, 於是又開K16送班客去尖沙咀
又同新巴傾701/702免費轉乘落旺角
呢一切一切, 乘客係有眼睇的
雖然九鐵公司做得低調, 但全是得政
西鐵係呢5年間, 客量持續上升
九鐵公司實在應記一功
我成日都話, 港鐵公司夠吉士GE
咪即管試下取消K76呢類接駁巴同取消輕鐵免費轉乘囉
睇下到時西鐵個客量會變成點? |
|
|
|
|
一條鐵路要靠o甘多條免費接駁巴士路線先可以生存到(仲係蝕緊錢),
仲要係同輕鐵搶生意,俾著我係田北辰就唔敢大聲周圍同人講,
而家701/702有海麗村/四小龍都唔多理西鐵線乘客。
K16就真係唔想多講,間接令到K15取消,迫住要俾多$3.0(79K)轉乘東鐵。 |
|
|
|
|
如果想方便自己既,擁有自己既代步工具啦。始終1碟飯冇可能俾到所有人食。
18 區既人都有交通問題。 |
|
|
|
|
原帖由 AVW56 於 2008-11-22 00:26 發表
天水圍南的居民都會用佢黎轉西鐵, 反正都係2-3個輕鐵站
但天水圍北居民呢? 佢地絕對唔會搭6-7個輕鐵站去西鐵站
於是九鐵公司就開一條K76巴士線, 經天影路特快上天北
咁又比九鐵公司成功吸納到天北的居民
又因為南昌站未到市肺, 於是又開K16送班客去尖沙咀
又同新巴傾701/702免費轉乘落旺角
呢一切一切, 乘客係有眼睇的
雖然九鐵公司做得低調, 但全是得政
西鐵係呢5年間, 客量持續上升
九鐵公司實在應記一功
問題為,為何九鐵要這樣做?
全因為西鐵根本不能吸引乘客問題所致,這樣做,係貼錢吸引乘客的行動。
當年南昌站未到市中心,要開 K16 及 701/702 轉乘,
只是因為西鐵在市區為一條獨立路線,並無良好鐵路轉乘系統到市中心。
若果九龍南線通車時,不論有否兩鐵合併,我又不相信 K16 及 701 免費轉乘不會取消。
而且,西鐵客量持續上升並非九鐵公司的「一功」,而是應該要處理的事情,
如果九鐵不貼錢送客,連西鐵成本也未能收回,根本浪費公帑。
別要忘記,輕鐵及西北接駁巴士的免費轉乘西鐵,
根本係送錢俾乘客,變相加重輕鐵及西北接駁巴士的虧損情況,更拖累整間鐵路公司虧損。
如果貼錢送客可記一功,相信不會明知蝕大本都仲要貼錢送客。
(換個例子,港鐵為左吸引乘客坐機鐵,又要貼錢送客,令機鐵客量上升,又是否應記一功)
[ 本帖最後由 dennis28a 於 2008-11-22 13:58 編輯 ] |
|
惡意回復是不道德的行為。
|
|
|
家家有本難唸的經,區區都有各自既獨特條件同需求,如果要「駛唔駛轉車」、
「要轉幾多次車」、「有幾多個轉車站」、「行車時間長短」、「收費高低」、
「有幾多路線選擇」、「有冇免費接駁」...樣樣都做到絕對公平的話,
真係要鏟平香港重新規劃,兼夾將交通變成慈善福利先有可能。
只要全港既交通規劃都本住同一個大方向去做,根本唔需要執著比較邊度好邊度差。 |
|
|
|
|
原帖由 Kaix 於 2008-11-23 11:42 發表
可唔可以比d有建設性嘅提議
單車對於新市鎮區內行程的確好方便,
但就冇可能出到市區
香港駕車冇可能會比搭車方便,
要駕車就要浪費時間上上落落、又要揾車位、又要塞車、又要就住時間、又要行到遠一遠、又貴,
市 ...
如果一人一車,到時環保團體就會出黎嘈話太多私家車影響香港空氣質素。
而且,我都唔希望見到一人一車呢個地步,
因為只會造成人車爭路既情況更嚴重,到時塞車情況更加失控......
同埋,而家港人係咪真係再有咁多錢去買車呢?
難矣。 |
|
|
|
|
原帖由 ES464470X 於 2008-11-21 20:03 發表
我住係華明, 行出火車站11-12分鐘, 坐巴士都係行落樓下就有,
我就唔明而家GE交通都仲叫身在苦中不知苦
我覺得叫美中不足就差不多吧,
無錯而家新界西北果邊交通係方便好多呀,
不過車費貴咁多(特別係天水圍/元朗), 咪即係打返和,
唔好咁開心住...
果程273收你$3.2, 其他路程相若的綠小呢程$2.5都未必...除非你願日日行路 |
|
|
|
|
|
Advertisement
Advertisement
Advertisement
Advertisement
Advertisement
|