極度愚問：金融海嘯對香港巴士公司有沒有影響？

今年是香港巴士公司經營情況最困難的一年，除了因為國際油價於今年大約三分之二的時間都是居高不下，以及維修及工資成本上升，導致經營成本急增，加上運輸署現行的交通政策(尤其是保鐵)，都影響巴士公司的經營空間。除了加票價外，今年香港專利巴士公司(九巴、城巴、新巴、嶼巴、龍運)的新出牌巴士數目亦是近年來最少的。

最近金融海嘯席捲全球，究竟對香港巴士公司的經營環境會否有影響呢？

更系會啦,,
好似小弟仲系學生,,我而家如果唔趕時間或者早d出門口都轉投港鐵,如果個個好似我咁巴士公司就...
仲有d公司炒人,,炒左即系唔使返工啦,,又少左返工客。
仲有d應該cut既線,又唔人cut,,咁自私。
希望出年唔好再系咁,

今日睇報紙國際油價會回落至40美元一桶!沙士果陣都好似係60美元一桶!d人賣晒d私家車,便會搭巴士啦!係政府盲目保鐵,開唔到賺錢線,買唔到新車令到巴士公司無啖好食!

應該好處多過壞處，油價由最高 $147.5 回落至星期五收 49.93，調整六成半，
相信已減低了很多支出成本，雖然經濟唔好，會推高失業率，但亦唔見得搭巴士人數一定會減少，
只要巴士公司唔好多手玩對沖攪到損手爛腳，巴士公司應該較喜歡現在的狀況。

[ 本帖最後由 32 於 2008-11-23 12:20 編輯 ]

其實有好處既, 經濟差>部份有車人士轉搭公交>多左人搭巴士;
另外就係樓上所講, 油價大幅回落, 成本因此下降。

但我覺得對於金融海嘯來講最受影響既路線
會係過海隧道路線居多,而家係尖沙咀碼頭
都有唔少人仕係座船過海,反觀係紅隧口眼見
其他九龍去港島既過海隧巴線(例如:隧巴10x,
隧巴11x)都唔係好多人搭,可想而知金融海嘯
都影響緊隧巴線既客量.

我反而覺得各巴既廣告收益會少左...

原帖由 32 於 2008-11-23 12:17 發表
應該好處多過壞處，油價由最高 $147.5 回落至星期五收 49.93，調整六成半，
相信已減低了很多支出成本，雖然經濟唔好，會推高失業率，但亦唔見得搭巴士人數一定會減少，
只要巴士公司唔好多手玩對沖攪到損手爛腳，巴士公司應該較喜歡 ...

電車乘客量都上升緊,
少人搭貴既交通工具,
巴士都會受惠,
始終大部分市民都繼續要返工返學,
但巴士公司經濟不佳可以不加薪,唔請新人,
而油價又回落,
對巴士公司冇乜唔好..

原帖由 LA16-3ASV465-51 於 2008-11-23 16:16 發表
我反而覺得各巴既廣告收益會少左...

又未必。

沙士果陣都有好多新廣告出街，一樣有大把新車「極速上廣告」，
換畫速度又快。

另外巴士 / 鐵路其實都算係必須品。你要返工返學，總沒可能
由新界行出九龍吧 (華荔村行出美孚除外 )。

其實大部份市民，搭開巴士的都多數會繼續搭巴士 (學生除外)，
搭開鐵路的都會繼續搭鐵路，乘客都係想選擇一種最方便 /
時間同車費可以取得平衡 / 最適合自己的方法吧。

加上而家失業率都仲係 3.x% (最新一期未出，但應該唔會一下子
跳到 4.x% 甚至更差吧)，即係仲有好多人要繼續返工返學。
多數人慳錢都係會在食野 (例如唔會食得太豪) 或者買消費性
物品方面慳。

至於政府政策方面，根本二十多年前已經存在，一直都冇變過。
我相信政府寧願要求港鐵提升列車信號系統，都唔想開咁多巴士
線。(港鐵有錢賺，政府有肉食。巴士公司有錢賺，政府根本冇
肉食，仲要貼錢出來整路。)

講到尾，巴士公司面對的困局根本係自己拿來的。人地唔覺得
你的服務好，自然會轉投其他交通工具。

當然，油價回落，巴士公司營運成本的確會少得多。

原帖由 chan6723 於 2008-11-23 16:54 發表
又未必。

沙士果陣都有好多新廣告出街，一樣有大把新車「極速上廣告」，
換畫速度又快。

全車身廣告則可能會減少，客戶為省錢而改賣 banner 廣告。