有關港府係今次泰國局勢動盪時既反應.........

原帖由 superbus 於 2008-11-30 18:09 發表
當個機場爆到七彩
飛機唔可以降落
有包機又如何?

大陸甚至澳門都去到,而且唔止出一架
點解香港又唔得?

原帖由 DM17 於 30/11/2008 18:46 發表

大陸甚至澳門都去到,而且唔止出一架
點解香港又唔得?

國泰唔係已經係咁用緊包機送人返香港喇咩？

如果無人用直達包機返緊 / 返到香港，
我無條件贊成你，可惜事實並非如此。

試想下, 香港人去到外國, 遇上局勢緊張機場關閉突然立立亂時, 自己真係無晒辦法, 又擔心旅費用晒, 又擔心藥物用晒, 又擔心小朋友要番學... 呢個時候, 政府力量就顯得重要.

包架機去接番D人民番黎, 等佢地唔需要流落異鄉, 係最基本既要求. 包一架機要幾多錢? 一位副局長一個月人工, 都夠包半班機啦.

但我地既政府做左D咩? 係咩都無做, 只係靠航空公司自己搞掂. 成日話做官要做"父母官", 但今次香港政府有當流落泰國既香港人係佢既仔女咩?

當澳門去包機, 大陸都去包機時, 香港政府仲係咩都唔做. 中央政府本來都唔方便出手, 但見香港政府實在太唔掂, 於是就話大陸包機會俾D空位俾香港人, 香港政府真係幾無面.

有錢請太空人去香港玩, 但無錢包機救香港人, 擦鞋重要定係香港人重要, 好明顯啦. 但照睇今次都係要靠中央出手, 似乎胡溫政府都唔係好受落香港政府個套囉.

原帖由 PB602 於 30/11/2008 20:23 發表
試想下, 香港人去到外國, 遇上局勢緊張機場關閉突然立立亂時, 自己真係無晒辦法, 又擔心旅費用晒, 又擔心藥物用晒, 又擔心小朋友要番學... 呢個時候, 政府力量就顯得重要.

包架機去接番D人民番黎, 等佢地唔需要流 ...

定係國泰一路都係代表緊香港政府，只係無講出口而已？

如果好似你咁講，點會有咁多人 (直機) 返到香港呀？

小政府大市場，曾生真係「安守本份」。
無計啦，曾生都係公務員出身的，少做少錯、唔做唔錯之思想已經根深柢固，呢個時候，大家應該學習潮語：
泰國示威者「屈機」（今次更係literally屈機，屈住晒Ｄ飛機），香港特首竟然去「潛水」，全港市民「O晒嘴」。

回上：
國泰機係要畀錢搭的，大約係$1000一位（報紙話），仍然係乘客／旅行社自付，
而且優先畀持國泰機票乘客，係航空公司自己的應變，所以唔係包機。

巴士比喻：假如東隧封了，九巴開條601R經紅隧往港島，
但乘客都係要照畀錢的，甚至畀更貴，但都無符，無人包起架車。

[ 本帖最後由 DIH 於 2008-11-30 21:06 編輯 ]

如果三地嘅航空公司一齊聯合派機接載滯留的中國公民由芭提雅返港，再係本港轉車/轉船/轉機，會否好些?

原帖由 DC5 於 30/11/2008 21:37 發表
如果三地嘅航空公司一齊聯合派機接載滯留的中國公民由芭提雅返港，再係本港轉車/轉船/轉機，會否好些?

香港就「好些」，其他地方一定剷上天花板。


另回 #15:  OK，睇咗新聞我都知要俾錢，
但似乎泰國方面有 quota，唔排除香港啲 quota 被 CX
第一時間搶哂，或者泰國方面可能以為 CX 代表香港政府。
如果真係咁，澳門應該係無航空公司咁做所以可以由政府包，
而大陸官權較強，可以控制啲航空公司唔自己拎走 quota。

不過政府話錢係返嚟先計，有可能係想事後向國泰包底。
今次政府最錯可能係應化妝而唔化妝。

原帖由 DIH 於 2008-11-30 21:00 發表
回上：
國泰機係要畀錢搭的，大約係$1000一位（報紙話），仍然係乘客／旅行社自付，
而且優先畀持國泰機票乘客，係航空公司自己的應變，所以唔係包機。

巴士比喻：假如東隧封了，九巴開條601R經紅隧往港島，
但乘客都係要照畀錢的，甚至畀更貴，但都無符，無人包起架車。

但係啲專機係吉機過去,載啲冇乜錢賺既客返黎
基本上如果政府冇出過聲,我諗航空公司唔會有誘因咁做

我覺得政府唔會從成本角度考慮安排包機問題，
佢地諗與其由政府安排包機，不如放手俾國泰/港龍航空公司處理更加有效率，
起碼佢地有專業知識處理所有事情，泰國暫時又唔係好似印度o甘非走不可，
問題只係航空公司優先處理購買左航空公司既機票搭客(商業角度立場無可口非)，
o甘未引起其他購買第二間航空公司港人既不滿，呢點係同包機最大分別既地方，
如果政府出包機就會一視同仁，先到先得或者有急事優先返港。

不過幾乎都可以預計到時新聞標題，就係政府安排包機失當，供不應求，
仍然有大批旅客滯留泰國，人地澳門百幾人一架包機就搞掂，
香港o甘大批人出十架都未必得，再加上機場配額問題，要嘈一樣有得嘈。

[ 本帖最後由 on11358 於 2008-11-30 23:20 編輯 ]

原帖由 DM17 於 2008-11-30 18:46 發表

大陸甚至澳門都去到,而且唔止出一架
點解香港又唔得?

而家係咪國泰、港龍冇哂飛機去泰國?
淨係正常航班都多過澳門既包機
係咪要個機場只準放香港機?