有關港府係今次泰國局勢動盪時既反應.........

原帖由 on11358 於 2008-11-30 23:19 發表
不過幾乎都可以預計到時新聞標題，就係政府安排包機失當，供不應求，
仍然有大批旅客滯留泰國，人地澳門百幾人一架包機就搞掂，
香港o甘大批人出十架都未必得，再加上機場配額問題，要嘈一樣有得嘈。

如果澳門有成千幾人響果邊滯留無法上包機
一樣會有澳門人話佢地個政府做唔到野

原帖由 superbus 於 2008-11-30 23:22 發表

而家係咪國泰、港龍冇哂飛機去泰國?
淨係正常航班都多過澳門既包機
係咪要個機場只準放香港機?

咁而家搭CX同KA既係咩人先?
冇佢地機票d人根本上唔到機

冇人話只準放香港機,唔該唔好偷換概念
而家大過你同細過你既地方都有包機
你香港政府包一,二架CX/KA過去都唔係好過份o者下話

原帖由 DM17 於 30/11/2008 23:54 發表

你香港政府包一,二架CX/KA過去都唔係好過份o者下話 ...

有可能事後包底，但如果話即刻出錢包：
一來滯留人仕同傳媒都唔識講呢一點，政府轉數又好似無咁快；
二來好似樓上話齋，航空公司自己都有客，就算即刻包底都應該會照顧客仔先。

如果國泰既機係政府安排的話, 我唔明政府有咩難言之隱唔可以話俾人知. 因此, 無合理理由相信個幾班機原來係政府安排.

澳門咁細個地方都安排到政府包機, 反而香港連一個Quota都拎唔到? 咁就更顯得香港政府對外係幾咁無能, 大家唔好唔記得當年金融風暴香港仲捐左十億俾泰國, 而家連一個Quota都拎唔到?

香港兩間航空公司唔係國家航空公司, 但蝕本都要飛, 係因為佢地有道義, 知道完成合約既重要性, 唔會好似香港政府咁, 賴呢樣賴個樣乘機唔飛.

最重要係, 國泰係一間英資公司.

原帖由 PB602 於 1/12/2008 00:42 發表
如果國泰既機係政府安排的話, 我唔明政府有咩難言之隱唔可以話俾人知.
因此, 無合理理由相信個幾班機原來係政府安排.

澳門咁細個地方都安排到政府包機, 反而香港連一個Quota都拎唔到?
咁就更顯得香港政府對外係幾咁無能, 大家唔好唔記得當年金融風暴香港仲捐左十億俾泰國, 而家連一個Quota都拎唔到?

但如閣下所言屬實，那即為本人於 #17 所言，
係國泰霸走政府 quota，政府應當如何？
迫國泰交 quota 比政府嗎？

而且，到頭來咪又係用國泰 / 港龍旗下飛機！

原帖由 238X 於 2008-12-1 00:46 發表
但如閣下所言屬實，那即為本人於 #17 所言，
係國泰霸走政府 quota，政府應當如何？
迫國泰交 quota 比政府嗎？

而且，到頭來咪又係用國泰 / 港龍旗下飛機！ ...

政府包機起碼唔會淨係得國泰機票持有人先可以上機, 而且由政府出資, 旅客唔需要咁徬徨. 政府可以指定派747大機行走, 載多D人, 如果國泰唔夠大機就去租其他航空公司既機.

即使一日得三個Quota, 而家國泰 / 港龍只會按自己方式派機, 派D三百位機, 浪費Quota(特別係港龍無大機).

但我絕對懷疑係咪可以有更多Quota? 平時中國去泰國既航班係少過港泰航班, 但大陸政府都可以一日開五班包機, 話開就開. 香港自己無牙力都可以問中央拎D Quota用下啦.

總之, 港人而家係泰國有家歸不得, 政府仲要一句"港府暫時無意派包機赴泰"呢D加重民怨既說話. 只可以講, 曾政府根本無得救.

原帖由 PB602 於 2008-12-1 01:01 發表


政府包機起碼唔會淨係得國泰機票持有人先可以上機, 而且由政府出資, 旅客唔需要咁徬徨.

而家只係國泰客仔有優先上機權，唔係話非國泰顧客就無機上。
而且你咁做實輪到班國泰客仔嘈。

我唔係想寸你，不過我想知而家去泰國係咪國泰客仔多。
如果係大多數，咁有無優先權其實分別不大啦。
就算唔係，其他人到而家點都應該都有得上啦。

原帖由 238X 於 2008-12-1 01:09 發表
而家只係國泰客仔有優先上機權，唔係話非國泰顧客就無機上。
而且你咁做實輪到班國泰客仔嘈。

我唔係想寸你，不過我想知而家去泰國係咪國泰客仔多。
如果係大多數，咁有無優先權其實分別不大啦。
就算唔係，其他人到而家 ...

仲有泰航, 泰國東方... 而且泰航仲係無專機番香港, 而家仲有大把香港人係泰國撲緊機票. 另外, 政府包機可以專接香港人, 但國泰乘客就不一定係香港人.

個個香港旅客一番到香港就大罵香港政府安排失當, 反觀澳門旅客一到澳門就大讚澳門政府安排得好好(澳門政府仲先安排澳門居民係曼谷市中心澳門旅遊局Office集合先, 然後專車去機場, 唔需要旅客自己去機場撲). 香港政府呢? 都好"幫忙", 最搞笑係香港居民打去入境處熱線話軍用機場用得, 入境處職員仲話番個香港人轉頭, 話點會開放軍事機場.

咁既對比, 都已經無話可說.

原帖由 PoohPoohJoe 於 2008-11-30 10:50 發表


聽講佢地D軍用機場只係DESIGN 俾D戰機用
條RUNNWAY所以唔太長
SO 747 LAND唔到

原帖由 PB602 於 2008-12-1 01:01 發表


政府包機起碼唔會淨係得國泰機票持有人先可以上機, 而且由政府出資, 旅客唔需要咁徬徨. 政府可以指定派747大機行走, 載多D人, 如果國泰唔夠大機就去租其他航空公司既機.

即使一日得三個Quota, 而家國泰 / 港龍只 ...

係唔係 747 真係好重要咩?
最重要係所有港人安安全全返黎

而家國泰係派 777-300
又唔係搵 D 330-300

773 已經係大機黎架啦

用咩機型飛機,
都要睇下個機場 o既 ~

[ 本帖最後由 AVD1 於 2008-12-1 09:58 編輯 ]

真係覺得奇怪
"包機" 真係好重要咩 ?

航空公司 (我冇講到  CX, KA 定係香港快運)
有飛機到港, 已經冇問題

"包機' 又係飛機, 又係返香港
咁同而家國泰專機有咩分別 ?

至於中國大陸航包機去廣州, 上海, 北京
咁同 南航, 東航, 國航, 上航 自己派專機飛返去中國, 有咩分別 ?

我都唔明點解有 D 人咁執著個名

而家國泰班機又唔係唔比其他航空公司 o既 乘客上,
只不過優先處理 自己 o既 乘客先 (手持國泰機票)
先到先得, 我自己都覺得好公平

咁香港大多數旅行團多數都係坐 CX (一早手持 CX 機票)
咁旅行團先到先上機, 就話人地比哂旅行團上機 (咁同 吃不到的葡萄是酸的 有咩分別)

至於手持其他航空公司 o既, 上 CX 要比 $ 1,100
包唔包機, 問題就係 e 度,

不過睇番,
香港快運, 泰國東方 一樣有專機到港, 咁仲想點 ?

唔通係已經手持某間航空公司機票都要人地國泰特意比個位你,
咁對國泰乘客不公

要怪就怪其他航空公司點解唔派大機 / 專機,
E 個係航空公司 o既 問題


至於政府有冇派 "包機"
我根本覺得有派同冇派根本冇分別

倒轉派包機又係派 國泰, 港龍飛機
唔通佢走去問 SQ 借架 A380 咩, 就算借到都冇用, 機場連架 747 都用唔到

只因現時有飛機直飛返港, 除非而家冇飛機返香港,
要迫使在泰國旅客坐其他航空公司到其他目的地再轉機回港.
咁個政府就真係好有問題 ~

[ 本帖最後由 AVD1 於 2008-12-1 09:54 編輯 ]