有關港府係今次泰國局勢動盪時既反應.........

原帖由 238X 於 2008-12-1 18:47 發表
離哂譜，無端端包咩機？簡直係無口齒同埋怕事。

呢個咁嘅政府，仲有咩存在價值？

不如你講下有幾離譜啦
政府一路都冇應承過我地d乜野喎,何來冇口齒何言?

原帖由 DM17 於 1/12/2008 19:43 發表

不如你講下有幾離譜啦
政府一路都冇應承過我地d乜野喎,何來冇口齒何言?

一路都話唔包機，仲比哂理由，被人鬧幾鬧就縮沙，
毫無口齒兼且係怕事 (←應該話怕被人鬧)

政府要有原則架嘛...
而家又唔係無飛機接佢地飛返香港,
如果有足夠理由做, 雖千萬人吾往矣架啦...

原帖由 SunnyJacky9094 於 1/12/2008 19:36 發表
其實試諗下, 如果政府一早派機, 果位不幸逝世嘅先生可能唔駛死...

真係屈得就屈！就算包機，都難保佢唔會出意外。

[ 本帖最後由 238X 於 2008-12-1 19:47 編輯 ]

原帖由 AVD1 於 2008-12-1 16:02 發表

$ 1,100
咁同國泰專機有咩分別 ?

唔通香港快運架 738 豪華過國泰架 773 ?

都係個句,
我唔明點解 D 人咁執著係唔係包機 ~

至於有港人因車禍去世,
只好祝 安息,

只是一個意外, 我覺得與是否 包機 無關 ~ ...

但電視有返港旅客指某大航空公司,
大部份機位用來接載非本港居民,
會唔會呢個就係政府包機否的分別.
(一直都有人講話某航空對香港人不太好架嘛...)

原帖由 238X 於 2008-12-1 18:47 發表
離哂譜，無端端包咩機？簡直係無口齒同埋怕事。

呢個咁嘅政府，仲有咩存在價值？

做香港包機就係要確保100%接晒香港人返屋企
要知道泰國係好熱門的自遊行勝地
無口齒同埋怕事，兩睇者
可能係知錯能改呢

國泰好多位俾晒旅行社，仲要係優先接cx客....

唔好響度笑大人個口.........
如果政府響29號一早就派機番, 果位牧師可能已經番到黎。
不過天意如此,  無計。但政府派機只係要盡社會責任, 唔存在任何承諾問題。

而且, 如果政府話: 我係唔派機ga啦, 等你班友慢慢等CX啦......你估香港人有冇可能咁快番到黎?
加上當初政府話唔派機係因為U-Tapao果邊唔夠位, 咁而家比佢搵到位, 派機自然變得正常, 唔通你認為留響果度越耐越好? 唔係架嘛係咪先, 所以政府知錯能改係絕對抵讚, 但係時間就略嫌耐左......

如果747唔係最大的話, 咁就派載客量最多既機種, 政府包機情況下, 政府係客仔, 理論上政府有Say, 可以要求航空公司派最型大機種行走(而且唔一定要租港龍國泰). 如果所有Quota可以派出(比如)B777-300, 相對港龍自己派A330, 每班已經可以載多幾十人啦! 而且由政府層面去爭取Quota, 甚至搵中央用外交向泰國方面施壓, 效果點都好過由航空公司自己去搞掛?

當然, 如果政府真係咩準備都無, 只係臨時搵架B737-800細機行的話, 只可以話政府辦事不力, 一直都唔去準備, 臨時就求其就手有機就搵機去飛.

政府包機可以保證只要係香港人(唔論手持咩機票或有無機票)就有機會上機, 而家國泰航班只係為佢既乘客服務, 而大家都見, 呢D乘客好多都唔係香港人. 講到效益, 包機顯而易見, 仲有咩好拗?

再講車禍問題, 雖然香港政府無直接責任, 但兵荒馬亂情況下, 要香港旅客各自搵交通工具去一D平日唔對外開放既機場, 對比澳門政府安排專車由曼谷市中心送澳門居民直接去機場, 好明確後者可靠得多. 中央政府有駐泰使館, 香港政府可以搵佢地幫手, 安排一D可靠既巴士公司提供接駁, 總好過要人生路不熟既香港人四圍摸.

香港政府真係好失敗, 呢件事更加證明香港政府係唔可靠.

[ 本帖最後由 PB602 於 2008-12-1 22:20 編輯 ]

原帖由 SunnyJacky9094 於 1/12/2008 22:10 發表
唔好響度笑大人個口.........
如果政府響29號一早就派機番, 果位牧師可能已經番到黎。

你咁都講得出，我唯有認輸囉！我錯哂囉！
連政府自己都咁唔爭氣，走去縮沙，我都費事講落去。

原帖由 PB602 於 2008-12-1 22:18 發表
如果747唔係最大的話, 咁就派載客量最多既機種, 政府包機情況下, 政府係客仔, 理論上政府有Say, 可以要求航空公司派最型大機種行走(而且唔一定要租港龍國泰). 如果所有Quota可以派出(比如)B777-300, 相對港龍自己派A ...

如果港人直接去找中國使館,
唔知佢地會唔會幫到手安排到機位呢?!

原帖由 238X 於 2008-12-1 22:28 發表


你咁都講得出，我唯有認輸囉！我錯哂囉！
連政府自己都咁唔爭氣，走去縮沙，我都費事講落去。

我諗政府一開始唔包機的原因，前面都有人講，就係國泰港龍本身已經好多航班去泰國，
人地公司都立立亂，你重叫佢畀架包機你？
在航空公司角度而言，政府畀到幾多錢？
有機票的乘客上唔到機，事後對公司形象的影響，又值幾多錢？
可能安排到就係今日囉。所以政府選擇沉默。

不過，無可否認的是，香港公務員體系內的文化，很難令人有幹勁地工作。

值得留意及思考的是，為何包機是香港快運而不是國泰？

原帖由 DIH 於 2008-12-1 23:03 發表

我諗政府一開始唔包機的原因，前面都有人講，就係國泰港龍本身已經好多航班去泰國，
人地公司都立立亂，你重叫佢畀架包機你？
在航空公司角度而言，政府畀到幾多錢？
有機票的乘客上唔到機，事後對公司形象的影響，又值幾多錢？
可能安 ...

我覺得係國泰根本唔想show政府, 要等佢搞掂自己班客先(特別係轉機客), 保住聲譽, 先再理政府, 政府唯有同 HKExpess 包機
國泰唔租機俾政府, 政府都冇辦法