有關港府係今次泰國局勢動盪時既反應.........

原帖由 leslie 於 2008-12-2 10:22 發表

呢個世界夠多壞人, 係咪咁你就自行了斷?

用壞的去比去使自己感覺良好,是自欺欺人?

係,開初政府冇包到機去芭提雅,但今次國泰同香港快運專機其實已經早過其他地方,包括大陸同澳門
只不過冇一個港府包機個名大家唔覺

當然可能會有人話對其他公司乘客唔公平,但平心而論,人地國泰十幾班變一班點都頂唔順啦
再加上芭提雅機場七國o甘亂,想加班都難

不過我都同意如果政府一開始就話呢幾班係政府包機我相信大家條氣會順好多(雖然都係要畀錢),
總好過歐洲各國連包機兩個字都冇提過

既然有甘多人硬係覺得個政府甘衰, 快啲照辦煮玩
發動全民圍堵機場港口, 趕班"殺人兇手"落台啦
起義啦, 做嘢啦

你知唔知圍堵機場港口可以影響好多野?
香港國際機場係全球其中一個數一數二既機場
假設一間航空公司有300人在機場做野,假設機場又有20間公司,咁咪影響到6000人?
仲有,機場入面店舖既東主真係多得你唔少,唔做1 日起碼都無左$1000
重有,LWB,CTB又點?少左好多人搭機場巴士,又搵少左好多錢
要踢曾生走,唔一定要圍堵機場港口,用遊行似乎會較易令人接受
你以為你係孫中山,推倒滿清嗎?
你想起義既,唔該即刻企出黎,唔好識講又唔識做,整係度紙上談兵!

我又唔係唔妥嗰個, 我只係建議不滿好耐嘅人快啲做嘢唶
泰國都成功推翻仲猜, 雖然影響大但革命成功噃
唔襯依家怨氣大做嘢, 因住蘇洲過後無艇搭呀
拿, 我一來無乜怨氣, 革命對我嚟講無咩意義
再講, 我知道呢度應該有有能之仕係做到嘢嘅

原帖由 dbat98D 於 2008-12-2 18:56 發表
我又唔係唔妥嗰個, 我只係建議不滿好耐嘅人快啲做嘢唶
泰國都成功推翻仲猜, 雖然影響大但革命成功噃
唔襯依家怨氣大做嘢, 因住蘇洲過後無艇搭呀
拿, 我一來無乜怨氣, 革命對我嚟講無咩意義
再講, 我知道呢度 ...

睇唔出你既建議有咩意義.
不過唔知你建議人咁做,
有冇觸法香港法例呢?

扯, 既然啲人覺得個政府有心害人
仲同佢講法例?革命從來就係犯法架嘛
你睇遠古攪革命嘅人都係朝庭欽犯架啦

就港府處理滯留泰國的港人的處理手法，我在此作出以下評論：

總括來說，特區政府在今次事件裡，反應真是很慢、很遲鈍，而且未有妥善照顧滯泰港人的需要，以及錯誤評估形勢。

我引述《左傳‧曹劌論戰》中曹劌的說話：『肉食者鄙，未能遠謀。』令我覺得諷刺的是，一眾高官就泰國現今政局這方面竟然欠缺長遠的計謀，未有考慮到泰國的局勢在短期內、或者長遠會否突然轉壞。另外，反政府人士圍堵曼谷市兩個機場，導致航空交通癱瘓，不少香港旅客被迫滯留，可惜港府不但未有派員到當地協助他們和提供相關資訊，反而任由他們自生自滅，加上入境處熱線1868的接線員態度惡劣，令我覺得港府，尤其是保安局，是草菅人命，冷血無恥，視滯泰港人如草芥，手法殘忍和悲鄙！

這反映一眾高官只懂把持己見，未有認真而客觀地了解實際情況，我有一個口頭禪，就是：『自己的想法，並不代表可以反映事實的全部。』只可惜，他們未有領悟這一點。還有，保安局副局長說芭堤雅軍用機場設施有限，難以派包機接載滯泰港人返港，我覺得既然知道問題的存在，卻竟然廢話連篇，一派胡言，未有做實事解決問題，令人氣憤。『不為也，非不能也』，根本不是做不到的事，只怪這些高官不肯做而已，還要到港人夫婦在趕往布吉機場乘飛機回港時出事導致夫死妻傷後才派包機，令人覺得是『唔到有人死都唔做』，簡直荒謬。

今早我看過一篇免費報紙的報導，有點憤怒的是，保安局局長李少光在事件發生期間竟然繼續外訪，而未有提早結束行程回港處理事件，有點覺得是不近人情。

特區政府高薪招聘一眾高官，但他們卻做出如此東西出來，簡直是『一舊飯』，亂七八糟，惹來民憤，這種行為真是極度可悲和可恥！！！！！！！！！！！！！！！！！！！

[ 本帖最後由 3AD172004 於 2008-12-2 20:41 編輯 ]

政府今次真係好慢, 毓民今日罵得其實幾應..."我不殺伯仁, 伯仁為我而死。"

不過例子引用好似錯錯地....新加坡咁近...反應自然快D.....
講真...用HK X'press 比用 CX 好, 至少唔駛浪費資源....如果大家之前有聽商台, 應該知道, 機上有70%係空位.....

以下純屬感想，唔係好貼題：

假如香港人真係要搞到圍堵機場的話，一係香港人轉性，一係中共轉性囉，
第一，香港人搞乜都要顧住「國際形象」，同埋更實際的不能影響自己荷包；
第二，中華人民共和國境內，一旦搞群眾運動牽涉到社會命脈，唔好忘記有隊PLA。

在此我想翻一翻舊賬。

金融風暴時港府給泰國的錢呢？到現在還是爛賬。
南亞海嘯時，香港也給泰國不少（主要是金錢上的）援助。
他信走難都係走來香港。

今次事件，相信唔少好難得先會到亞洲的歐美遊客，從此不再踏足泰國；
香港人咁「善忘」，泰國到暑假又會周街香港人，泰國真係識搵香港人著數。

原帖由 3ASV196 於 2008-11-30 08:57 發表

其實昨晚見到那男子講野的態度, 都幾反感, 呢d不幸事件,
大家都唔想, 澳門有包機, 當然係好事, 港府反應亦當然有地方
要改善, 但唔係一個時候去適當咁比較, 好似澳門終於威返香
港一次咁, 有機返到好巴閉...而香港人無.......
其實那人好幼稚......(仲叫埋其他人一齊YEAH @@)

香港人俾人印象係乜都走去認叻,
得罪晒其他地方嘅人
所以我唔認為果個澳門人態度差.