有關港府係今次泰國局勢動盪時既反應.........

原帖由 orange 於 2008-12-3 02:59 發表
11月26日發旅遊警告(忠告),同日機場已被反對派佔據,
11月29日澳門中國都陸續派機載當地居民回家,香港
政府最初唔做,結果到12月1日先開始有包機

其實政府包唔包機本來問題不大,因為有d已經回左港,
成件事被人感覺政 ...

泰國政變, 泰國個政府未瓜柴, 香港政府反而先俾人睇到無能, 認真是政治海嘯...

呢d情況下包機都要公民俾錢(雖然可事後俾),認真俾人感覺到政府"善財難捨, 冤枉甘心" - 俾錢請班唔知做左d咩的政治"阻你"同(除定)副(等打PP)局長就肯, 包架機果少少錢就救命就慢幾拍更要同市民計盡算死草...同高官換車快快手, 換救命的救護車就遲遲未肯一樣

[ 本帖最後由 leslie 於 2008-12-3 11:47 編輯 ]

原帖由 on11358 於 2008-12-3 10:44 發表


保安局至10月7日以黎一直都有發出公報提醒前往泰國的人注意安全，
到當地旅遊人士(特別自由行)亦有責任準備應急方案/足夠金錢以防不時之需。

http://www.sb.gov.hk/chi/press/index_2008.htm

如果話政府無做野，我覺 ...

另外29/11 亦已經有入境處人員到左曼谷提供幫助...即港府係有派員到當地協助他們和提供相關資訊,
樓上有版友錯誤發表言論....

http://www.news.gov.hk/tc/category/lawandorder/081128/html/081128tc08003.htm

政府反應係慢. 好多野表達得唔好...係唔抵幫ga la, 但又是否部份人兄講到
咁衰咁差呢, 我又覺得唔係.....政府的確都有做野, 但唔夠上心同足夠....

另外, 除左非常不幸車禍過身的香港人....(當是簡接受影響)....其他遲返香港的香港人,
見新聞片段, 佢地仲可以"中氣十足"咁話去做澳門人, 唔交稅...一方面可以反映到
香港政府的確做得差, 同時d"公關"好差, d人越來越憎政府, 但同時另一方面亦反映到
呢d留泰港人, 實際情況亦唔係咁差....

[ 本帖最後由 3ASV196 於 2008-12-3 13:38 編輯 ]

原帖由 3ASV196 於 3/12/2008 12:24 發表


另外29/11 亦已經有入境處人員到左曼谷提供幫助...即港府係有派員到當地協助他們和提供相關資訊,
樓上有版友錯誤發表言論....

http://www.news.gov.hk/tc/catego ... l/081128tc08003.htm

...

其實見到咁排山倒海嘅討伐言論，
都會同丹飛兄一樣諗法 (咁嬲不如學班泰國反對派云云)，
只不過真係唔夠膽講出口。

原帖由 238X 於 2008-12-3 12:33 發表


其實見到咁排山倒海嘅討伐言論，
都會同丹飛兄一樣諗法 (咁嬲不如學班泰國反對派云云)，
只不過真係唔夠膽講出口。

其實我見到有位人兄的言論, 真係以為依家政府殺人放火, 想d香港人死晒...
先會可以用"草菅人命，冷血無恥，視(滯泰)港人如草芥，手法殘忍和悲鄙!"...
去形容...好似差d仲勁過日佔時期的香港咁.....

成件事唯一重點係政府叫專機接人而唔係叫包機, 咁點叫"手法殘忍"?

政府錯係錯在係反應慢同少左份危機感, 但唔該部分批評的人, 俾返少少
理智.....點睇以上言論都係過激....

另外, 雖然我會覺得丹飛兄的想法都好正常, 不過都係唔合適香港的情況...

[ 本帖最後由 3ASV196 於 2008-12-3 13:34 編輯 ]

原帖由 3ASV196 於 2008-12-3 13:32 發表


其實我見到有位人兄的言論, 真係以為依家政府殺人放火, 想d香港人死晒...
先會可以用"草菅人命，冷血無恥，視(滯泰)港人如草芥，手法殘忍和悲鄙!"...
去形容...好似差d仲勁過日佔時期的香港咁.....

成件事唯一重點係政 ...

呢種先小人嘅心態好明顯係响香港根深蒂固
當日我未有時間睇新聞, 都以為無飛機返香港而
死人.點知原來一場意外都可以砌生豬肉, 香港人
尤其是傳媒呢啲技量真係犀利過六七十年代啲警察
即係有包機又死, 無又死,
真係想問下大家, 依家有包機同無包機有咩分別?
都係要出1100買機票.
最好笑身在香港嘅人可以完全有如目擊現場一樣
話人地外國人早就有政府載走晒, 哈, 點知明報報
導話原來事實啱啱相反
我明白當事人心情, 但唔得理智, 俾你真係移民澳門
到最後都一樣

原帖由 dbat98D 於 2008-12-3 17:30 發表


真係想問下大家, 依家有包機同無包機有咩分別?
都係要出1100買機票.

不只一份報紙引述, 未有港府包機前,
國泰/港航開出既泰國->香港機票,
並唔係1,100, 而係4,000-8,000 都有.

當然, 你可以質疑報紙吹水~~

唔排除呢啲可能性,
我有一啲朋友响bkk機場關拜第一日已經轉去
離機場唔遠嘅芭堤雅轉乘其他航班返港
原則上當其時只要想走係有好多方法, 唔一定經曼谷
有好多外國人都係循bkk以外途徑離開

原帖由 dbat98D 於 2008-12-3 19:34 發表
唔排除呢啲可能性,
我有一啲朋友响bkk機場關拜第一日已經轉去
離機場唔遠嘅芭堤雅轉乘其他航班返港
原則上當其時只要想走係有好多方法, 唔一定經曼谷
有好多外國人都係循bkk以外途徑離開 ...

我諗，假如我同朋友在泰國，又唔係跟旅行團，如果問到當地人，認為機場有排封的話，
我自己會搵方法走去布吉搭機返香港。

包機最主要都係接散客，旅行團一定有旅行社照顧，而班散客你無一早同佢講有包機，就自己走晒。
識得自己去泰國的人，難道心中唔會預算突發事件？
百幾人的飛機，結果裝41人，我可以話香港政府以及批評的人都係後知後覺。

睇明報見到，英國到今時今日都無包機架，曾政府真係盡得前朝老闆真傳。

香港政府派包機, 上畫通知, 下畫起飛, 當地香港人又唔會第一時間收到訊息, 而且機場離曼谷幾個鐘車程, 即使知道有機都好, 港人又要自己張羅交通工具, 點趕到? 吉位唔多就奇.

一早都話要好似澳門政府咁, 先係曼谷市中心集合, 然後成車人專車去機場, 咁先夠效率. 不過而家曼谷機場都就快重開啦, 晒氣.

原帖由 PB602 於 2008-12-3 23:30 發表
香港政府派包機, 上畫通知, 下畫起飛, 當地香港人又唔會第一時間收到訊息, 而且機場離曼谷幾個鐘車程, 即使知道有機都好, 港人又要自己張羅交通工具, 點趕到? 吉位唔多就奇.

一早都話要好似澳門政府咁, 先係曼谷市 ...

而澳門目前有六個旅行團共一百二十多人已與澳門危機辦聯絡，旅行社會協助他們從曼谷前往芭堤雅機場。

要集合旅行團有幾難呢？香港旅行團幾日內已經返晒香港，
試問而家仲有無旅行團留o係泰國，問題係有唔少香港客都係自由行，
要一個不漏通報所有香港人簡直mission impossible，
最重要既一點係泰國市內係安全，大把外國人都未走，
只要仲有錢o係身(信用卡)都唔會有人生安全問題。