請願行動 - 反對取消 70 號巴士服務

今日經過廣福商場, 見到民建聯議員的橫額, 內容如下:

「反對取消 70 號巴士服務
請願行動
時間: 上午十一時
集合, 大埔鄉事會門口
日期: 2008 年 12 月 2 日
請參加 」

==========

我看到的是部分板友認為 70 號可有可無, 客量低, 浪費資源,
早應取消 ;  另一派則主張重組路線, 改善服務 ; 各有其理由.
不過, 我更看到[的是大部分板友也認同九巴及運輸署應提供
合理的配套給受影響乘客, 八達通轉乘優惠的金額雖可接受,
但替代路線的服務時間在新聞稿隻字不提, 究竟運輸署審批
有關改動時有否留意? 抑或是認為受影響人數少, 可以不理?

取消 70 號後, 初步知道僅有共三部巴士分別加往 73、74X
及 271 , 其餘的七部巴士在整個北區、大埔區及沙田區都找
不到有需要的「用武之地」? 還是關乎運輸署的政策呢?

「鐵路為骨幹」, 在北區已經全面體現, 北區居民已如運輸署
所願依賴鐵路出入, 正當不少議員爭取改善交通服務的時候,
運輸署竟可在區議會強烈反對下, 堅持取消路線, 如此手法,
談什麼諮詢? 你或者會覺得 70 號「是抵取消」, 但議員眼
見「貧者越貧」(巴士服務上), 爭取改善服務又是不是過分
的要求?  

新鐵路陸續落成, 巴士客量預料進一步下跌, 巴士公司的經營
環境實在不敢落觀, 可惜最終受害的, 可能是虧本線的乘客,
先削班, 後削線, 本來能盡社會責任、蝕得起的路線,  亦不會
撐得住. 可見將來, 巴士客量流失, 巴士公司要有轉機, 難道要
靠一班 DIE HARD FANS , 出入只搭巴士, 熟悉巴史, 可以等
一轉車都係為左唔搭丹尼士既「普通乘客」?

言多了. 星期二我要上班, 未能參加請願行動, 且看看當天有多
少人會高呼一句 「反對取消 70 號巴士服務」.

[ 本帖最後由 tonio 於 2008-12-1 00:34 編輯 ]

我唔係好想潑你冷水，但問題係受影響人數實在太少，
除非去到瞓馬路、衝擊政府部門、阻止開車之類激烈
行動，否則好難有咩成果。

況且，呢班議員，除咗到呢啲大局已定時候搞三搞四，
事前有無做過一啲其他抗爭行動？
呢方面部份大家口中做得嘢嘅泛民主派都唔係好
信得過，遑論民建聯。

最後一點係：為交通搞抗爭，會唔會社會成本太高
(指製造社會不安迫運輸部門就範)，所換返來嘅又太少呢？

原帖由 238X 於 2008-12-1 00:44 發表
我唔係好想潑你冷水，但問題係受影響人數實在太少，
除非去到瞓馬路、衝擊政府部門、阻止開車之類激烈
行動，否則好難有咩成果。

況且，呢班議員，除咗到呢啲大局已定時候搞三搞四，
事前有無做過一啲其他抗爭行動？
呢方面部份大 ...

攝於 14/5/2008:





我做輪班工作, 我返工放工搭車既時間通常都
好少人搭車, 亦都好少車俾我搭得到.

我唔敢奢望 70 號可以保留, 只係希望 70 號果段
巴士既服務時間可保留, 係其他線取代定係特別班
都無問題.

前陣子女兒病倒, 要住院, 我返夜放工探過她後, 也
是靠 70 號尾車回家, 你可以話我所講既只係「小眾」
既故事, 純粹我個人的經歷, 或者你認為一小撮人根本
不配巴士服務, 但別忘記一小撮人也有發聲的權利, 當
然, 結果怎樣我們也需要接受, 畢竟故事的作者有時不
是自己.

[ 本帖最後由 tonio 於 2008-12-1 01:03 編輯 ]

其實依家九巴所建議ge"70替代服務"同依家70服務有邊段時間有衝突？
同埋我覺得72A/73A/72無得加車呢個真係...比較差點

原帖由 tonio 於 1/12/2008 01:01 發表

前陣子女兒病倒, 要住院, 我返夜放工探過她後, 也
是靠 70 號尾車回家, 你可以話我所講既只係「小眾」
既故事, 純粹我個人的經歷, 或者你認為一小撮人根本
不配巴士服務, 但別忘記一小撮人也有發聲的權利, 當
然, 結果怎樣我們也需要接受, 畢竟故事的作者有時不
是自己.

我咁講可能有少少麻木不仁，不過呢種情況政府可能想你
搭的士或者出去沙田市中心搭 N270。

而且我唔係只係想講 70，而係一個 general case。
因為「他朝君體也相同」，今日 cut 對你有用嘅 70，
難保他日我樓下嘅 38A / 238M 唔會遭逢同一命運。
只不過我覺得呢個世界講拳頭大，而個遊行係一向
無乜聲出既民建聯發起，令我更加反感而已。

最後，我只係想知，會唔會有咩事件令到市民對政府個
運輸政策忍無可忍，大規模咁走出嚟抗議。因為上綱上線
咁講，政府個運輸政策可視為官商勾結。

[ 本帖最後由 238X 於 2008-12-1 01:16 編輯 ]

原帖由 novkovsky 於 2008-12-1 01:06 發表
其實依家九巴所建議ge"70替代服務"同依家70服務有邊段時間有衝突？
同埋我覺得72A/73A/72無得加車呢個真係...比較差點

當然是尾班車及之前某些班次。
73尾班車：太平開22:45，大埔工業村開23:09
74A尾班車：兩邊開23:05
70尾班車上水及匯翔道分別開00:45及00:35，上述兩線的尾車時間根本不能
銜接原本乘坐70尾班車及之前某些班次，對有需要的乘客完全是無法支援。

原帖由 238X 於 2008-12-1 01:13 發表

我咁講可能有少少麻木不仁，不過呢種情況政府可能想你搭的士或者出去
沙田市中心搭 N270。

知不知N270的路線是如何行法？N270主要是服務粉嶺南居民，與70的服務
範圍只有約5%重疊(當然，油麻地往來運頭塘村深宵時份還有N271)，而且
N270是不經大埔公路(馬料水至大埔滘一段)、大窩西支路及聯和墟的。當原
有享用某時段服務的乘客，因為服務停止，而其他替代服務的尾班車早已開
出而要付出比原有服務的價格高出一倍甚至更多，絕對是無法接受。

[ 本帖最後由 pcckw 於 2008-12-1 01:34 編輯 ]

原帖由 novkovsky 於 2008-12-1 01:06 發表
其實依家九巴所建議ge"70替代服務"同依家70服務有邊段時間有衝突？
同埋我覺得72A/73A/72無得加車呢個真係...比較差點

加車比74X,反而不加車比大埔公路巴士(72,72A,73A,74A)又不太合理,起碼可以加比72,大埔出西九又不有得做

起碼令72可以唔洗30分鐘一班已經夠了
不過加車個選擇權響九巴度…佢加比公路線賺多點又唔奇…

原帖由 HR9710+KU1391 於 2008-12-1 01:25 發表


加車比74X,反而不加車比大埔公路巴士(72,72A,73A,74A)又不太合理,起碼可以加比72,大埔出西九又不有得做

原帖由 pcckw 於 2008-12-1 01:17 發表

70尾班車上水及匯翔道分別開00:45及00:35，上述兩線的尾車時間根本不能
銜接原本乘坐70尾班車及之前某些班次，對有需要的乘 ...

58S小巴可以嗎?