對昨晚3/12(三)的士司機堵塞行動的討論：

基本上我係好同情班新界的士司機在市區的士實施『短加長減』後新收費的安排，但絕對唔鼓勵班的士司機堵塞跑馬地黃泥涌道及北大嶼山快速公路的行為，運輸署班官員到底有冇諗過市區的士實施『短加長減』後新收費對新界的士帶來的影響，莫講話新界的士有影響，連市區的士現在在金融海嘯下都會受影響，長減係可以打擊到八折黨，但有冇諗過少左多短途客搭的士，我認為昨晚機管局班職員唔應該向旅客派發單張及引導旅客搭市區的士，應該等旅客自由選擇究竟佢地應該搭市區的士定還是新界的士，市區的士在本月30/11(日)實施左『短加長減』後新收費對新界的士帶來不少影響，現在反而搭市區的士仲平過搭新界的士，好似由機場去屯門搭市區的士實施『短加長減』後新收費約＄２３５，而新界的士則要＄２５０，變相對新界的士班司機大佬好唔公平，希望運輸署可以盡快取消的士『短加長減』新收費或將新界的士都納入埋『短加長減』收費模式及杜絕的士司機八折黨。

[ 本帖最後由 S3N280_FX8032 於 2008-12-4 10:23 編輯 ]

原帖由 S3N280_FX8032 於 2008-12-4 10:03 發表
基本上我係好同情班新界的士司機在市區的士實施『短加長減』後新收費的安排，但絕對唔鼓勵班的士司機堵塞跑馬地黃泥涌道及北大嶼山快速公路的行為，運輸署班官員到底有冇諗過市區的士實施『短加長減』後新收費對新界的士 ...

其實睇新聞都知道, 綠的 的收費改動, 都係同時做緊的......明年初會有...
而有關短加長減, 本身無記錯係業界提出的, 而係經過晒咨詢..及交咨會,
立法會, 行會等討論.....

你問有關官員"到底有無諗過", 其實有就一定有....尤其對短途的影響,
點可能會無....

依家問題係本身的士業界內部分歧, 引起今日問題(你見唔只綠的示威,
紅的都示威ga wor)...

但一個經過長時間咨詢討論的制度, 係唔係要為左一少部分人的激烈行動,
就要咁快去改變?  即使有不同意見, 都要經過時間去驗證吧.....

所以對於閣下"盡快取消的士『短加長減』新收費"的建議, 我有好大保留.....

(我自問都幾經常坐短途的士, 新收費對我都有影響, 我的確會少左坐的士,
但我會尊重返咨詢討論出黎的結果, 另外一個制度係要長遠去諗, 亦唔應
該因為短期的經濟問題, 而去突然改變...)

[ 本帖最後由 3ASV196 於 2008-12-4 11:45 編輯 ]

其實短加長減係解決唔到問題，因為折扣黨仍會在
原有收費上再九折、八五折等。

而call開折扣的士的乘客相對地係無咁趕時間，
即係可以容許等約十五分鐘，呢班客唔會因為短加長減收費
而重投正價的士懷抱。但相對地，本身趕時間
的乘客無論如何都要搭的士，結果這類客無啦啦得益。

而短加使短途乘客減少，長減若唔能夠吸引新的客源搭的士，
結果就係的士司機收入下降，他們怎不會叫苦連天!

政府/政客想借短加長減去打擊折扣的士，但結果顯而易見，
的士司機收入不會增加，折扣的士仍然存在。
得益者就係搭長搭的士的普羅大眾，無論搭正價/折扣的士，
支出都會減少 。

原帖由 S3N280_FX8032 於 2008-12-4 10:03 發表
基本上我係好同情班新界的士司機在市區的士實施『短加長減』後新收費的安排，但絕對唔鼓勵班的士司機堵塞跑馬地黃泥涌道及北大嶼山快速公路的行為，運輸署班官員到底有冇諗過市區的士實施『短加長減』後新收費對新界的士 ...

機管局又唔算做錯
佢都係提供資訊比旅客,
一見到司機惡唔派單張,
不如拆埋或封起機場車費版,
咁咪唔知邊架平貴.

建議『短加長減』係部份的士業界，由年頭開始傾(紅綠的都係)，
紅的趕及上個立法年度審批，綠的趕唔切，結果兩者有真空期，
附加費都係今年上半年開始討論，早兩個月開始實施，
點知就o係呢個時候全球環境唔同左，金融海嘯，油價下趺，
原本用黎止血既特效藥變左插多的士業界一刀既兇器，
我想問...o甘樣又係政府既錯嗎？

原帖由 on11358 於 2008-12-4 21:34 發表
建議『短加長減』係部份的士業界，由年頭開始傾(紅綠的都係)，
紅的趕及上個立法年度審批，綠的趕唔切，結果兩者有真空期，
附加費都係今年上半年開始討論，早兩個月開始實施，
點知就o係呢個時候全球環境唔同左，金融海嘯，油價下趺，
...

但政府實行時都要調節下推出ge時間ga?
明知有真空期就要諗埋綠的個便點處理，有咩理由搞到紅的平過綠的?
而且仲話叫綠的司機「耐心等侯」，點等政府半年呀? 唔使開飯?

今次我幫政府, 短加長減其實係得到業界共識之後先推出, 而反對既主要係八折黨, 因為佢地利益受損. 當普通的士同八折的士收費接近時, 通街都有得截, 仲駛咩咁麻煩去Call車?

至於機場傳單問題, 價格資訊透明唔見得有問題, 唔通政府要坤人坐貴車先至叫合理? 而且既然綠的都支持短加長減, 即係方案無問題, 只係時間上未能做到同紅的同步. 綠的本身係比紅的遲達成共識, 咁佢地只有自食其果.

原帖由 PB602 於 2008-12-5 02:32 發表
今次我幫政府, 短加長減其實係得到業界共識之後先推出, 而反對既主要係八折黨, 因為佢地利益受損. 當普通的士同八折的士收費接近時, 通街都有得截, 仲駛咩咁麻煩去Call車?

至於機場傳單問題, 價格資訊透明唔見得有 ...

所謂的業界共識,只係車主聯會的共識
而我所知,係有的士商會係反對可加可減機制

原帖由 3ASV196 於 2008-12-4 11:41 發表


其實睇新聞都知道, 綠的 的收費改動, 都係同時做緊的......明年初會有...
而有關短加長減, 本身無記錯係業界提出的, 而係經過晒咨詢..及交咨會,
立法會, 行會等討論.....

你問有關官員"到底有無諗過", 其實有就 ...

班官員有諗過~不過肯定唔係細心地諗過咯
真係有細心計劃過就唔會諗唔到如斯簡單既道理：唔同時間實施會出現真空期
無計~針唔拮到肉又會知痛

仲話"特效藥"，要等咁耐老早"病發身亡"喇！
唔可以變通，唔識變通就咪學人玩變通
結果又搞到一鑊泡