回憶中的70

70... 升上中學前甚少搭，係近幾年來先至多左搭。
但係都有以下零碎回憶：

當年 70 有好多廣告雞車，例如 CH3542, CH3990, CH5645, CJ3395 等。
有冇人記得 70 有邊幾架雞車有廣告？

印象最深刻的當然係 CM3879，除左車尾特高路線牌箱外，明明編號咁大
(G544)，車牌又比 CV / CX 牌雞車早出牌。

97 年 1 月某日放學，見到有架 ADS 行 70，我諗緊究竟係我眼花，將
70X 睇做 70，甚至係司機插錯牌。後來先知道原來 70 當時已加冷。

細個有次搭 70 雞車 (CV4555)，我係上層玩玩具槍 (不停係度「啪」掣)
騷擾其他人。

細細個阿媽成日話，搭 70 出九龍要兩個鐘。記得某年平安夜就同屋企人
搭左一程 70 鴨車出九龍 (回程唔記得左搭咩車)，印象中又唔需要兩個
鐘咁長，不過都接近呢個數。

2000 至 2001 年，70 L 廠明明用短車 (M / BL)，但日日有成堆大車，
仲要成日有 DN 牌 S3BL，3BL 都見過一次。

2003 年之後，自從 DY 牌康偈蘭入主 70 後，我就開始多左坐佢返
屋企。當年暑期工的公司在旺角，每晚收工後總有成班同事係公司
玩到夜一夜，結果我唔止一次趕唔倒尾班火車而要搭尾班 70 返屋企。

2005 年試過連續 3 / 4 次搭 70 都搭中冷馬。

反而 ME 行 70，對我印象又唔算太深刻。
因為我最初見 ME 入主北區係行 76K / 75K，70 好後期先有，所以
又唔覺得有乜咁特別。

最喜歡 70 派車係 03 / 04 年，10 架掛牌車全部係利蘭 / 富豪 Olympian。

就係我最後一次坐既九巴勝利二型,, 當然係行70,,,,
都係最來先知原來果時G316 已係當時絕無僅有既全車身廣告勝利二型,,
(果時未有留意車隊編號,後來查返先知係G316,)
第一次見G544都係起70,
曾經有段時期70有好多ADS行.......其中有架ADS  D引擎聲好怪(D聲好尖,,有D似象叫)
仲有G既年代70都仲好多乘客, 而且都吾太疏住,........
到後來70就越來越疏+頹,.........
70係其中一條最多吾同車型上掛過既線,,用車都幾多姿多采(金巴除外)
我搭過都有G, N, M,BL, S3BL(所有型號), S3N(所有型號,LG1200除外), S3M(所有型號), ADS,AD, AL,AV, 3AV(果次係好早期,應該係2000年之前...,果次我都好出期, 點解有部大車,仲係2+2 3AV,行??)
遺憾未搭過DM,同都普N......

今日,,,,,,一代線王終告終了..............70 ,,再見了..............

八十年代初，彩園邨剛剛入伙，當時70仍在車廠外對出的位置做總站，
吐露港公路還在施工中，上了一輛勝利二型直往佐敦道碼頭，足足坐了
90分鐘，感覺真係好好。

七十年代初期，當時70仲係行橫頭磡上獅隧的年代，跟住呀媽同埋幾個
老表坐車入沙田，上了一部短牛，當時沙田火車站還沒有開展工程。

2003-2004年，去了大埔公路居住，多了機會坐70，不過都係駁腳用多，
一係去大埔墟火車站，一係落沙田。

2004年某日，去完上水睇醫生，要出市區但仲有好多時間，痴孖筋坐了
一程70出佐敦，行車時間同八十年代一樣都係要90分鐘。

知道70要完成歷史任務的消息，沒有特別感受，只是嘩了一句，點解會
取消到？

今日明報有篇70的報導，大家可以看一看
http://hk.news.yahoo.com/article/081205/4/9lf2.html

至於自己好少70的．80年代自己喜歡牛河時，寧願坐短牛行73A也不坐70．

正式第一次坐70是係90年代荔廠DM掛70的年代．那時自己去完CAMP後要入粉嶺，由佐碼坐到去聯和墟，估不到也要90分鐘．心想下次都是唔坐啦．

有段時間自己的另一半係粉嶺住，有時自己與她行完新城市也會行去城門河另一邊坐70．

最近一次坐70已經差不多年多兩年前．那時自己係瀝源坐ED2557入上水.．

70. 自從我搬入上水果時已經坐LEE條線．

果陣時跟媽媽落太和做野．．有時返屋企坐７０．
７０當年仲係用緊雞車架．．感覺好特別．．當時自己仲未鐘意巴士架．
不過令我最感興趣既係雞車的閘制．
而且好快，引擎聲又好聽．．．就係果時已經鐘意巴士．

之後有一架雞車，車尾牌箱寧捨高，當時覺得好恐怖.  (當時仲係細佬）
之後睇返書，原來果架係解凍雞　Ｇ５４４．果時仲上左個錶既廣告
真係令我難忘．

除住自己愈來愈大，返中學．出來做野，都成日坐中７０．當中ＡＬ，ＡＤ，ＤＭ，Ｓ３Ｎ，Ｓ３ＢＬ，ＭＥ等等，真係遊河既好車種．
７０對我而家返工來講，　真係好有用．
因為小弟係機場貨運區返工，夜晚收工，就坐Ｅ４１去到寶鄉橋轉７０／７３／７３Ａ．
通常係Ｅ４１下車時，７３／７３Ａ就走哂．．之後就會有一班７０來架啦．．
果種感覺真係覺得好朋友來得好合時.

７０　最好既地方就係唔經華明等等既地方．過左何家園後就轉右經粉嶺中心去上水．
同埋係聯和墟唔洗入總站．加上果到既燈位．好多時係一條直路去海聯廣場．

就係ＬＥＥ２個優點，分分鐘我係順欣落車，用隧道過返天平，果架７３／７３Ａ先岩岩埋站．．．

真係好唔捨得７０．．．由佢係上水搬去上水廣場，　由佐敦道碼頭搬去佐敦（匯祥道）
佢真係睇住我成長架．
而家就好似一個老朋友將要走咁，永遠唔返黎．
我今晚會去送ＬＥＥ個老朋友既ＬＡＳＴ　ＴＲＩＰ．　
希望可以有個開心既回憶啦．．．


[ 本帖最後由 ATEU1 於 2008-12-6 11:08 編輯 ]

我講返3次70 的回憶

1. 鴨車行70, 唔記得係96定97年馬季開鑼o個日, 搭鴨車由上水出九龍塘,
下午5點在上水上車,成7點先到九龍塘會落車,實在唔好受

2. 98年6月尾, 同上面版友一樣坐中悅來酒店廣告ME, (DG5010), 當時只不過係好彩,
在九龍塘會上車諗住是但坐架遊車河,見到落橋位有架亞歷山大車身的物體,但心諗"乜咁高o既?"
發現ME後即刻伸手截住上車, 上映月台要抽頭出快線上斜, 出獅隧再抽頭行靠右的收費站,
再在馬會道衝了支燈尾,真爽.

3. 2000年11月某日早上, 坐M8x由聖佐治去運頭塘,上左樓上發現無乜位剩,
(因為d三座位俾人訓哂覺), 仲要在祟基查身份證,但車程就要成45分鐘...

我係大西北原住民, 好少接觸70, 但係小弟都同好多交通愛好者一樣, 會抽時間"牛河", 而小弟首次搭70, 大約係80年代初, 由佐碼搭丹拿F直踩全程, 至上水新豐路倒車入既舊總站.

記憶中當時未有吐公, 70可以算係一條重要路線, 而且當時係全車爆滿, 小弟都要"被迫"屈就係上層車尾, 由頭坐到尾......

講真, 我自己冇試過坐 70
一次都未試過, 但係其實一直都好想見識一下夠竟 70 需唔需要用到上 105 分鐘一程

因清明時節, 每個月又要走到北區拜山, 上香
之後出市區就會講,
有咩車坐咩車.
次次黎親都係 270A, 一次都未試過 70

今年自己又唔起香港,
如果唔係, 取消之前應該會試試坐一程 70

之後昨日與屋企人於 MSN 談話 (用 webcam)
題及 70 今日取消,
我阿爸就即話, 條線都好耐啦 bor...
又話當年好多人坐, 全程要好耐架.....

我阿爸唔係一個巴士愛好者, 只是一個普通市民
仲有報紙所講 o既 市民
可見其實 70 都深入民心

我始終不能忘記CT5138和雞車服務70的日子‥‥‥70最令我印象深刻的雞車，要算是G311和G316。她們都是該線最後一批勝利二型。而CT5138卻是70最後一輛前置引擎巴士，99年4月下旬離開70，轉而行走46，它的攀斜表現比當年的M仔 (DE8745、DE6718、DG9377) 和BL (DE4314) 理想。

還有，我認識巴士以後第一次乘坐平治，也是它們成為70主力後的日子，到了現在，我依然能夠說出當年平治掛牌車的車牌 －－DF6700、DF9520、DG5010、DG5708、DG6407。當然，DF9520的黑色廣告，相信已成了巴勒斯坦愛好者對它的主要印象。印象中，DF9520和DG6407在埔公行走時的表現相當不俗。

特見方面，我記得DC7541在退役前的一天行走70，我有幸成為了座上客。車長抱怨人家不讓他駕駛十一米車，卻要讓他駕駛那台比DE4314更不濟的巴士。結果，車子在大埔公路被某72的吉都超越。又，大家還記得01年某天同時有四家車廠派車行走70的日子嗎？



‥‥‥意猶未盡，繼續！

升上了大學以後，我很少接觸70，但閒時仍會抽時間乘坐。05年中，我曾在70乘坐鬼蘭和DY9071 (好像是吧)。當天9071是該線的尾班車，我乘坐它從上水到佐敦，車子到了佐敦時已快到凌晨二時了，但它駛進了單管雙程行車的獅隧後仍以73km/h的速度奔馳，使我對四波吉蘭刮目相看。07年，我再次心血來潮乘坐已成該線掛牌的前66掛牌EU5923，車子行走大埔公路時的表現依然有一定速度感，絲毫不亞當年它在屯門公路時的英姿。

今年，我大學畢業，並成為了中學教師。昨兒晚上，我參加了母校的校友聚餐後，再次心血來潮，看看快將成為歷史的70，這次，我是FA9288的乘客。只不過，這次因為時間問題，我只能乘坐從油麻地到匯翔道的一小段旅程，而且，我本打算在車子到達總站時穿上大學的畢業服，然後與FA9288拍畢業照！可惜，我發現總站的人太多了，而且車子很快便會離開總站，返回車廠，所以，我和FA9288和早抵達總站的蚊蘭拍了幾張合照以後，便匆匆離去。

當我和FA9288拍合照時，我聽到很多行家鼓譟，抱怨我阻礙他們拍照。在此，我謹向各位受影響的人致歉。畢竟，70是我的老朋友，我在這位老朋友離開前與它拍合照，是我個人的心願。

[ 本帖最後由 fatku 於 2008-12-7 14:37 編輯 ]