城巴接辦70一問

原帖由 EU5472 於 2008-12-13 09:22 發表

本人加佢分只係想中和一下負評分,而且個標題真係唔覺有咩大問題,差唔多個個一黎就扣5分

你呢句statement 已經係show到你唔係跟據個文章既質素評分, 評分個本意就係反映個文章質素, 中和負分好明顯同文章質素無關....

而事實上, 當時個標題係"城巴決定接辦70", 無論如何你係咪要提供一d 有關接辦既資料, 而唔係問問題哩? 你出左文咁耐, 應該知道個標題係指出個內文既主旨... 如果你係問問題, 你係咪應該整一個"一問"既字眼哩? 更何況, 印象中佢第一個版本好似係有問問題既意思, 無論佢轉標題係咩含意, 標題同文章無直接關係既問題係咪仲係存在? 而家個題目好好丫, 我都想加返分比佢, 可惜扣左無得加返.... 唯有等佢下次出文時有改進先可以加分做鼓勵....

更何況, 當年呢個決定都唔係城巴做啦, 係運輸處收返70個專營權, 再由城巴投得, 所以"城巴決定接辦70" 呢8隻字已經有謬誤...

其實點都好, 個評分制點都係主觀架喇... 你覺得好人地未必覺得好, 於是靠咩黎睇你係咪主觀哩? 就係睇你個理由夠唔夠支持你個評分, "標題有創意" 呢d 評語, 憑心講, 我唔係好覺得夠說服力喇... 最低限度都要比你覺得佢有創意既原因啦... 有時簡而精係好, 但係呢d 咁有爭議既時候, 就比較輸蝕喇.... 你做功課做論文個陣比完你既意思都要寫返你點解有咁既意見啦.....

其實大家係咪對"對事唔對人"有少少誤解呢,如果一篇差既文因為多人評為差,而唔去減分反而加分去中和個分,究竟係咪真係"對事唔對人"呢
我非常同意上面個位既講法,e篇文如果加番一問就咩事都冇,初初我睇到e篇文既時候唔係諗到接辦九巴70,而係諗緊城巴70唔係已經開左好耐la咩
多言la

都唔明個標題有咩問題
系咪以後個個開文都要寫晒所有文章o既內容落去個標題先叫做清楚冇誤導?'

就算呢個標題有問題又有幾大問題啫?
禁入黎同禁返出去半分鐘都唔駛啦.

原帖由 2200`Hn1822' 於 2008-12-14 16:02 發表
都唔明個標題有咩問題
系咪以後個個開文都要寫晒所有文章o既內容落去個標題先叫做清楚冇誤導?'

就算呢個標題有問題又有幾大問題啫?
禁入黎同禁返出去半分鐘都唔駛啦. ...

無人話標題係將文章內容一字不漏寫晒落去, 咁樣要個標題做咩?
但係, 最基本都要標題係概括緊文章既內容呢樣野我諗你識卦...
如果內容係一條問題, 但標題就寫到成一個報導咁,
呢d 唔係叫有創意, 係叫文不對題...

你都識講"標題有問題"
標題有問題當然有問題,
你試下寫篇文章整個唔罅間既標題丫,
我諗先生扣硬你分都似...

原帖由 亞空 於 2008-12-14 14:34 發表
其實大家係咪對"對事唔對人"有少少誤解呢,如果一篇差既文因為多人評為差,而唔去減分反而加分去中和個分,究竟係咪真係"對事唔對人"呢
我非常同意上面個位既講法,e篇文如果加番一問就咩事都冇,初初我睇到e篇文既時候唔 ...

睇左咁耐又嘈左咁耐﹐我都覺得個標題咁寫法無非想引起人注意﹐
的確係吸引多左人黎睇佢既內容﹐增加點擊率﹐有人咁諗實在無可厚非﹐
但我覺得樓主真係無必要咁樣打標題法﹐不如直接寫"城巴 70 一問" 咁樣仲乾淨利落﹐
無需要寫接辦﹐其後先響內文詳細講想問既野咪得囉﹐
一來可以分流邊 D 人想睇與唔睇﹐二來唔會有被誤導的感覺﹐
呢一點樓主係咪故意形造效果我唔敢講﹐但的確會令人誤解。

原帖由 2200`Hn1822' 於 2008-12-14 16:02 發表
都唔明個標題有咩問題
系咪以後個個開文都要寫晒所有文章o既內容落去個標題先叫做清楚冇誤導?'

就算呢個標題有問題又有幾大問題啫?
禁入黎同禁返出去半分鐘都唔駛啦. ...

標題既作用就係簡而精而準咁講出個內文既內容,
等人可以決定click唔click入去睇
如果個個標題都係誤導或者文不對題,
咁主題要黎做咩?
索性取消標題
所有文章一律叫"文章"咪算囉