無綫憑甚麼唔比藝人用廣東話接受其他電視台訪問?

香港歌手都在無綫的淫威之下,唔比歌手用廣東話接受其他電視台訪問,這是無綫當年為打擊有線娛樂新聞台的"絶招"

其實真係有無搞錯! 選擇用甚麼語言說話是每一個人天賦的權利,歌手們又不是無綫的人,無綫憑甚麼唔比歌手用廣東話接受其他電視台訪問?搞到我地睇亞視,有線的藝人訪問時,迫住要聽佢地唔咸唔淡的普通話,欣賞指數打曬折 ,難道這就是無綫的陰謀?令觀眾只可以在無綫聽廣東話的藝人訪問!

其實可唔可以以此來投訴無綫,或用"人權法",用法律方法令無綫取消這不人道的規定?

無記錯的話,呢個好似直頭係
白紙黑字list低喺contract上

不過就冇mark低普通話/英文
所以artist們就用呢個"漏洞"去做訪問

無線一向都係出哂名小氣,自以為是ga la
鬼叫你班觀眾睇佢d節目咩
無線覺得自己大哂,就梗係獅子開大口ga la
artist們又冇選擇權,唯有被迫跟從

講真…
如果廣管局肯搞呢件事既…
一早就唔會有呢d問題出現…

無線持住自已有慣性收視
就咩都係佢咁…
又小氣…亞視高層有變動，無線就話唔岩規舉…

迫曬班歌手簽約…除左唔比其他電視台訪問用廣東話之外…
仲有咩好處？我覺得冇囉…

原帖由 JX9097 於 2008-12-18 20:06 發表
無記錯的話,呢個好似直頭係
白紙黑字list低喺contract上

不過就冇mark低普通話/英文
所以artist們就用呢個"漏洞"去做訪問

無線一向都係出哂名小氣,自以為是ga la
鬼叫你班觀眾睇佢d節目咩
無線覺得自己大哂,就梗係 ...

e.g. 衛蘭
佢響有線係用英文做訪問

其實果時睇劉華響有線做專輯
更過癮到出現主持用廣東話問佢野
佢用國語答番...

佢呢個台要set條咁既規舉都冇計架
鬼叫佢一台獨大咩...

唯有當俾d 歌手練下國語囉

好簡單,大部分歌手都有同tvb簽約,一來合約有列明,二來以無線的知名度
邊位歌手"唔聽話"隨時咩節目、歌曲會好快消失,分分鐘被無線"封殺"
楊千樺同陳慧琳係好倒子,唔靠tvb,好難keep住名氣,所以佢地惟有做"乖孩子"

大家如果係tvb老闆, 同你有合約的人收你錢但係又做d野幫人搶你生意的,
你又會唔會唔做野當咩都睇唔到呢?

電視台的生存在於廣告收益, 有好的廣告收益就要有好節目同收視,
如果歌手去幫其他台而令收視下跌, 電視台點賺錢, 又點樣俾報酬歌手,
甚至養堆導演主持等台前幕後的人去捧一個歌手.

站在歌手立場, 簽得合約就有責任去保障番電視台的利益, 有約有酬
就無理由亮相他台.

其實tvb亦無限死歌手的亮相宣傳, 最少你唔用廣東話做訪問,
tvb亦不會抵制歌手的宣傳, 我個人覺得要是任何語言的訪問
都不能, 就真的成了壟斷.

香港的市場太細, 很難為電視台帶來龐大收入, 據聞好似贊助一些
大節目的掛名都只係數百萬港元, 同美國的電視台一個節目的廿秒
廣告時段值千萬美元比較, 真係蚊同牛比, 所以對演藝人的制度
不能像外地的以自由身制度般照著行.

這個規定未知是否與90年代的"衛星電視", 政府限制其廣東話廣播有關.

講真, 電視台幾時有咩金錢上既報酬俾歌手丫, 有o個少少, 頂多當車馬費
歌手都係想要電視帶俾佢地既知名度o者

其實大部份佢地既合約都只係限制佢地唔可以替其他香港電視台以廣東話演出, 呢樣你情我願,合情合理丫
情況就好似, 就算亞視買左外購劇, 都唔可以叫同無綫有約的人配返廣東話出街

但係如果訪問係大致上的新聞採訪性質, 理論上冇可能算係演出, 所以用咩語言都唔會抵觸合約, 不過會令無綫唔高興lor
但係無綫亦知道d歌手一定要宣傳, 唔係佢都驚佢地會集體唔簽約, 所以咪同d歌手諗埋:"你用普通話/英文"咪可以當係同非香港傳媒訪問lor
呢條橋係無綫中人度既, 因為只有佢地先知咁"ok唔ok", 呢個習俗就咁開始左喇!

一句講晒, 不是合約, 只是淫威!

原帖由 Ketsu 於 2008-12-18 23:32 發表


唯有當俾d 歌手練下國語囉  

個人覺得佢地 d 國語水平真係唔得
尤其是佢地講果 d , 唔係香港人 / 廣東人都未必聽得明

*以佢地咁既國語水平 , 以正統既國語既角度黎睇 , 佢地係 fail

其實以違反競爭原則為由打官司禁制所有tvb藝員合約得唔得

[ 本帖最後由 北角---九龍城 於 2008-12-20 18:48 編輯 ]