關於列車故障趕唔切尾班車問題...

原帖由 treasurer 於 2008-12-21 15:05 發表


樓主,
正常荃灣0030尾車0045左右到太子會搭到觀塘線尾三車 (即調景嶺尾車)

0047往調景嶺
0057往觀塘
0107往觀塘

樓主會唔會只係搭到正常既0057班次而非港鐵有"特別安排"? ...

唔係喎，我每次搭0040由美孚開出既荃灣線，都會播出「今日尾班往中環既列車已經到站」，兼有all right handsignal man打燈，去到太子大概0047，過去轉觀塘線一樣有尾班車廣播，亦都有all right hand signal man，所以我肯定荃灣線故障當晚，觀塘線尾班車亦都延遲左。如果觀塘線尾班車唔延遲，我一定趕唔倒，因為荃灣線尾車遲左成5分鐘先來。

另外，我覺得「班次修改恕不另行通知」呢樣野係唔適合用於鐵路。巴士壞左，例如259D屯門尾車跪左，九巴只有責任派多架車載客出觀塘，假設貴客諗住轉98A，咁就真係sorry喇，因為你畀既價錢只係去到觀塘，你仲未畀98A果程。但鐵路唔同，跟據預定時間表，你係去倒你目的地你先會入閘，咁買左飛入閘，無論點都一定要駁倒車載你去你既目的地啦。正如樓上所講，冇理由延遲尾班車，正常應該係派多一班車，廢事影響原有乘客。

原帖由 ahbong 於 2008-12-22 00:50 發表
我個人認為
港鐵唔應該將其他路線既尾班車延遲
因為咁做會令另一條線既乘客受影響

若果受影響人數太多
港鐵可以考慮額外開一班車接載乘客

至於從法律角度
因列車故璋引起之延誤
港鐵未必有責任向乘客賠償
或者繼續 ...

或者引用小弟果邊既巴士部一位師兄既分享。西鐵尾車0015往屯門，某日接倒尾班西鐵既K16預上擠塞，結果趕唔切0015前去到。最後既做法係用巴士載晒所有客往屯元天區既分站(當然係輕鐵啦，人地預左搭完西鐵駁輕鐵嘛)。呢個做法，地鐵負責任少少既其實係咪難諗呢？

原帖由 4056 於 2008-12-22 02:24 發表


唔係喎，我每次搭0040由美孚開出既荃灣線，都會播出「今日尾班往中環既列車已經到站」，兼有all right handsignal man打燈，去到太子大概0047，過去轉觀塘線一樣有尾班車廣播，亦都有all right hand signal man，所以我肯定荃灣 ...

"過去轉觀塘線一樣有尾班車廣播" 係因為這是往藍田/油塘/調景嶺站既尾車,
0107往觀塘尾車都會打hand-signal, 我是常客

參看服務時間: http://www.mtr.com.hk/jplanner/chi/planner_index.php?go_step=1&start=16&destin=15&spot=1#
我亦試過無聊搭0030荃灣線尾車, 到太子唔即刻上0047調景嶺, 等埋 0057 觀塘, 0107觀塘先走

所以就算你當晚荃灣線delay 20分鐘, 約0105先到太子, 大家都會轉到觀塘線
尤其你說於美孚遲左5分鐘, 在太子又等了幾分鐘, 當然仲可以搭到正常班次 0057 往觀塘

[ 本帖最後由 treasurer 於 2008-12-22 02:45 編輯 ]

原帖由 treasurer 於 2008-12-22 02:37 發表


"過去轉觀塘線一樣有尾班車廣播" 係因為這是往藍田/油塘/調景嶺站既尾車,
0107往觀塘尾車都會打hand-signal, 我是常客

參看服務時間: http://www.mtr.com.hk/jplanner/chi/planner_index.php?go_step=1&start=16 ...

哦，原來打後仲有淨去觀塘既車~  但我荃灣線delay完後過去轉觀塘線，果班車都係去調景嶺...  應該咁講，調景嶺尾車延遲左，但觀塘尾車應該冇~

我都仲係想知，東鐵當晚有冇加班車接受影響乘客...

可日我都係葵芳上車返寶林
部車都比平時遲左2 分鐘先到
我都以為冇車返
不過觀塘線部車01:10 先到觀塘，樓主咪趕到

原帖由 4056 於 2008-12-22 02:28 發表


或者引用小弟果邊既巴士部一位師兄既分享。西鐵尾車0015往屯門，某日接倒尾班西鐵既K16預上擠塞，結果趕唔切0015前去到。最後既做法係用巴士載晒所有客往屯元天區既分站(當然係輕鐵啦，人地預左搭完西鐵駁輕鐵嘛)。呢個 ...

想地鐵咁做? 難過登天啦

呢d咁優良的傳統 (用巴士車班客由九龍返屯元天), 係九鐵先有,
九鐵呢d就係明乎其實的以客為先啦!

地鐵? 佢最多咪退票囉, 佢最叻架喇, 當無車發生咁,
之後閣下就自生自滅囉, 話之你之後無其他車搭要搭的士返屋企

唔該研究下時間表先啦, 九龍塘0031已經上水尾車, 你認為有可能0023前call到尖東唔開車咩? 你個case無人咁早就預計到會爆鑊掛...?!青衣計得數黎都要打個電話過火炭至hold到班車...

同埋你有無諗過拉遲尾班(轉線)車, 係幾大骨牌效應? 荃灣>東涌+觀塘+港島>東涌+將運澳>荃灣+港島+觀塘...  根本就loop死... 度度都hold車就算半夜都影響到數千人.

仲話入左閘就要保人搭到車, 唔係嘛....! 九成客用八達通, 連個客目的地係邊都唔知, 叫人點預呀? 單程飛都仲話退餘額, 八達通提早出閘無損失架播.

原帖由 lzengalau 於 2008-12-22 22:20 發表
唔該研究下時間表先啦, 九龍塘0031已經上水尾車, 你認為有可能0023前call到尖東唔開車咩? 你個case無人咁早就預計到會爆鑊掛...?!青衣計得數黎都要打個電話過火炭至hold到班車...

同埋你有無諗過拉遲尾班(轉線)車,  ...

就當你講得岩, hold唔住部車
咁港鐵公司係咪應該派多一班東鐵線特別車去清呢一批受阻的乘客呢?

以西鐵為例, 西鐵尾班車開出前大約10分鐘
南昌站的閘機就會關閉, 限制乘客再進入車站, 目的何在?

就係以此為界線, 係10分鐘前成功入到閘的
就會guarantee佢地一定搭到尾班車返西北
如果有一個乘客遇到特殊情況, 成功入左閘而搭唔到尾車
當年九鐵公司係會用專車 (私家車) 送呢位乘客返新界架

既然有呢個提前10分鐘入閘的rule
咁成功入左閘的乘客, 因為港鐵公司的差勁保養及維修問題
而令到佢地未能搭到尾班車. 港鐵公司係咪應該有個責任去派一部特別列車去清客呢?

乘客係準時到車站兼且成功入左閘架wo
而家係你港鐵公司出錯, 個責任個後果做咩要由乘客承擔?

就算唔派列車清客, 咁係退票的時候, 係咪應該要作返一d補償?
例如$20現金予乘客搭其他交通工具?
又或者港鐵車票予乘客下次免費搭港鐵?

講到尾, 就係因為而家只得一間公司, 無得比較
兼且又係獨市生意, 港鐵公司咪視乘客如無物囉

[ 本帖最後由 AVW56 於 2008-12-22 22:48 編輯 ]

原帖由 AVW56 於 2008-12-22 22:46 發表


就當你講得岩, hold唔住部車
咁港鐵公司係咪應該派多一班東鐵線特別車去清呢一批受阻的乘客呢?

以西鐵為例, 西鐵尾班車開出前大約10分鐘
南昌站的閘機就會關閉, 限制乘客再進入車站, 目的何在?

就係以此為界線,  ...

小弟有個朋友晌港鐵做，佢話自地鐵時代試過唔少次因為尾班車問題要比錢個客搭的士走喎。

宜家車務安排上, 係好興將d車擺街的, 為的就係行少次吉車出廠做頭車.

論車務, 上水尾車加一班, 可能北面有車原本收車就擺街的, 臨時要拉去第二度擺/回廠黎就班特車埋站/擺街, 攪到車長要OT, 咁既一次特別車程, 其實有無路行都要到時先知, 可能沿途月台/側線都已經泊左車過唔到, 又或者要多幾個車長一齊開OT執車. 另外, 亦令維修工程延誤, 工程車要遲出廠, CUT電的要延遲, 影響不少. 站呢? 一個站留幾個人做埋班特別車, 十幾個站就幾十人開OT. 就算一人加10分鐘, 果度總共都成六七個鐘人工, 可以過千蚊. 呢個數都仲未計額外行車既電費.

要處理過左廟既客, 方法有好多. 車人又好回水又好, 但都唔會用"保證"兩個字去保人到目的地. 班車到左好地地打開門有人唔上係無得關人事的. 個站咁大, 唔通好似機場捉人上機咁, 要四圍搵嗎? 如果做壞手勢, 實有人搏大霧啦~ 根本搭到邊計到邊, 就係最正路既做法. 送錢/送飛? 站點交代呀? 退錢/埋單已經夠, 搭唔到之後既車程, 唔可以話港鐵欠左你的, 要人補償.