關於列車故障趕唔切尾班車問題...

原帖由 lzengalau 於 2008-12-23 23:51 發表
午夜前都未過海, 追上水尾車根本就已經好"炆", 交通唔係淨係壞車至導致延誤, 車廂/大堂/閘機/出入口人多d都可以阻到你. 有野賴就梗係出黎賴餐飽既, 無野賴果陣物死死氣走去搭n車/小巴...

呢d當然冇得賴。鐵路運作正常，閘機運作正常，當然冇得賴，因為乘客既個人行為你係預計唔倒。但壞車喎，一壞車就肯定有乘客行程受阻啦。前者同後者根本唔同。前者係你有大條道理，你既service完全正常，係個客自己囉黎。但後者呢？幾乎100%肯定有客受阻，莫非你同個客講「你要預埋我地會壞車」？如果係咁講，ok呀，但佢要加多句條例話「本公司對列車運作可靠度沒有信心保證，貴客如因故障延誤行程導致趕不上尾班車，一切閣下自理」，相信所有客都冇聲出。當然佢唔會咁講，但佢背後既政策係咪咁呢？我都想知...

敢問一句，假如259D出觀塘尾車在屯門開出冇耐跪左，九巴可以退票算數，叫客搭N260轉幾廿程車嗎？

而家交左手畀港鐵既輕鐵部，假如西鐵尾車遲左，我地輕鐵要等埋班接駁客先至可以開出尾班車，OCC會call落來hold住。既然係咁，點解我地西北做倒，而我上星期既case又做唔倒呢？   唔可以再話咩重鐵運作成本高既問題，鬼叫佢咁好彩係正收工時間壞，真係咁「好彩」，咁都要處理ga...    年中都唔知有幾多次呢d機會，佢蝕極都比唔上形象上既損失

[ 本帖最後由 4056 於 2008-12-24 03:08 編輯 ]

原帖由 勁迷港鐵 於 2008-12-23 22:31 發表
(1)果日有冇乘客搭5到將軍O線冇尾車na?

觀塘線既尾車平時去到調景嶺係轉往寶琳尾三車
而當日去到調景嶺係轉尾二車
所以再遲多十分鐘都仲有車搭

仲有壞車的時間係大約凌晨12點,
即係果班車去到尖沙咀都只係凌晨12點05分08分左右,
乘客本來連東鐵尾班車都唔駛趕,
因為尾二果班東鐵係00:15先開,
所以果班地鐵無壞, 乘客直情可以趕到尾二果班火車,
而家壞車搞到連尾班車都趕唔到, d人鼓燥都好正常

原帖由 lzengalau 於 2008-12-23 23:51 發表
5. 只要呢d賠錢先例一開兼揚左出黎, 我敢講, 就算平時無事無幹, 一定有人特登唔上尾車博屈港鐵錢. 為免做壞規矩兼將來無謂爭議, 搭到邊計到邊係對全世界最公道.

這先例一早已經有，2005年8月10日晚上機場快線及東涌線故障，
車站職員叫受影響乘客改乘的士，憑收據可於日後向地鐵取回車資。

原帖由 ES464470X 於 2008-12-24 13:47 發表
仲有壞車的時間係大約凌晨12點,
即係果班車去到尖沙咀都只係凌晨12點05分08分左右,
乘客本來連東鐵尾班車都唔駛趕,
因為尾二果班東鐵係00:15先開,
所以果班地鐵無壞, 乘客直情可以趕到尾二果班火車,
而家壞車搞到連 ...

要搞清楚果日壞車確實時間係幾多點,
係凌晨十二點正, 定係凌晨十二點十幾分
都差好遠, 事關東鐵尖東尾班車開 0:23 ,
如果按時間表, 受影響既班次都要 0:18 之
後先到尖沙咀, 咁就算無故障, 都趕唔到東鐵
尾車.

回#31:
按宜家現代車務做法, 壞車係要換車黎去(盡量)完成整個車程. 就算閣下既一個巴士例子照套落黎, 該尾車會換車黎繼續行, 但其他可以接駁既路線既尾車, 就如今期班上水尾車一樣, hold都未必hold得住, 亦好大機會唔會有特車黎特別照顧果幾(十)個被壞尾車影響到既客. 駁唔到車既唯有自行解決.

輕/西鐵之間尾車接駁一早已經講明係要夾, 呢樣唔係合併之後至係咁, 兩個occ亦向來夾開, 有咩事兩者之間互傳訊息隨時快過去青衣. 輕鐵尾車方面, 宜家連到果四個轉車站之前都要call occ, 確保西鐵尾車到左轉車站, 或為免出左總站之後, 都仲有咩鑊爆. 輕鐵呢方面係超級周到.

但市區線同東/西鐵線夾, 始終都隔一重, 一日未係青衣直接睇埋東/西鐵線, 一日都仲要打電話, 況且青衣班人都未清楚東/西鐵線d野, 咁已經說明處理呢d鑊係特別繁複,要特別多時間. 唔論果筆額外成本係無所謂既, 幾千蚊加班車, 同一日幾十萬運作成本比, 濕濕碎啦.

回#33,36:
根據港鐵網頁資料, 金鐘>尖東要15分鐘, 0018尖東關閘, 0003金鐘入閘兼即刻上車至搭到尖東開尾班北行. 所以我#28已經講, 午夜前都未上車過海, 根本已經好"炆".

回#35:
呢度講緊駁唔到第二條線尾車果類賠償, 同你既例子有少少出入.  機場客唔得失得, 兼且又大包細包, 港鐵call旅遊巴一來要時間召集, 二來就算旅遊巴有行李格, 搬上搬落都格外麻煩. 放手包的士根本就最簡單, 港鐵自己亦唔洗煩同同旅遊巴執手尾.
--

加特車會產生d咩情況, 我之前都講左.

hold尾車呢招, 我重複之前提出過既問題:有幾多人受阻? 要hold幾耐? 邊度hold? 呢d一定要諗掂佢, 先至知呢招有無效. 正所謂大事化小, 俾我做, 無番一百幾十個人有影響的話, hold到我都實唔hold, 要知道沿線仲有一班無受事件影響既人, 佢地在正常情況下等緊一班按正常情況開出既尾班車, 若果為十個八個人而hold車, 變相發大左件事, 令沿線沿途幾百甚至上千人承受(不必要的)延誤, 造成增加受阻人數呢個反效果, 咁樣擴大受阻範圍其實仲難仲惡收科. hold一兩分鐘或者尚算小事/唔多覺, hold上三分鐘以上第日好難唔見報被人插.

論賠償, 除非真係返去d偏遠地區或者鐵路獨市位, 例如用東涌線返嶼南/愉景灣或禁區羅湖居民, 呢d case無通宵車或通宵車過少而令乘客情況更弊的話, 港鐵包的士係無選擇下既選擇, 去市區內或主要新市鎮的, 遇到因事故而駁唔到另一線尾車既情況, 連起程站到轉車站果程車費都退埋錢的話, 我覺得已經係賠足有餘.

原帖由 tonio 於 2008-12-24 23:14 發表


要搞清楚果日壞車確實時間係幾多點,
係凌晨十二點正, 定係凌晨十二點十幾分
都差好遠, 事關東鐵尖東尾班車開 0:23 ,
如果按時間表, 受影響既班次都要 0:18 之
後先到尖沙咀, 咁就算無故障, 都趕唔到東鐵
尾車. ...

的確要知道實際時間~
報紙所講的時間是"零時許", 以我理解應該是00:01-00:05左右,
即00:01-00:05內某班金鐘站開往尖沙咀的地鐵列車受影響,
要延遲15分鐘先開出, 起碼要去到00:18打後先開出~

金鐘至尖沙咀車程5分鐘, 如果醒水知道車尾係最近尖東站入口,
識係車尾上車, 落車之後行快少少, 用埋所有前往尖東方向的輸送帶,
唔駛跑, 急步行都無必要, 6分鐘已經行到去尖東站落埋月台啦,
夾埋地鐵車程都只係用11分鐘,
如果故障發生的實際時間係00:01-00:05,
即原本乘客可以去到尖東站入閘去埋廁所先上東鐵尾車都有時間

希望當日受影響的乘客可以上黎講講班車係幾點去到金鐘後故障

今次單野, 退返錢(金鐘 --> xxx站)係最基本要做,
如果受影響乘客有好多? 加多班車就少不免(加左車就唔駛退錢),
紅館演唱會尾場, 如果主辦單位事先通知可能去到00:25先散場,
東鐵都要預備定一班特車, 00:35尖東站不載客開往紅磡站起載

[ 本帖最後由 ES464470X 於 2008-12-25 08:41 編輯 ]

原帖由 lzengalau 於 2008-12-25 03:47 發表
回#31:
按宜家現代車務做法, 壞車係要換車黎去(盡量)完成整個車程. 就算閣下既一個巴士例子照套落黎, 該尾車會換車黎繼續行, 但其他可以接駁既路線既尾車, 就如今期班上水尾車一樣, hold都未必hold得住, 亦好大機會 ...

其實你自己都講左個問題所在啦

輕鐵同西鐵的occ, 係合併之前, 係位處不同地方的 (前者o係屯門, 後者o係錦田)
而家合併之後, 一樣係位處不同地方 (前者o係屯門, 後者o係青衣)

但不論合併前後, 輕鐵同西鐵occ都可以一直配合到,
咁即係話, 是否配合到, 與地域是沒有關係的,
關乎的, 是人的問題, 是港鐵公司政策的問題!


而家, 西鐵同市區線的occ一樣o係青衣,
照道理係聯絡上應該更無阻隔至係,
人地西鐵同輕鐵occ分隔兩地, 都一樣可以做到良好配合,
有咩理由位處同一地的西鐵及市區線occ配合唔到?
港鐵公司不是經常吹噓自家的青衣車務控制中心點優秀的嗎?
一句到尾, 係公司政策問題囉

1. 西鐵occ未搬過去青衣
2. 輕/西鐵尾班接駁一早有晒可預計情況下的應變方案.
3. 就算一個車控又點, 故障要攪幾耐係好難計, 我果3個題問, 就算最有經驗的controller都未必答得到, 呢單野, 如果無一個客要轉東鐵線, hold車/加車就變左多餘, 如果呢單野唔只攪三個字, 而係要攪半個鐘或更長, 但偏偏走去hold車, hold到件事完的話, 出面未開聲插, 圍內都已經插死你:"做乜將一d仲可以正常運作既位變埋做唔正常?"因為已經違反左將受影響範圍減到最少既原則. 所以我不同意話係人/公司既問題, 交通既野, 就算有晒應變方案, 最終到時都係見步行步.