乘 客 仆 死 九 巴 車 長 被 捕

原帖由 EH4312 於 2008-12-24 11:44 發表

佢出事之後公司都仲俾佢開工.
我估係你唔同時間,見唔到者.

但係e+應該真係比人停左工....
真係朝又唔見..晚又唔見..

另外，我想問出事係邊部scania呢？

原帖由 LZ4519 於 2008-12-24 23:49 發表


但係e+應該真係比人停左工....
真係朝又唔見..晚又唔見..

聽番同線相熟掛牌佬講....有關車長已被停止駕駛工作
晌廠做完文書工作

架車早更就照出, 夜更就好多時無人返,就收車....

原帖由 JN6854 於 2008-12-24 16:23 發表

呢0的咪政府0個班官員0既「官僚」(無腦)囉！

裝個倒數器 = 鼓勵衝燈！？ 咁佢裝個白鴿籠0黎做咩0架！？
你一邊係倒數器、一邊係白鴿籠 佢係都要衝燈0既咪抵佢收告票囉
而家做一半(裝白鴿籠)唔做一半(裝倒數器) 先係路面意外 ...

我在鐵路學堂上denfensive driving個阿sir都講過，唔裝倒數器係官僚作風。因為如果裝左，我諗大多數怕收告票既人都唔會衝燈。但好似而家咁，你見黃燈果陣已經停唔切，咪繼續去囉，轉紅燈後你仲過緊junction仲屈你衝燈，咁又有庫房收入，不知幾好賺！   呢d就係阿sir講既，我自己都認同。   而我自己既睇法係，裝左白鴿籠，已經做就左一個畀政府賺錢既條件，其次就係以系統同國內不同為藉口，唔裝倒數器，等你剎都剎唔切，又有一筆收入！   

政府班官話就話改善交通安全。講真，改善得幾多？裝倒數器就話鼓勵衝燈，你唔裝，咁d人估估下，一見轉黃就急剎/盡油咪仲危險！

所以今次呢單，我覺得就算巴士司機真係急剎，都唔係佢錯。如果佢唔剎，佢衝燈，咁佢就真係錯，畀人捉倒冇得喊，但換來係唔會有人跌死！

咁都可以入到「危險駕駛引致他人死亡」？
個乘客自己又有無緊握扶手先？有緊握扶手可以仆得死？

乘車指引話車未停定切勿上落，個乘客係行車其間落去下層根本已經違反乘車指引
雖然話違反乘車指引無乜問題，但係要take your own risk囉...

政府一向都係咁架啦...
只係識得叫人點做..
但神奇到連做唔做到佢都可以唔理
冇計啦
官字2個口
屈都屈死你啦

原帖由 4056 於 2008-12-25 02:22 發表
我在鐵路學堂上denfensive driving個阿sir都講過，唔裝倒數器係官僚作風。因為如果裝左，我諗大多數怕收告票既人都唔會衝燈。但好似而家咁，你見黃燈果陣已經停唔切，咪繼續去囉，轉紅燈後你仲過緊junction仲屈你衝燈，咁又有 ...

最諷刺0既係政府(TD)成日提倡「路上零意外」
問題係佢根本唔會諗自己有份「間接」製造意外 (做「一半」唔做「一半」)

個衝紅燈相機系統係咁「串」0架喇
一轉紅燈+你架車轆過衝燈感應線 = 等收告票
(轆唔過就無事 最黑仔係你重剎都轆過條線就真係無得同官拗)

人命無價 衝燈有價
香港官僚就係咁睇錢唔睇人命0既「整蠱」

原帖由 iczer3 於 2008-12-24 15:48 發表


幾時學埋袋鼠國D野架

我諗紫荊城同袋鼠國都系學英國架啦！晌英國，不遵守交通燈號橫過馬路唔系罪，一樣賴司機。

原帖由 HJ8325 於 2008-12-25 02:12 發表

聽番同線相熟掛牌佬講....有關車長已被停止駕駛工作
晌廠做完文書工作

架車早更就照出, 夜更就好多時無人返,就收車....

請問係咪HM字頭o個架??

原帖由 LA16-3ASV465-51 於 2008-12-25 10:31 發表
咁都可以入到「危險駕駛引致他人死亡」？
個乘客自己又有無緊握扶手先？有緊握扶手可以仆得死？

乘車指引話車未停定切勿上落，個乘客係行車其間落去下層根本已經違反乘車指引
雖然話違反乘車指引無乜問題，但係要take your ...

按照閣下之意，乘客只能待巴士停站後方能從上層走到下層下車？如果有乘客真的這樣做，相信同車的其他乘客和司機都會暗地裡罵該乘客阻礙大家時間，以及這裡將會出現很多批評乘客不早點準備下車的文章。