經驗分享：有無板友開車行過山頂白加道+種植道？

話說早前本人接載一位富豪朋友由國內去山頂施勳道某豪宅，
並選擇了去施勳道最直接的路線：山頂道>白加道>種植道>施勳道，

當天本人駕駛一架2005年出廠的M-Benz E350(車主並非本人 )，
當我行到白加道左轉上種植道時就出現麻煩，發現轉上種植道的路口極窄，
闊度只有大約2.5米(轉接近180度彎)，本人用了三手軑都未能夠直接左轉上種植道，
結果我就開車直行穿過纜車橋落到舊山頂道路口掉頭先再上返種植道

不過要直接由白加道左轉上種植道，應該連Smart果類K-car都做唔到，
再大架些少都會唔夠位轉，例如開Benz C系以上果類車，
真係要落去舊山頂道路口/纜車站對出空位先掉頭再上去先得！

當然，亦有可能根本是本人駕駛技術差劣，需要有待改進

有無板友試過開車由白加道左轉種植道？

發覺香港仲有唔少路是比飛鵝山道窄得多，我開車行過的有：
施勳道，種植道，歌賦山道，寶雲道(寶雲徑-波老道段)，馬窩<>泮涌村路。
各板友仲有無其他此類型超窄道路推介？

歡迎各板友分享箇中經驗

[ 本帖最後由 volvo_chan 於 2009-1-3 20:01 編輯 ]

未到芬梨徑之前有個位比定你U turn先架，跟住就倒車去到個路口就直上

通常唔行呢條路線....!
正路係上到加列山道嗰邊行種植道......!

加列山道都好窄...!仲要雙程雙線行車....!

飛鹅山道其實好闊,重點是單程路....!
香港島好多路都好窄.....!
特別是山頂和半山區一帶.....!

石澳大潭
唔過線已經窄過飛鵝山好多啦

** 不過我渣開大部分私家車都會過線
反而大架少少既車都無過咁多

窄既街路就冇乜點行過，但停車場通道就行唔少。

最頭痛係以前日渣車返阿媽屋企食飯，秀茂坪近秀康樓果個停車場　
每上落一層樓果條彎路．．．我渣標緻206都要停下行下先過得晒  
(當然，我手車只係一般過一般)

最窄試過行你講既寶雲道(寶雲徑-波老道段)
另外一到係舊山頂道右轉上梅道,有一段橋位都好窄,特別夜晚又黑又暗

原帖由 FN1967 於 2008-12-29 14:16 發表
飛鹅山道其實好闊,重點是單程路....!
香港島好多路都好窄.....!
特別是山頂和半山區一帶.....!

我都覺飛鵝山都幾闊, 反而想知上大帽山條路係咪好窄的?

原帖由 fm1234 於 2008-12-29 23:21 發表


我都覺飛鵝山都幾闊, 反而想知上大帽山條路係咪好窄的?

51行果條？私家車來說當然唔窄啦。

原帖由 HY671 於 2008-12-30 00:23 發表


51行果條？私家車來說當然唔窄啦。

哈哈~唔係...荃錦當然闊
我係講大帽山道上到郊野公國個條 thanks!