尋中巴LV的派車資料

小弟年紀細 , 記得既資料有限

記得80年代中72係有幾部都普雞 , 最記得有LV150同令一部都普雞上左匯豐既紅白廣告
LV86 , 96 一定係7號

同埋想問好耐 , 都普雞係唔係後期先有尾bumper ? 因為我記得以前係無既 !

90年代初, LV7(海外信托銀行廣告)做過40字軌, 佢就係行40時係置富燒左, 成為第一架報廢既LV. 之後一段短時間中巴仲搵架DA去替LV7個位, 賣大包.

同一時間, LV138仲係手波, 就做過72字軌車. 當時72應該有好幾架都普LV.

但去到90年代時, LV派車基本上都已經打散晒...

90年代初已散得7788，沒有太多車留守其落地字軌線。

不如換個方法講吓中巴LV的分派情況:
LV1據記載開頭係41號以試驗其攀斜能力,跟住佢去咗4號,到九十年代初(大概90年)就被調派去隧巴線170.隨住170號在93年失守,佢就被調派到同屬華富中總站既41號,即相隔13年左右又再重返41號.再到97年中巴放棄經營41號線,佢就被調到去柴灣廠行10A線直至中巴經營權結束為止.
LV2-LV7其實我印象中佢哋真係長期都喺4號,原來佢哋係行過90M,我就真係唔知,真係多謝高人指教.LV2係只係喺91年服務過7號,之後佢既餘生都係多數喺4號直至中巴經營權結束為止.
LV3大概到90年轉投7號車,喺91年仲上埋個加州提子廣告,到92後出走7號,變做黃廠士啤車,直至中巴經營權結束為止.
LV4大概係80年代中都已經離開4號,期間下落不明,直到91年時才發現佢行41號,行到92年佢又被甩走成為柴廠士啤車.95年下半年至96年初曾服務過77號,後期中巴放棄經營77號,佢又變為黃廠士啤車,直到大概96年尾佢就成為95號字軌車,直至中巴經營權結束為止.
LV5喺85年轉投7號線,直到86年又離開,期間下落不明,90年代初被我發現佢轉投40M直到40M喺95年失守為止.之後佢去咗47號.96年47號被中記放棄,佢做過一排黃廠士啤車,到97年被徵調去柴廠行20號,至98年頭佢做完大驗之後冇返番20號一路做士啤車直至中巴經營權結束為止.
LV6呢部車我除咗有啲印象佢係行過4號車,之後都唔係好清楚佢既行踪(還望有高人指點),直至90年就被我發現佢係41號字軌車,到91年佢個字軌地位被LV4取代,佢又不知去向.直到93年9月後81號全線改以LV行走,佢就成為81號頭車直到大概96年左右佢又離開做士啤車直至中巴經營權結束為止.
LV7都係行過4號,到91年佢披上海外信托銀行全車身廣告,佢就由士啤車身份轉為服務40號.可惜佢喺92年暑假期間行走40號時喺置富自焚身亡,成為最早離世既中記LV.
LV8又係一部長期服務4號車冇乜點走過既字軌車,同LV2一樣咁忠心
LV9都係行過4號,到90年代初我就發現佢行40M,直至95年40M失守,佢轉投3號線,3號又喺97年俾中巴放棄,佢就成為士啤車直至中巴經營權結束為止.
LV10都係行過4號,91年轉投7號,後來做過一輪士啤車,到93年左右做94號字軌車直到96年12月26號喺石排灣巴士總站被縱火焚毀為止......(待續)

LV4大概係80年代中都已經離開4號,期間下落不明,直到91年時才發現佢行41號,行到92年佢又被甩走成為柴廠士啤車.95年下半年至96年初曾服務過77號,後期中巴放棄經營77號,佢又變為黃廠士啤車,直到大概96年尾佢就成為95號字軌車,直至中巴經營權結束為止.

期間下落不明：去了37一段頗長時間，直到91年年驗，由LV147代其位置

95 : 字軌 LV80, LV122,LV53,LV114, LV67
91 字軌 : LV16, LV140, LV37,仲有 LV15 (清潔龍), LV20 (交通安全), LV18 (士啤 - 中巴熱線), LV33, LV42, LV8
95A 字軌 : LV118, LV142
士啤 : LV90

P.S 仲有提一提LV2既手製停車時係向上推的

另外有無c hing 提供埋都普雞既字軌線? 記得好似南區都分到d, thx

[ 本帖最後由 fm1234 於 2009-1-3 12:12 編輯 ]

早期的LV手掣是向上推，推盡後，再向右推一下就入泊車用，鎖「四」個轆。手掣為短桿，粉藍色
LV1-26,28,29,32,47,52,61,74,102都是推手掣，可能會記錯，個LV1-26,32機會就較低了。
以上的LV約在94年左右轉做拉手掣，97 / 98年已全數拉手掣。

原帖由 kenf 於 2009-1-2 14:23 發表
另外 19 都用過 LV148 - LV154 (LV155 唔肯定有冇)

這批車當中留在19號線最長時間的是LV148和LV154，不過LV154到九十年代中後期
也被換走了，反而LV148則繼續留在19號線到中巴專營權結束；同期還有LV158，這
部車上車門旁的扶手後期換上了第二批DA用那款綠色凹凸紋扶手。
另外值得一提的是，LV148在新巴接手後第一天仍有行走19號線，成為該線當日唯一
非空調車，也很可能是最後一部服務19號線的非空調車。

LV149後期一直是10A線字軌車，非繁忙時間多數泊在北角碼頭，間中會被拉去支援其
他北角碼頭線(最常見是27號線)；
LV150-153後期好像都是88號線字軌車。

原帖由 PB602 於 2009-1-2 20:40 發表
90年代初, LV7(海外信托銀行廣告)做過40字軌, 佢就係行40時係置富燒左, 成為第一架報廢既LV. 之後一段短時間中巴仲搵架DA去替LV7個位, 賣大包.

同一時間, LV138仲係手波, 就做過72字軌車. 當時72應該有好幾架都普LV ...

手波?珍寶個款?

無錯！只此一架。當時，它屬柴廠車，原本波掣位置加上警告字句，提醒司機要用手波。