尋中巴LV的派車資料

在這網址找得一些資料：
http://home.i-cable.com/hwt4182/cmbsy/cmbfleet/lv.txt
短手掣車的底盤跟拉手掣車不同

原帖由 hywonglx 於 2009-1-3 16:38 發表
無錯！只此一架。當時，它屬柴廠車，原本波掣位置加上警告字句，提醒司機要用手波。

印象中當年LV132也曾是手波車。

原帖由 hywonglx 於 2009-1-3 16:38 發表
無錯！只此一架。當時，它屬柴廠車，原本波掣位置加上警告字句，提醒司機要用手波。

咁真係好特別喎~
不過真係好難想像佢個樣...
想問下係三波定好似珍寶有四波?

中巴LV的分派情況第二回：
LV11：原為4號的字軌車，到92年初轉投7號車，一路至到95年7號失守，佢就改投77號，幾個月後77號又被中巴放棄，佢又落藉43號直至中巴專營權結束為止（註：此車性能極差，喺7號車的歲月裡佢經常都壞車擺街，又試過幾次留廠成個月左右，總之呢部嘢整極都唔知點解醫唔好佢疾油既毛病．佢試過卡佬踩第一吓油可以踩極都唔識郁，又會喺上上下斜路個二波唔知點解會甩咗，冇油到，行得好慢，跟住再打個冷震後再轉回一波繼續捱上斜，總之呢部嘢真係虧到唔恨呀！）
LV12：亦都係一開始就係4號的字軌車，到92年尾變為士啤車，之後到93年被削26線之時佢就被調離黃廠去到柴廠，跟住就開始佢服務81號線既生涯直至中巴專營權結束為止．
LV13；亦都係一開始就係4號的字軌車，91年中轉投7號車，一直至到95年7號失守，佢就改投47號．97年中巴放棄47號，佢就淪為士啤車，直至98年中巴開始淘汰珍寶巴士，佢就有機會落到佢喺中巴專營權結束前既歸宿20號．
LV14：亦都係一開始就係4號的字軌車，曾經大約85年時喺中環發生過交通意外，跟住好似自此之後佢仲上埋個紅噹噹既滙豐銀行廣告，亦都出走4號轉投去隧巴線．我記得喺86年底見佢喺113服務，跟住之後既日子恕我愚昧唔知佢去咗邊，到再次發現佢既踪迹之時已是91年左右繼續帶住個紅噹噹既滙豐銀行廣告重返南區服務72號．直至93年72號失守，佢個紅噹噹既滙豐銀行廣告亦都落咗畫，佢就被調到柴廠，輾轉服務過81，23B等路線直至中巴專營權結束為止．
LV15：亦都係一開始就係4號的字軌車，不過喺86年亦都出走轉投7號代替LV105，仲上咗個右邊車身既T-banner廣告白玉馬靚米酒（佢既兄弟車LV16亦係上咗同樣廣告，仲試過有一日一齊拍住前後車行7號添，好過癮架），服務到大概88年底佢又離開7號，之後果幾年我就唔知佢去咗邊，再見番佢既時候佢已經係91年披上全身淺藍色既清潔香港廣告投靠95號，再喺92年至95年呢幾年間佢斷斷續做吓95號既字軌車，又做吓士啤車，終於喺96年佢成為66號字軌車，再喺98年更加轉投20號（註：喺轉投20號車既時候，佢更被改裝為搪門雞添，可能係20號個掛牌卡佬要求車房大佬幫佢改都未定）．
LV16：亦都係一開始就係4號的字軌車，但唔知幾時開始佢出走咗4號，再見番呢部車係喺93年上掛91號，到96年中佢就離開91號淪為大後備車，到97年底上掛43號直至中巴專營權結束為止．
LV17：亦都係一開始就係4號的字軌車，88年出走轉投7號代替LV102，但同年年底又出走7號，其間下落不明，再次見番佢就係93年被削26線後佢去咗柴廠服務81號直至中巴專營權結束為止．
LV18：長期披有中巴熱線電話廣告，亦都係一開始就係4號的字軌車，但唔知又邊年開始出走咗4號，跟住往後既日子佢都冇乜點做過字軌車，都係做士啤車居多．
LV19：亦都係一開始就係4號的字軌車，90年轉投7號車，未幾仲上咗個紅噹噹既加得士廣告添．92年離開7號車，做過幾個月士啤車之後轉投40號，一直至到95年40號失守，佢就去咗柴廠，改投23B號直至中巴專營權結束為止．
LV20：長期披有宣傳道路安全既廣告，亦都係一開始就係4號的字軌車，89年改投7號車，90年又出走，跟住既日子都係好似LV18咁冇乜點做過字軌車，做士啤車居多......（第二回完，待續）

很感謝你這麼詳盡的資料，但發現很多時4號的車會轉去做7號，但7號的車究竟去了哪裡？待你一一解答。謝謝！

補充：當年有一部巴士就快跌落薄扶林村就是LV11。

我記得LV156-167係行過111字軌，LV156係上arena廣告，而LV163係上yasaki廣告。
不過呢批都普唔係行111大長時間，之後冇耐因101換上新的ML，原在101服務的MB
就轉到111。

LV15唔係98年先改搪門 , 當年臨甩95就已經改o左

LV1,15,23,24,26,29,32,45,46,78,90都是改為搪門，部份約在91年前已改。

回上 , 想問下LV 113 , 124 , 126 , 133 係一落地就係搪門 ?