尋中巴LV的派車資料

除LV1外，所有LV都是自行改裝。年份估計大約在91年前，但不知為何不全數改做搪門。

有司機同我講過話改一次報數要成萬

中巴自行改裝，不需要別人協助。中巴的特點是乜都自己做。價錢應不會太貴

原帖由 cacilhas 於 2009-1-6 09:41 發表
回上 , 想問下LV 113 , 124 , 126 , 133 係一落地就係搪門 ?

印象中LV113的搪門是九十年代初做27號線字軌車時改的，這部車當年長期
行走27號線，直到DC加入時才被換走。

另外改用搪門的還有LV98。

LV15幾時轉左橙色為主色的"香港是我家,清潔齊參加" ?
LV20在80年代尾見過行40
4的字軌分散後,又再搵其他LV掛4,例如LV68?

等我數比大家聽邊啲亞歷山大雞係搪門啦：
LV1, LV15, LV23, LV24, LV26, LV29, LV32, LV45, LV46, LV78, LV90, LV98, LV113, LV126, LV133

原帖由 ML29 於 2009-1-3 16:56 發表

印象中當年LV132也曾是手波車。

手波車？是否指半自動波？如果係就只得一架LV138

原帖由 LW1 於 2009-1-8 00:03 發表



手波車？是否指半自動波？如果係就只得一架LV138

沒錯是半自動波。
我有印象陳自瑜先生的《香港巴士手冊》提過曾經用半自動波的是LV132和LV138兩部，
不過有可能是我記錯吧……(我沒帶著那本書，查不到)

中巴LV的分派情況第三回：
LV21：自我認識呢部車既時候係喺83年，佢當時係70號字軌，往後幾年去向不明，跟住再見番佢就係喺89年底至90年初做過7號字軌，跟住有一日無端端出走去咗94號，跟住果日就喺鴨利洲橋出事翻側咗．初頭仲以為呢部車可能會退役，但原來唔係，大約兩年後（即1992年初）再次見佢出嚟，當時佢落藉40M，一直走到95年此線失守後，佢就轉投柴廠，最初做士啤車，大概96年佢就落藉21號直至中巴結束專營權為止．
LV22：印象中呢部車好似一開始係37號字軌（但唔多肯定，惟望有高人指教），但喺90年佢的確仲係37號字軌車，不過到91年之後有段時間我真係唔知佢去咗邊啦．之後見番佢係喺柴廠做士啤車，直到98年曾一度落藉20號代替進行大驗既字軌車LV5．但後來佢個位置又被LV25所取代，所以直至中巴結束專營權為止，佢都係柴廠既一部士啤車．
LV23：呢部的而且確原本係37號既字軌車，其間仲改咗做搪門，大概87年左右出走37號，之後下落不明，再見番佢係91年底佢帶住同LV15一樣既淺藍色清潔香港廣告，好似係行緊64號．後來令我或者大家印象最深刻既應該係佢由93年底開始上掛23B，仲換埋個生命冇talk 2，請小心演譯既上下藍色中間白色既廣告．
LV24：我成日覺得佢同LV23彷彿係孖生兄弟咁，因大家都係出生喺37號，同埋佢哋會經常拖卡出現，再加上兩部都係搪門雞，有好多地方相似．但佢後來就冇跟佢大哥一齊去柴廠，反而好忠心咁留喺黃廠，喺92年開始做40M字軌車，一直走到95年此線失守後，就連字軌司機同部車一齊過檔94號．大概96年佢又出走咗，呢次仲去埋柴廠行81號，直至中巴結束專營權為止．
LV25：原本係37號字軌車，但行蹤我唔係好清楚，佢幾時出走37號我都唔知，只知道佢93年（中巴26線被削之前）佢係3號車字軌，帶有個白底加青草圖案既齊建綠色香港廣告（註：比佢大一倍數既LV50當時亦帶有同款廣告，亦係3號車字軌，呢個組合真係好有趣）．中巴26線被削之後，佢好似都係做士啤車角色，最後喺98年中上掛過20號車，直至中巴結束專營權為止．
LV26：原本係37號字軌車，86年底驗車時改為搪門雞兼出走37號，之後行踪不明，最有印象係91年中開始上掛91號，直至中巴結束專營權為止，其間仲上過幾個全身政府廣告．
LV27：原本係37號字軌車，但唔知幾時出走，直到92年開始上掛4號，直至中巴結束專營權為止．最記得佢都披上過幾個全車身廣告，包括白底綠字既西門子，綠色葉子作底色既綠化廣告，同埋最後綠色底既綠化廣告．
LV28：原本係37號字軌車，亦係唔知幾時出走，91年11月左右轉投7號車，92年中又離開，走咗去過海路線170，170喺93年不幸失守後，佢就被調派到柴廠，開頭做士啤車，後來上掛81號車，直至中巴結束專營權為止．
LV29：原本係37號字軌車，亦係唔知幾時出走，記得佢91年係帶住個淺藍色既鞋廣告行過103號，93年中巴26線被削之前佢沒有帶任何廣告行走12M，此線喺93年不幸失守後，佢就被調派到柴廠，上掛81號車，直至中巴結束專營權為止．
LV30：認識佢既時候大概係84年既暑假，佢帶住一個披上紅綠藍三色既萬勝牌卡式帶廣告行走過海隧巴105號，佢往後既行踪我就唔知，再見番呢部車就係90年佢落藉7號車，一路到95年此線失守，佢就轉投94號，97年中左右出走，變做士啤車，直至中巴結束專營權為止．

原帖由 guy1021 於 2009-1-7 22:36 發表
等我數比大家聽邊啲亞歷山大雞係搪門啦：
LV1, LV15, LV23, LV24, LV26, LV29, LV32, LV45, LV46, LV78, LV90, LV98, LV113, LV126, LV133

記得LV98和LV113這對是「孖公仔」，兩部車九十年代長期在27號線，而且兩部都是用搪門；
還記得當年27號線用三部LV：LV98、LV113、LV119，三部車中唯獨LV119不是用搪門，但它
車頭的車牌位置是與其他LV不同的，裝在駕駛室那邊。
直到中巴晚年，27號線轉用DC，LV98好像轉投2號線代替退役的LF。

LV46九十年代則是80號線的「忠神」，九六年80號線大改線後它也沒有被調走，一直留守80號
線直至中巴專營權結束。