港鐵 - 開心一嘟大抽獎

於2009年1月1日至2月28日期間，乘客使用八達通卡乘搭港鐵，
即可自動參加大抽獎，有機會贏取$500超級市場禮券（名額1,000個）。
乘搭次數越多，中獎機會越大，萬勿錯過！

http://www.mtr.com.hk/chi/whatsnew/lucky0901.html


好大細超下wo, 點解輕鐵同鐵巴乘客唔可以享受到呢項著數呀?

唔好同我講係咩電腦系統限制,
而家站站獎積分計劃都有輕鐵同鐵巴乘客份啦,
技術問題一定唔會係當中原因.

輕鐵同鐵巴而家唔係港鐵公司架?
定還是, 港鐵公司呢d無良公司, 知道新界西北有輕鐵專區特權,
睇死班居民除輕鐵同鐵巴之外根本無其他選擇, 所以唔提供此項優惠?

港鐵公司唔係好興話統一架咩?
岩岩先統一左東鐵的行李標準咋wo,
做咩呢d優惠又唔統一呀?
正一係講一套做一套, 唔怪得合併左成年,
港鐵公司都係咁比人插啦, 根本就係佢做事不公, 唔怪得人wo

原帖由 AVW56 於 2009-1-1 13:43 發表
好大細超下wo, 點解輕鐵同鐵巴乘客唔可以享受到呢項著數呀?

唔好同我講係咩電腦系統限制,
而家站站獎積分計劃都有輕鐵同鐵巴乘客份啦,
技術問題一定唔會係當中原因.

輕鐵同鐵巴而家唔係港鐵公司架?
定還是, 港鐵公司呢d無良公司, 知道新界西北有輕鐵專區特權,
睇死班居民除輕鐵同鐵巴之外根本無其他選擇, 所以唔提供此項優惠?

港鐵公司唔係好興話統一架咩?
岩岩先統一左東鐵的行李標準咋wo,
做咩呢d優惠又唔統一呀?
正一係講一套做一套, 唔怪得合併左成年,
港鐵公司都係咁比人插啦, 根本就係佢做事不公, 唔怪得人wo

請恕小弟直接一說，為何閣下只在乎新界西居民的利益？
而不在乎一下原來連機鐵也沒有同樣優惠。
（別跟小弟說「坐得機鐵是有錢人，而輕鐵為貧困大眾，所以後者有必要有抽獎權」，如果輕鐵有抽獎權，機鐵乘客更應有抽獎權）

機鐵、輕鐵、港鐵巴士不設優惠，明顯是三者為另一套的鐵路系統。
小弟真的不明白，在兩鐵前，輕鐵的優惠一直與九鐵系統不一，
單是當年的「八送一」優惠，輕鐵只是沿用其積分優惠制度，是否「大細超」？。

再者，小弟更不明白免費的港鐵接駁巴士（東鐵）為何要設此多重優惠，
東鐵接駁巴士一直為免費服務，拍卡只是避免有非鐵路乘客濫用，原則上為免費服務，
任何非轉乘鐵路的港鐵接駁巴士乘客，只是乘坐九龍巴士的服務，而非乘坐港鐵服務。
原來免費接駁巴士也可以參與大抽獎？這是什麼道理？

至於輕鐵及港鐵巴士（西鐵），在歷史上，輕鐵接駁巴士作用是用作未能提供輕鐵服務的巴士路線，
因此輕鐵及港鐵巴士（西鐵）是同一組系統，而且亦並非為市區線系統。
在以往港鐵提供的優惠中，非市區線系統沒有優惠也不是沒有先例，
同樣為非市區線收費系統的機鐵，在多年來一直有同樣的處理方式。

[ 本帖最後由 dennis28a 於 2009-1-1 15:18 編輯 ]

再者，小弟想在此補充一點，
若果乘客乘坐鐵巴及輕鐵也有同樣優惠？
是否代表輕鐵／鐵巴轉乘港鐵的乘客有雙重優惠？

原來閣下是希望上述免費 + 收費的乘客有額外抽獎機會？
似乎此舉真的是「大細超」，還是閣下認為新界西居民有特別優待？（因為他們享用港鐵公司服務多於市區乘客）

[ 本帖最後由 dennis28a 於 2009-1-1 15:29 編輯 ]

有D人所謂既評價好主觀，完全只係以小化大

喂樓主，新鴻基o係新城市廣場搞大抽獎，又洗唔洗擴展到全港新鴻基有份既物業呀？

原帖由 epsilon 於 2009-1-1 23:17 發表
喂樓主，新鴻基o係新城市廣場搞大抽獎，又洗唔洗擴展到全港新鴻基有份既物業呀？

咁抽獎係咪寫 "新鴻基全港物業 (某某地方除外)"?

我覺得係有尷尬之處的. 輕鐵乘客一樣可以係俾錢坐車, 更可能唔轉重鐵, 唔知唔包輕鐵的理由係咩.

而且宣傳文件寫 港鐵(機場快綫、輕鐵、港鐵巴士(新界西北)及港鐵接駁巴士除外) , 亦令人覺得被排除在外一樣. 我就建議鐵路公司諗諗, 用好 D 的名去形容齋重鐵, 好過次次一大串除外 (或者寫晒重鐵各線都唔係好辛苦).

或者咁講..
應該將港鐵鐵路服務分幾部分:
重鐵(港鐵路線) : 觀塘, 荃灣, 港島, 東涌, 將軍澳, 迪士尼, 東鐵, 西鐵, 馬鞍山
輕鐵 : 各輕鐵路
機鐵:  機場快
港鐵巴士 : 新界西北區巴士服務
城際客運服務 : 跨境鐵路服務

留意, 港鐵官方網頁都係咁樣分頁..
個人認為, 係rail merger之前, 東/西/馬鐵都加左個""字(馬鐵->馬鞍山), 但係輕鐵無,
可以睇到港鐵將9條重鐵同輕鐵分開...變成兩個鐵路系統..
係今次優惠之中, 港鐵係將優惠比重鐵系統ge乘客, 而輕鐵, 機鐵同港鐵巴士就無.
係呢度我想講, 無提供優惠ge唔單止新界西北區, 機鐵, 巴士同跨境服務都無.

我覺得港鐵只係提供優惠比重鐵乘客無唔妥..
無比到同樣優惠比其他系統..唔代表唔公平..
以機鐵做例子...夠有團體優惠同即日來回優惠喇...
咁係咪要比咪呢d優惠比其他系統呢?
你會唔會搭輕鐵..特登帶4個人要同行優惠, 或者即日搭輕鐵有折扣?

MTR要offer一個優惠..係要睇果個鐵路系統類型而設..
唔好講到西北區乘客成日被岐視咁..

有錯請插.

原帖由 typ 於 2009-1-2 00:15 發表
什麼九巴服務？
東鐵接駁巴士/港鐵巴士，一般乘客只知由黃衣港鐵司機去駕駛，唔係九巴司機，一般人只會知道是使用緊港鐵服務。

現時東鐵接駁巴士的車務收入均由九巴收取，
在法例上，九鐵／港鐵不可以為其接駁巴士收取任可收益，而有關服務只供鐵路乘客享用。
因此有關專營權批給九巴，正正是避免非鐵路乘客濫用，
儘管是乘坐九鐵／港鐵接駁巴士，但在政府角度而言是享用九巴服務，亦無違法。

原帖由 typ 於 2009-1-2 00:15 發表
如果乘客只是單獨乘搭輕鐵或接駁巴士(包括A73)，這程車是需要付費的，應獲取抽獎機會。
舉例：由屯門去天水圍，可搭A73/西鐵線/輕鐵，但只有西鐵線有抽獎機會，對其他搭A73/輕鐵既乘客不公平。

請問為何另一個系統必定要有優惠？
機場快線的乘客也是人，也是付費，也沒有抽獎機會。
為何只有 A73 、港鐵巴士（新界西北）及輕鐵乘客是才應有權利？

如果說上述乘客「大細超」，明顯身為另一套鐵路系統的機場快線也是有相同待遇，並無大細超成份。
而「站站賞」也是一樣，全部系統有優惠，也是一視同仁。

原帖由 typ 於 2009-1-2 00:15 發表
]原帖由 dennis28a 於 2009-1-1 15:26 發表
人地都無話過要搭一程包括免費接駁輕鐵/鐵巴之車程要有兩次機會，係你個人作出既胡亂推斷。
不過，新界西居民區內交通大多被港鐵壟斷，就算有兩次抽獎也算不過份(不過現實係無)。

這是甚麼道理？
請問港鐵應否為羅湖及杏花邨站等乘客有多數次抽獎優惠？
上述地區的乘客真的是完全被港鐵壟斷，為何沒有多次抽獎優惠？
對比新界西北而言，輕鐵專區一早取消，只是政府不開放區內的巴士路線，
而現實上，新界西北的跨區巴士路線的競爭程度較新界東的上水、粉嶺為高。

[ 本帖最後由 dennis28a 於 2009-1-2 01:42 編輯 ]

港鐵係政策上歧視新界西北居民都唔係第一次架喇
住市區的人, 感覺未必咁強烈
但住係西北區ge, 絕對唔會對港鐵公司有好感

就講返合併初期, 全線港鐵網絡, 都有即減車費優惠,
但輕鐵同港鐵巴士 (新界西北) 竟然無份wo
嘩, 已經好不滿啦, 聽埋港鐵公關d廢話, 仲嬲:

"因為輕鐵乘客大部分均是轉乘西鐵,
而我地已經係西鐵提供左有關車費優惠,
所以輕鐵唔會有即減措施"

咁ge廢話都講得出, 仲唔係用肺講野?
咁個d無轉車, 只係搭輕鐵/鐵巴於區內活動的人又點? 無優惠!

輕鐵系統比港鐵公司kick左出黎,
好多西北區居民都知, 而且非常不滿
今次, 咪再一次令西北區居民失望囉
唔係無比過機會港鐵公司, 係港鐵公司已經放棄左姐