「問題」公共小巴可否作出租之用？

公共小巴持有客運營業證(C01)類別，
假如有十六個相識的人租用公共小巴，
租用人的上車及落車點公共小巴可以進入的。

想知道公共小巴可否作出租之用的？

原帖由 nwfb1110 於 2009-1-2 21:19 發表
公共小巴持有客運營業證(C01)類別，
假如有十六個相識的人租用公共小巴，
租用人的上車及落車點公共小巴可以進入的。

想知道公共小巴可否作出租之用的？ ...

應該係可以，小弟廿年前左右就試過坐出租紅van啦，當時小弟有親戚住新界圍村，佢嗰次因為要同埋同村另外幾個人一齊坐飛機返英國，一行人等加埋送機班親友就租左兩架紅van出機場，當時好似大約$250租一部，但係當時因為機場係紅van禁區，所以我地兩架車當時係要喺機場富豪酒店附近落再行天橋去機場

[ 本帖最後由 bbahwing 於 2009-1-3 01:04 編輯 ]

堅尼地城高逸華軒都係租紅van行住客專車,
我覺得咁樣唔係問題

紅小就未必有問題
但係綠小就有問題... (因為只可以按規定營運)

綠van除左指明可以出租
(例如新界9號,指明
除 專 線 班 車 外 ， 可 以 合 約 租 用 形 式 加 開 班 次 往 返 西 貢 郊 野 公 園 內 的 固 定 地 點 ， 租 賃費 用 由 經 營 者 與 租 借 人 釐 定 。 普 通 道 與 西 貢 福 民 路 交 界 以 外 路 段 不 設 合 約 租 用 服 務。)
外,其餘應該都唔可以租

每年我地教會都會o係何文田借地方舉行浸禮，而教會安排既旅遊巴
只優先載受浸者同傳道人，其他弟兄姊妹就要自己坐車由青山道去
何文田。由於弟兄姊妹人數眾多，有時截極的士都上唔晒人，試過
有十多位弟兄姊妹在青山道找了一些沒有乘客既紅van包起成部車由
青山道去何文田。

我自己就試過兩次租紅色小巴。

第一次是十多年前與父親的一班同事到外婆家，她住在米埔的村屋，
坐76K線下車後也要走一段路才到，結果一行十三人就在上水租了一
部紅色小巴開進去，還記得那次那部小巴駛過一段凹凸不平的泥路到
我外婆家門外，真怕它不能掉頭出去……

另一次就是與一班舊同學和老師到清水灣燒烤，總共廿五、六人，我
老師就在彩虹租了兩部紅色小巴，下車前還留下了司機的電話，回程
時再叫他們載我們出彩虹。

至於專線小巴，我就有一次這樣的經歷：
記得幾年前參加大學迎新營，地點是浸會園，入營前負責搞迎新營的
師兄問了52K線的司機取電話，到出營時便打電話叫他們開了兩部車
來營地門口載我們出粉嶺火車站，當然全程是跟52K的路線。
不過我覺得那次不太算是租車，因為其實我們沒有付租金，只是每人
上車各自給自己的車資，這樣應該不會有問題。

不過我看到寶馬山豪景大廈的住客專車每遇壞車時就會改用港島14M/
21A/21M線的車，不知這樣又有沒有問題呢？

[ 本帖最後由 ML29 於 2009-1-4 16:51 編輯 ]

另外再講多一次多年前經歷，話說某年我地屋企年尾做完
一樁白事，咁o個年年初一都有d親友上黎屋企，晚上決定
去旺角一間齋鋪食齋，我地一行好似有十五人左右，幾乎
包起一部28M小巴，司機見我地係一夥人，佢又趕住收工
去入油，咁就大家傾好土瓜灣出車行原有路線去到天光道
後直出九龍醫院，再經露明道/太子道出太子(間齋鋪近太
子)落車。不過呢D肯定係正常規舉下唔可能做既事。

上年o'camp同成班同學一共12人(俾16人錢)由彩虹包o左部長陣coaster入北潭涌
其實包車係咪=租車?

紅巴可以...有孝子賢孫都租紅巴上柴灣墳場