巴士公司何時才能靈活變通，應付突發事件？

今天是工展會最後一天，大量貨車等候進入
維園，導致黃昏時份高士威道及怡和街大塞。

本人17:37在香隧口登上671線的B9 MJ8XX3，
一進入香隧即塞至不能動彈，用了超過40分
鐘才走完香隧，最後18:45才到達灣仔消防局，
本人決定下車轉乘港鐵返家。期間觀察到香隧
快線及堅拿道天橋均非常暢通。

假日怡和街大塞而堅拿道天橋暢通可能比較
稀有，不過港島北大塞車倒灌入香隧則時有
所聞，並非新鮮事。既然如此，巴士公司是
否應該預先制定一套應付類似情況的應變方
案，以盡量減低對行車時間的影響？例如，
以今天的情況，前往灣仔、銅鑼灣的乘客，
看見如此塞車的情況，大多一出隧道就下車；
而怡和街、軒尼詩道東行候車的乘客，看見
一大堆巴士塞至無法前行，可能早已改乘港
鐵。既然如此，巴士公司是否可以派稽查駐
守香隧入口和出口，指示巴士改道，例如38、
42、72、72A、77、96、592、671等線，香
隧出口落橋後改停鵝頸橋，然後直接上橋，
經維園道落橋往英皇道；而37A、75、90、97
等線，是否可以直接行走香隧快線，直往
告士打道？

P.S. 今天MJ8XX3的車長態度非常惡劣，大聲
呼喝猶豫是否下車的乘客；如果我把心一橫，
打27454466投訴，相信下次本人乘搭671之時，
這位車長將從671線消失。

原帖由 S3BL100 於 2009-1-4 22:21 發表

P.S. 今天MJ8XX3的車長態度非常惡劣，大聲
呼喝猶豫是否下車的乘客；如果我把心一橫，
打27454466投訴，相信下次本人乘搭671之時，
這位車長將從671線消失。

以九巴處理乘客投訴的方法
車長態度惡劣到要消失的事件可謂寥寥可數
即使被投訴到見報也能如常開工
閣下似乎有點兒高估了自己的能力或勢力
(也許閣下有這樣的能力或勢力 , 多多得罪)

你唔好話呢d突發事
就連欖球賽都冇準備啦.....
2個鐘先由海怡去旺角
況且塞車塞到香隧口係好正常
好難估到要塞幾耐.....
再者你用咁多時間先去出到隧道
如果叫東區落橋都係會咁耐
唔落橋又唔得
所以係冇辦法
唯一辦法係叫警方搞掂維園d貨車

巴士路線係固定0既 再點塞都要跟住行
全架車唔係得你一個客 師傅亦唔係只係serve你一個客
你估車入面其他乘客同0係站頭等到發脾氣0既客又好受得去邊？

改道之後 要0係「被臨時取消車站」上落車0既客點算
你又有無考慮過呢樣0野

師傅發惡可能係心情唔好 (因為咁樣塞法 佢地都無人好受 心情自然好唔到邊度)
有時都要學識體諒 如果真係一個投訴就可以炒一個師傅
咁巴士公司0既「師傅流失率」一早已經高到俾傳媒拎0黎「日炒夜炒(炒作)」

興發街大塞車一年塞N次
唔滿意0既你下次可以開私家車或者搭的士
無人拎住把刀要你一定要搭巴士
你做0左選擇0既時候 你就要為你0既選擇負責

原帖由 S3BL100 於 2009-1-4 22:21 發表
P.S. 今天MJ8XX3的車長態度非常惡劣，大聲
8 H# x2 ^! }* q呼喝猶豫是否下車的乘客；如果我把心一橫，
) b$ u) q. @4 o. e& ?2 Chkitalk.net打27454466投訴，相信下次本人乘搭671之時，www.hkitalk.net, f( I. [1 h' s9 l5 P" |
這位車長將從671線消失。...

唔知閣下下次搭671係咪真係會揀返呢架車去搭, 不過就算搭返同一架車都未必撞得返個師傳, 可以會轉左更, 渣左第二架車, 放假, 甚至佢係後備唔係呢條線掛牌, 或者拉夫... 唔好諗到自己咁把炮先得架, 你識投訴你估個師傳識唔識拆? 你估真係咁易一隻手指可以篤死佢咩!

原帖由 JN6854 於 2009-1-4 23:22 發表
巴士路線係固定0既 再點塞都要跟住行
全架車唔係得你一個客 師傅亦唔係只係serve你一個客
你估車入面其他乘客同0係站頭等到發脾氣0既客又好受得去邊？

改道之後 要0係「被臨時取消車站」上落車0既客點算
你又有無考慮 ...

本人開文並非有意冒犯，請多多包涵。不過
對於這種情況而言，本人對於「巴士路線固
定」的規矩其實有所保留。我相信大部分乘
客都會prefer走快路skip部分車站，然後在遠
少少的地方下車。例如今天黃昏搭37A、75等
線往灣仔中部的乘客，可能都prefer巴士行香
隧快線告士打道落橋然後步行前往，多於在
香隧慢線和摩理臣山道慢慢塞。

而「被臨時取消車站」候車的乘客，正如本人
在#1所言，可能已知不妙，早就轉乘其他交通工具。
又或者，巴士公司同樣可以派出稽查，指示乘客
到較遠位置候車。

當然，以上純屬個人看法。

中巴年代最靈活變通, 遇上塞車, 司機一般都會運路走.

就好似以前307, 中巴車一旦遇上吐露港大塞車, 唔駛稽查指示都會自動改行大埔道.

原帖由 PB602 於 2009-1-4 23:42 發表
中巴年代最靈活變通, 遇上塞車, 司機一般都會運路走.

就好似以前307, 中巴車一旦遇上吐露港大塞車, 唔駛稽查指示都會自動改行大埔道.

唔知保險方面如何？如果保險全包o既話的確好好。

咁佢地應該醒目搭70.....
如果行快線
去摩利臣山嘅人就會去到好遠先落到車
我地應該要照顧埋車上左車嘅乘客