[齊來見證] 觀塘臨時總站的誕生

原帖由 limited 於 2009-1-10 21:49 發表


101 如果九龍冇總站的話, 一來往港島方向班次會更不穩定(雖則而家都唔係好好)
二來車長渣左咁長程冇得抖好似唔太人道

求其搵個位換車長，架車就繼續行，我覺得都沒有太大問題

原帖由 leeallen 於 2009-1-11 03:37 發表
咁驚既不如封左個迴旋處, 只准緊急車輛使用, 開番觀塘道右轉康寧道支燈, 所有觀塘道東行及協和街南行入工廠區都要去偉發道, 觀塘道西行去市中心請到康寧道或牛頭角地鐵站橋底U-turn, 協和街南行去觀塘道西行可根據目 ...

西行去市中心又要焗用牛頭角調頭，東行車流會增加
同時西行開放轉入康寧道，變左阻礙東行車流
即係將塞車問題搬左去觀塘道東行

原帖由 leeallen 於 2009-1-11 03:13 發表


中間有個島同條柱 wor 北行轉出來咪要封晒觀塘道, 而且等出既車會阻住轉入南行既車, 尤其係貨車

完全唔明點解北行出泥要封觀塘道
同埋開源道可以做到兩線出一線入，怕巴士入唔到的話
就爆左觀廣出面果d行人路花圃等等東西，擴闊條路

原帖由 Wright---AVW16 於 2009-1-11 11:35 發表

求其搵個位換車長，架車就繼續行，我覺得都沒有太大問題

咁樣一架車全日要幾多個車長先得?
2位車長齊齊做朝6晚1?

仲有咁長沿途又咁塞既線做循環班次極之唔穩定
一條短過101既98A已經係有版你睇

原帖由 502 於 2009-1-11 13:45 發表
咁樣一架車全日要幾多個車長先得?
2位車長齊齊做朝6晚1?

仲有咁長沿途又咁塞既線做循環班次極之唔穩定
一條短過101既98A已經係有版你睇

而家兩個總站都拖卡拖到傻啦

原帖由 ~誰@359~ 於 2009-1-11 14:08 發表

而家兩個總站都拖卡拖到傻啦

101 3拖仍係正常事

原帖由 ~誰@359~ 於 2009-1-11 13:12 發表

西行去市中心又要焗用牛頭角調頭，東行車流會增加
同時西行開放轉入康寧道，變左阻礙東行車流
即係將塞車問題搬左去觀塘道東行

因為車輛數目不減, 唯一辦法係分流, 減低問題, 要完全唔塞車唯有全個觀塘拆晒從新規劃, 唔止市中心, 連工廠區都係, 不過冇乜可能, 除非有戰爭打仗, 觀塘被嚴重摧毀, 可能性仲大d, 全觀塘從新規劃冇乜可能, 一係就政府封左觀塘道唔畀車行, 一定唔塞tim, 但都冇可能咁做

其實計下數就知, 西行開放轉入康寧道, 東行都係等果一部份既車, 但係迴旋處一塞, 東行去到雅麗道已經好平常, 要等既唔止係轉入協和街既車, 係東南西北行全部車, 你想係康寧道口等5-10分鐘定迴旋處等 30分鐘

車流係增加, 不過係順住去, 根本依家觀塘道一過迴旋處就完全唔塞, 如果果個位唔駛停d車都順去走晒啦, 西行開放轉入康寧道, d車用隧道過迴旋處, 唔駛隧道少車, 上路塞死, 只要隧道出口劃長短線, 只畀快線cut慢線, 就唔怕隧道出口到康寧道口左穿右插, 慢線唔該牛頭角地鐵站 u-turn

[ 本帖最後由 leeallen 於 2009-1-11 15:06 編輯 ]

原帖由 ~誰@359~ 於 2009-1-11 13:13 發表

完全唔明點解北行出泥要封觀塘道
同埋開源道可以做到兩線出一線入，怕巴士入唔到的話
就爆左觀廣出面果d行人路花圃等等東西，擴闊條路

個島係兩條線中間, 咁轉仲唔係封晒觀塘道, 仲有畀著你揸車, 一出迴旋處見到個車頭係對住自己既, 你唔驚?

花圃有冇柱就唔記得, 可能仲要就上面條橋, 同埋果度仲係溢財停車場出入口, 只有巴士南行, 有車要入場要北行, 車場出入都影響南行線, 有冇諗過

79號今年應該起好, 果邊都唔知有冇車場入口tim呀

[ 本帖最後由 leeallen 於 2009-1-11 15:56 編輯 ]

原帖由 leeallen 於 2009-1-11 14:37 發表


因為車輛數目不減, 唯一辦法係分流, 減低問題, 要完全唔塞車唯有全個觀塘拆晒從新規劃, 唔止市中心, 連工廠區都係, 不過冇乜可能, 除非有戰爭打仗, 觀塘被嚴重摧毀, 可能性仲大d, 全觀塘從新規劃冇乜可能, 一係就 ...

其實唔洗計數、唔洗搞咁多野都可以改善問題
你要留意返而家迴旋處同觀塘道既擠塞主要係基於幾個原因
1.西行車畀大量迴旋處內既車流阻住，入唔到迴旋處
2.進入觀工既貨車太多，霸左西行慢線
3.東行車慢線畀左巴士埋站，得返第二線行車
　而第二線前面有燈，搞到第二線都唔太放到車
4.康寧道馬會個燈位同觀塘道支燈唔協調

第二項真係除左拆左觀工就冇得搞
第四項就只係要改改燈位時間，令到東行放車時康寧道同時放車
令車輛唔會o係馬會外頂到出觀塘道就可行
但係第一同第三項，除左你講果個大陣仗方法之外
仲可以考慮下針對碼頭區貨車度落手
首先將開源道觀廣一段變成一線南行，做埋巴士專線
（再加句前往停車場者不在此限都得，屈晒機 ）
堆貨車就一定要由觀塘道起，落隧道，直去到法院先轉入偉發道
咁東行二線車流就會得返入翠屏既少量車輛，巴士埋完站又易走d，連慢線都通埋
同時間，因為阻截西行入迴旋處既車流減少，西行放車就會易左，自然冇咁塞
之後，開源道重新開放北行，一線好兩線好，畀貨車專用
就係令貨車唔需要下下都靠觀塘道西行離開觀塘，減少西行車流

再絕一d的話，茶果嶺道 / 觀塘道個燈位分開兩次放車
一次就放碼頭車，第二次放將軍澳道落泥既車
因為而家兩種車流周不時都o係西行打晒交咁cut線
分開兩次放車的話，咁佢地入到觀塘道自然可以各自修行，d車就可以快d走
唔洗頂埋法院

[ 本帖最後由 ~誰@359~ 於 2009-1-11 16:16 編輯 ]

原帖由 leeallen 於 2009-1-11 14:57 發表


個島係兩條線中間, 咁轉仲唔係封晒觀塘道, 仲有畀著你揸車, 一出迴旋處見到個車頭係對住自己既, 你唔驚?

花圃有冇柱就唔記得, 可能仲要就上面條橋, 同埋果度仲係溢財停車場出入口, 只有巴士南行, 有車要入場要北 ...

個安全島當然要修整下個shape，方便中線改行車方向為出迴旋處，點會畀出迴旋處既車同迴旋處入面既車迎頭而行呢？
另一條出迴旋處既行車線又當然係貼近消防局果條啦，而貼近觀塘廣場既就係入碼頭既巴士專線。
溢財停車場問題不大，一小時最多咪三幾架車要入停車場，畀佢地由中線即係迴旋處方向右轉入去都冇問題，
不過由停車場出黎就一定要左轉碼頭方向囉，咁條巴士專線定為迴旋處入口至停車場出口咁短就得啦。