輕鐵「屯門泳池站」為何不叫「九巴車廠站」？

原帖由 ChickenTong 於 2009-1-10 23:24 發表
銀圍站早過左右兩個屋苑,果時得佢隔離果個銀圍休憩花園..
講真,叫卓爾居又怪,得個後門,叫澤豐又冇可能,本身已經有個站..
同埋改名既迫切性,同埋改名後能 ...

"銀圍"呢個名, 相信係屯門未開發之前既一個地名, 我見d舊相, 以前起緊大興果陣, 宜家澤豐果度係河邊+魚塘, 好可能當時叫果度做銀圍(d魚塘好興叫x圍, 如天水圍, 南生圍), 所以輕鐵站用番呢個名.  開初澤豐站叫"河景", 相信都係用舊地名. 由陳年地圖所見, 建生果頭本來係魚塘叫"新圍仔",  開發後"新圍"卻被推左埋山腳...

原帖由 wilsonli321 於 2009-1-10 22:19 發表



輕鐵一向都鐘意用路名多過建築物命名,
最佳例子係: 寧願用「天秀」都唔用「慧景軒」,太多天乜天物,搞到好多人亂晒

但我覺得係輕鐵"天秀站"既站名用"天秀"/"慧景軒"
都冇乜問題.

但我反而覺得輕鐵"天慈站"應該改站名為輕鐵"天耀東站",
之後將現有輕鐵"天耀站"改站名為輕鐵"天耀西站",始終輕鐵"天慈站"
既車站位置都係天耀村東面,除非條輕鐵軌/輕鐵車站搬去天慈果面
先至用番"天慈"呢個站名.

屯門泳池站同屯門泳池既距離當然有值得商確既地方，
但如果單純比較本樓提出既兩個名：屯門泳池vs九巴車
廠，前者係一個相對永久既設施/地名，而後者只係以數
以年計既短期批地形式運作既設施，以鐵路站命名而言
當然前者較為理想，就算該站唔適合再叫「屯門泳池」
都只會改其他名而冇可能叫「九巴車廠」，呢方面同係
唔係幫其他交通公司宣傳無關。