今早有人為拍攝直通車而遭職員警告

今天早上(2009年1月10日) 約 11:10
東鐵線上水站往市區方向,第七節車廂的位置,
十分接近職員值崗的位置,一名外貌似是中學生
的人士手持攝錄機,故意站出黃線外,等待一列
往九龍的直通車,先向直通車的車頭揮手再拍攝.

首先一名港鐵職員上前勸止,但直通車正在通過月台,十分危險,
未有太過接近該拍攝人士,待列車完全離開月台後再有另一職員
上前「知唔知道好危險,可以檢控你架?」較早到達的職員亦表示
月台上不得映相,然而他仍辯稱「我唔係映相,係拍片」

其他候車乘客亦有所議論,表示該人可能神智有問題,
然後包括我已登上東鐵列車離去. 姑且勿論是否違法,
希望各位交通迷拍攝時,安全第一,莫害己累人.

[ 本帖最後由 kitarolo 於 2009-1-10 13:07 編輯 ]

原帖由 ChickenTong 於 2009-1-10 13:17 發表
所以交通迷年輕化兼行為咁樣樣,
間接令好多資深既人離去,
好多人都冇眼睇..

未必關年輕化事ge(雖然年輕化係事實)
包括我在內ge好多"骨灰級車迷"最初都係由中學生開始(我仲係初中添)
但係個個都好守規矩
我當初由巴迷變為鐵路迷某程度都係因為睇見巴迷圈子開始變質
而果時ge鐵路迷仲算係一片淨土
點知而家都係一樣樣

自從馬鐵通車果日開始
響新聞片度見到D細路好似D 8掛記者追明星咁"衝鋒陷陣"法
我就極少再去影火車
更加唔會響D唔熟ge人面前提自己對交通有興趣

[ 本帖最後由 kychung 於 2009-1-10 14:27 編輯 ]

其實職員係有權即時票控佢
佢唔好諗住話「拍片」就可以捉職員字蝨

因為0係法例/附例條文上係「拍攝」
亦即係包括「拍照」同「攝錄」兩個行為
職員不過係口頭同佢講「拍照」但正式係以「拍攝」為準

仲有 如果因為佢企出黃線而出0左咩事
佢已經失去向港鐵索償0既權利 更可能因此要上庭

都唔知會唔會係某板友添呀......

身為鐵路愛好者（我唔太鍾意用個迷字），理應比普通乘客更懂得守規矩的重要性（規矩無非都係為大家安全），
可惜呢啲人自己不自愛不特止，之後重會在討論區話自己畀職員惡言相向，惡人先告狀。
同直通車揮手？日本咩......
好喇，家陣有人做證，我諗呢位人兄就算想貼相都唔敢貼。

我無話一定係板友，只係估嗟。

我由2000年左右轉軚喜歡鐵路，多多少少都因為某些巴士迷質素江河日下，
甚至有人偷巴士公司財物，鐵路界當年尚算小眾及嚴謹。
可惜後來寬頻興起，資訊太容易取得，年輕一代又缺少德育（簡稱係兩個字），
馬鐵通車時的媒體追訪亦間接令到入世未深的小朋友以為咁樣做冇問題，甚至好威。
在外國，鐵路迷可能會協助鐵路公司「巡路」，甚至督促鐵路公司運作，頭髮斑白都以train buff自居；
但在香港，其實唔止交通，好多「喜好」都係一窩蜂，由小食到明星，有幾多個「粉絲」係真正知道自己鍾意乜嘢？

如果我問呢位人兄，請用200字解釋你為什麼喜歡鐵路，可以包括個人經歷或技術層面，唔知佢講唔講得出。

其實港鐵站大堂及月台可否拍攝？我見網上有好多港鐵站及港鐵列車的影片。港鐵站(輕鐵站唔計)始終不如巴士站咁開放，在此拍攝是否存在灰色地帶？

各位鐵路迷巴士迷，拍攝時請注意安全，我見有人經常在馬路中心拍攝巴士，就算唔係違法，咁樣做都係非常危險。

[ 本帖最後由 ricky 於 2009-1-10 16:07 編輯 ]

原帖由 ricky 於 2009-1-10 16:06 發表
其實港鐵站大堂及月台可否拍攝？我見網上有好多港鐵站及港鐵列車的影片。港鐵站(輕鐵站唔計)始終不如巴士站咁開放，在此拍攝是否存在灰色地帶？

各位鐵路迷巴士迷，拍攝時請注意安全，我見有人經常在馬路中心拍攝巴士，就算唔係 ...

根據附例, 3個字: 唔可以

如果係遊客拍照, 職員通常都唔會干涉,
但如果係影車, 職員通常都會干涉, 以免影響行車安全.

原帖由 DIH 於 2009-1-10 15:19 發表
都唔知會唔會係某板友添呀......

可能係都未定

咁大聲講: "唔係影相, 係拍片"

恐怕都係此壇人士囉......

原帖由 AVW56 於 2009-1-10 16:10 發表


根據附例, 3個字: 唔可以

如果係遊客拍照, 職員通常都唔會干涉,
但如果係影車, 職員通常都會干涉, 以免影響行車安全.

即係話，而家的執法程度已經比實際寬鬆。
如果係咁，即係除左從外面拍攝車站的出口或架空穚的列車外，其他拍攝都係違規。

原帖由 AVW56 於 2009-1-10 16:10 發表


根據附例, 3個字: 唔可以

如果係遊客拍照, 職員通常都唔會干涉,
但如果係影車, 職員通常都會干涉, 以免影響行車安全.

如果佢企o係安全既地方，即係黃線內，職員通常都唔會干涉佢既~
佢企到咁近月台邊，出聲警告佢好正常