東涌線的加班空間

該線通車已有10年了
客量亦有身所增加
但是班次只是作微調

如果將東涌線香港-青衣段永久加至4-6分鐘
大嶼山段因應需求而加密

又可行嗎??

東涌線會唔會係因為要就AEL，所以焗住玩4 / 8咋？

南環線通車後會否令東涌線增加班次?

即使只係做青衣＜＞香港，在過海隧道都係兩綫共用的，始終會受制於機場快綫。
但在這個基礎上可唔可以再加密我就唔知喇。

我覺得加班最大問題係一個大家冇留意的地方.

星期一至五早上繁忙時間往香港, 如果企列車前半就留意到. 列車正入站的時候, 上一班車的乘車仲未上晒扶手電梯. 可想而知, 如果班次加密半分鐘, 話唔定已經碰到前班尾. 人流疏導, 應該會係個難題.

原帖由 h2o 於 2009-1-11 22:41 發表
我覺得加班最大問題係一個大家冇留意的地方.

星期一至五早上繁忙時間往香港, 如果企列車前半就留意到. 列車正入站的時候, 上一班車的乘車仲未上晒扶手電梯. 可想而知, 如果班次加密半分鐘, 話唔定已經碰到前班尾.  ...

旺角站
不是經常出現上一班車人潮未散
下一班車已經到達的現象嗎？

原帖由 ahbong 於 2009-1-11 23:13 發表


旺角站
不是經常出現上一班車人潮未散
下一班車已經到達的現象嗎？

旺角站點可以同東涌線各站相比?
咩首尾相接....其實又係設計問題

原帖由 ahbong 於 2009-1-11 23:13 發表


旺角站
不是經常出現上一班車人潮未散
下一班車已經到達的現象嗎？

我極少繁忙時間經旺角站唔知情況. 依你所見, 係持續疏導唔晒但唔會好嚴重, 定到站班次會有密有疏所以稍後都會清晒?

我講香港站有幾乎清唔晒的情況都算密, 我只係諗如果再加班, 每一班之間時段都係唔夠清晒一車人的話, 人會越積越多. 如果清唔晒的人數大致相若, 即係少數班次出問題, 一車人其實大致係剛好一班車之間清得晒. 事情就唔同睇法.

原帖由 h2o 於 2009-1-11 23:57 發表


我極少繁忙時間經旺角站唔知情況. 依你所見, 係持續疏導唔晒但唔會好嚴重, 定到站班次會有密有疏所以稍後都會清晒?

我講香港站有幾乎清唔晒的情況都算密, 我只係諗如果再加班, 每一班之間時段都係唔夠清晒一車人 ...

呢個唔成問題, 你都識話此情況只在平日上班繁忙時間出現

原帖由 chocolate1989 於 2009-1-11 20:12 發表
南環線通車後會否令東涌線增加班次?

應該唔會啦, 南環線通車後,
東涌線分分鐘仲少左一批西鐵轉乘客tim,
因為西鐵客可以直接去到尖東轉荃灣線,
去金鐘同中環商業區(尤其德輔道中)都比以前方便,
唔駛坐東涌線係香港站落車再行一大輪去返中環站再行出地面,
非繁時更加唔駛再忍受東涌線8-10分鐘的班次,
可以坐班次頻密好多的荃灣線(非繁時4-5分鐘一班)去尖沙咀站行過尖東站轉西鐵,
保證有位坐(即使坐倒頭車都只會晒多少少時間),
西鐵南昌站失去總站一定有位坐的優勢, 人流應該會明顯受影響~
(本人所見現時下午繁時有不少西鐵乘客係南昌站見班車無位坐就等下一班車)

如果我係大西北居民又係西鐵常客,
我諗我會改為由尖東站行過尖沙咀站轉地鐵過海,
(如果想去金鐘或中環德輔道中/皇后大道中一帶)
如果有位坐, 就係西鐵入面訓一覺, 坐耐少少去到尖東站先落車,
之後迫一陣就到金鐘/中環
即使尖沙咀站早上繁時係迫, 不過要迫上車又唔係咁難,
因為而家我每朝08:25-08:35呢段時間係尖沙咀站轉地鐵去中環,
大部分情況都係等多一班車就迫到入地鐵

[ 本帖最後由 ES464470X 於 2009-1-12 14:17 編輯 ]