教育可以振興經濟？

理工大學中國商業中心主任陳文鴻在今日亞視節目《你有理講》，提出香港應開放中學予珠三角的學生來港留學，認為可以帶動教育行業發展，減輕中學殺校壓力，另外，內地學生留學會帶動房屋租務、飲食和零售的即時需求，比起十大基建更加有效。

各位有什麼意見呢？

原帖由 053h4 於 2009-1-12 20:30 發表
教育產業化, 係無奈的事實
雖然世界各地都係吸引海外留學生, 以增學費同銷費, 帶動經濟

但係, 個人認為, 香港先搞好自己的教育, 唔好3年一小改, 十年一大改
巳經係對香港社會最大的幫助 ...

香港o既大學成功吸引大量內地學生,
不過收一個學生, 政府就貼一個錢

香港中學課程同大陸中學課程的分別仲係好大
叫得佢地嚟香港讀中學，就要考港式高考
考得好就升其他大學，考得唔好，就唔通趕番佢地返大陸謀生？
到時佢地留低，盞增加本地就業壓力

原帖由 053h4 於 2009-1-13 01:49 發表


遲d香港都係行 3+3 學制, 升大學呢方面"可能"日後有接駁安排都唔出奇
而如內地人"留學"香港, 相信都係以內地工作為主

如果內地人留學香港讀中學, 後來高考分數低, 未能進一步升學, 可能投入就業市場
佢地都係揀邊度人工高就去邊度做
分分鐘香港有份4千蚊在奴工處刊登的文員職位, 佢地都肯做 (因為在大陸做文員都係得千零蚊)

唔通限制 "凡來港讀中學的異地留學生, 畢業後不可在港就業" ?
呢個限制更加難以行得通, 因為依家在香港讀國際學校的鬼佬, 都可以留港就業喎,
點解鬼佬得但大陸人唔得?

原帖由 053h4 於 2009-1-13 12:16 發表


去外國留學, 都限制當地就業，香港為可不可施加限制?
即使現在內地學生在港讀大學後，在港就業也需要申請

內地人可自費到香港留讀中學, 但限制其就業申請
嚟香港讀中學為咩呢?
反正他們現在在大陸讀中學仲平, 又唔需要離開家園

原帖由 053h4 於 2009-1-13 12:46 發表


一向有唔少香港人, 到英國澳洲等地讀中學
去那兒讀書又為了什麼?

香港都係免費教育, 但為何又有人去海外讀書?
負擔得起的家長往往係有別的想法 ...

赴洋留學, 係因為
1. 崇洋心理; 或
2. 求與國際接軌;
3. 認為香港教育制度(中學階段)失敗
4. 家庭原因

好嘞, 講番呢個 "中港case", 大陸人自費到香港讀中學又係為咩呢?
1. 崇洋心理? 又無好能喎, 最多係 "崇港心理", 又有幾多個人會在求學階段 "崇港" 呢?
2. 求與國際接軌? 不如去英美澳紐仲好啦
3.
4. 家庭原因? 呢個較為有可能, 不過細心諗下, 做家長都會先考慮以上三個因素, 才會再去諗第四個因素.

其他我就諗唔到了...除非係為咗 "留港就業"