大家滿唔滿意行政長官曾蔭權宣佈政制諮詢押後至年底

詳情可按以下網址瀏覽：
http://hk.news.yahoo.com/article/090115/4/a8bt.html

歡迎各位版友討論

本人絶對同意曾蔭權的說法，現時真係一個不適合的時間進行2012年政制改革的諮詢工作，因為現在急於要處理係經濟難關，農曆新年後到唔知怎樣的情況，分分鐘企業裁員潮及失業率會在農曆新年後陸續浮現，相信財政司司長曾俊華都為佢2月要發表的財政預算案頭痛緊，希望政府與香港市民現時能夠聚精匯神處理當前的金融海嘯所帶來的經濟難關危機。

我都相信而家唔係一個適合既時候搞政制諮詢
但希望堆__官唔好係經濟慢慢再起飛個陣騙我地班香港人就好啦

原帖由 EU5472 於 2009-1-15 20:29 發表
我都相信而家唔係一個適合既時候搞政制諮詢
但希望堆__官唔好係經濟慢慢再起飛個陣騙我地班香港人就好啦

十年前都係咁
十年後都應該差唔多

2012年中發生的事，2009年底先傾？

中間得兩年半時間，叫人地點準備？

其實今日曾蔭權宣佈將政制改革的諮詢工作押後至年度，係唔想在現時經濟環境及金融海嘯不利的情況下再出現施政失誤影響政府民望，如果政府真係現在將政制改革的諮詢工作攞出來討論隨時激發起再有一次的大規模的七一遊行。

個人較認同自由黨反駁曾蔭權的論點 (到時經濟未必好)，
而且個人對曾蔭權誠信不抱期望 (其實何俊仁那番話對本人而言是常識)

曾特首舊年10月話今年4月做諮詢,但別忘記當時經濟已經開始
爆煲,今日先話要將諮詢推遲至年尾,請問特首呢幾個月來究竟
忙緊乜?

政府有三司十二局加埋副局長政治助理,人工月月出,除左落街
買幾條毛巾食雲吞麵外任何實際野都未見過,而且而家因為要
搞經濟於是推遲,下次到年尾會唔會又話氣氛唔夠於是唔討論,
留待出年先算,搞下搞下結果都係用番現有選特首方式,根本都
無進步過

如果政府同特首真係咁著緊經濟,點解而家又唔見有任何動作
去真正幫各行各業?除了中小業信貸,同金管局入市外,唔通要
等到二月財政預算案先肯出手?經濟已經進入衰退期,政府要帶
頭幫市民走出困局,而唔係不斷打擊市民信心,連幾時可以真正
選特首,點選法都無辦法知,所謂目標不能見,何來有信心

經濟好時又拖，經濟唔好時又拖
總之就係「五十年不變」啦