名的爭拗

原帖由 S3N92 於 2009-1-26 18:09 發表
巴士司機唔係巴士迷...佢地唔知唔出奇..亦唔代表唔可以接受...人地點叫方便只係人地工作
你所講ga巴士迷...我相信無七成都有八成知道咩叫雞車掛...搬弄是非就係呢種
你話人清高...你低俗o者....邊個叫你set得條界咁 ...

唔代表唔可以接受，你講得岩丫我同意
但亦要知道每個人都有不同標準，總係有差別係無問題架喎？
錯左既話，提點一下有適當既名詞指正，我好支持添

但係咪要執著到，鬧足幾板幾廿個回文，人地認左錯仲要繼續炳落去？
先例的確係唔少

術語黎咋嘛，叫錯真係好似俾人殺左全家咁大件事咩？
對呢款車情有獨鐘執著個叫法兩個字係人之常情
但窮追猛打者係叫固執

原帖由 5074 於 2009-1-26 19:18 發表

唔代表唔可以接受，你講得岩丫我同意
但亦要知道每個人都有不同標準，總係有差別係無問題架喎？
錯左既話，提點一下有適當既名詞指正，我好支持添

但係咪要執著到，鬧足幾板幾廿個回文，人地認左錯仲要繼續炳落去？
先例的確係唔少 ...

咁問題又去左第二度
至少你同意左呢個術語係有問題
只係有時態度唔好

原帖由 chan6723 於 2009-1-26 16:47 發表
想問下那些認為「雞只可以用來稱呼勝利二型」的人，當初
( m0 a0 w3 j1 m「雞」呢個字咪又係巴士迷 / 巴士公司職員為佢地改既「花名」，
* P$ C4 Q' t, n( v' J7 V  Ihkitalk.net而且仲要帶有貶義 (指勝利二型好「雞」，即係好「屎」)。

我未聽過呢個講法喎, 普遍講法係因為雞車係由Guy車廠出品, 而Guy同粵音"雞"相似, 所以就叫做"雞車".

順帶一提, "雞車"係源自九巴既花名, 中巴司機好少會叫呢種車做"雞車", 只會叫"LV"或"V車". 中巴司機叫Guy做"紅蕃頭", 而普遍中巴司機都認為LV係Leyland出產, 同Guy無關.

請問而家係唔係22部AS都屬L廠?

原帖由 kwanix 於 2009-1-26 23:27 發表

請問而家係唔係22部AS都屬L廠?

冇錯.

真係瞌眼訓，講左咁多年，都係話  Scania 之所以叫雞那，係因為運輸業人士為世冠中重型貨車所起，
有"雞那"呢個名都未有雞車，分分鐘雞那出現既時間，係同勝利二型差唔多。而家呢班新既巴士迷朋友，
係鐘意標奇立異將約定俗成既野改變，都可以既，不過只限於行內人。對只係認識Scania 貨車既人，
將  Scania 叫雞？真係唔怕面紅既咪去囉。

原帖由 PB602 於 2009-1-26 19:51 發表


我未聽過呢個講法喎, 普遍講法係因為雞車係由Guy車廠出品, 而Guy同粵音"雞"相似, 所以就叫做"雞車".

順帶一提, "雞車"係源自九巴既花名, 中巴司機好少會叫呢種車做"雞車", 只會叫"LV"或"V車". 中巴司機叫Guy做" ...

叫勝利二型做雞=部車雞，真係誰說太陽之下無新事，牛年第一up 得出就up 之作。

勝利二型係70年代末面世，我又睇唔出以當時既水平，雞車雞得去邊。雞車雞？做人唔好咁忘本，厚道d好。

唔好同我講無廣告的AS叫白切雞
我腦入面只會聯想起訓練雞車…

好心啦小巴迷…
入得行就學好術語
唔係你鐘意咁叫就咁叫…

你未見過雞車我唔怪你
但係如果你知雞車同雞[也母]有分別就唔該講正佢…
就算你話打唔到個[也母]字，我比你用個「那」字又點話？
無啦啦要人接受一個本來就可以避免ge混淆，真係無謂...

例如個巧字，
響心入面應該係「好」字，咁唔通我就可以用呢個理由來亂寫？

個名已經廣泛使用，做乜係都要人接受會令人混淆的事？
小巴迷真令人廢解。

老老實實，巴迷用語唔一定要跟巴士司機
但如果你叫得做巴迷，唔該就用翻行內聽得明白的說話
唔好無事生事吧…

原帖由 arhang2001 於 2009-1-27 00:24 發表


叫勝利二型做雞=部車雞，真係誰說太陽之下無新事，牛年第一up 得出就up 之作。

勝利二型係70年代末面世，我又睇唔出以當時既水平，雞車雞得去邊。雞車雞？做人唔好咁忘本，厚道d好。 ...

咪就係咯~連雞車名稱既由來都未搞清楚就大大聲聲話人執著，食古不化
唔知雞可唔可以用黎形容人呢？如果可以睇黎都有機岩用