2009-10 港島南區RDP(會議結果見#348)

區內線用小巴都冇咩問題既

始終大巴做大茶飯
多客少少既對外線搵佢做好 d

-
南區一度一總站
兜既話又死又耐 , 唔兜又唔夠客
加上重疊問題

當然比小巴玩哂啦....

銅鑼灣有40小巴咪足夠啦....駛咩63入銅鑼灣.....

原帖由 北角---九龍城 於 2009-1-24 04:23 發表
銅鑼灣有40小巴咪足夠啦....駛咩63入銅鑼灣.....

40 不到跑馬地。

原帖由 053h4 於 2009-1-24 03:31 發表


小巴又無轉乘, 老人優惠又有限制
學生客佢又做唔晒

呢D蝕本生意, 咪又係要巴士執手尾
真係, 肥肉小巴食晒, 社會責任就巴士去蝕

巴士一面唔比同鐵路搶生意, 一面又比小巴食市場
運吉又係咁叫人cut車減班, 呢D生意 ...

其實南區區內線本身資源係過剩
如果唔係香隧塞車...根本無需要起地鐵lo
非繁忙往來港島南北既客真係唔多
明明可以資源整合,全部南區轉乘...又唔搞
搞到一村一條特快線(46X,43X,4X )
但各自客量又唔係得
搞到有d要提早尾班,非繁30mins一班....咁點解唔一條線過算呢
可能巴士公司想縮數縮上癮吧
20分鐘減到30分鐘...又可以cut一部車
我寧願遊多陣街都唔等30分鐘...提早尾班啦
個時去鴨島返工..一日車錢都成十幾蚊
懶得去坐95C...63又驚上唔到車
夜晚係海怡返華貴就仲慘..
有轉乘既...一日慳唔少錢

原帖由 kay 於 2009-1-23 17:06 發表

問題係繁忙時間水街應該上唔到970
唔通過馬路坐追905
又或者坐慢到嘔既104?

0個陣係904、905、970 同 971 四
線齊爆，西環人唔使旨意上到車。

而家有 971 都已經搞成咁，真係好
難想像971被 cut 走0個陣，石塘咀
0個邊會變成點......

原帖由 kay 於 2009-1-23 19:47 發表

可能返唔到車
又或者PFL有意外吧
有時見到寶翠園..970比人打爆
心想...西營盤d客點

西環？唔好奢望會到上到西隧線喇......

想快就搭 5X 轉地鐵，要有位坐就等 104 打救啦......

原帖由 nwfb1601 於 2009-1-24 10:23 發表

0個陣係904、905、970 同 971 四
線齊爆，西環人唔使旨意上到車。

而家有 971 都已經搞成咁，真係好
難想像971被 cut 走0個陣，石塘咀
0個邊會變成點......  ...

其實早幾年無971個陣...情況又係點?
南區班客做唔到...有人提議搬去堅地做總站唔係無道理
不過970系又經營不善.....南區都可能上唔到
堅地個堆904 905又係咁
如果唔係無地鐵既...肯定早就大把人改行搭左地鐵啦
本來西隧可以好快過到九龍...點知都可以搞到一團糟
唔通要所有客將來改行搭地鐵先開心

原帖由 053h4 於 2009-1-24 03:31 發表


小巴又無轉乘, 老人優惠又有限制
學生客佢又做唔晒

呢D蝕本生意, 咪又係要巴士執手尾
真係, 肥肉小巴食晒, 社會責任就巴士去蝕

巴士一面唔比同鐵路搶生意, 一面又比小巴食市場
運吉又係咁叫人cut車減班, 呢D生意 ...

是兩間巴士服務積弱多年,造就機會給AMS上位。
新巴城巴送咁大個區內市場出黎,無理由唔接咁違背人地公司政策
如果佢唔係94A/98經常排長龍排到上唔到車,新城又無設法改善,又點會整到條39C出黎?
鬼叫新城係赤柱線班到愛理不理,唔識得去把握馬坑村落成的機遇,再加上63/65長期疏車,先會搞到係依幾年內一條原本開15分鐘一班的小巴線變身成為繁忙時間每3分鐘一班的40號。
以前72/38的打遊擊班次係可以成功挫到小巴的銳氣,到左依家兩巴一家親之後就成為左一條越做越差的路線,又係送客給小巴.同樣例子仲有37A同43X
係有quota的情況下而有心做好服務的話,大可用番以前590A/90個套聯合班次,係開車時間入手,令到在途經地方上車的乘客都可以等一個合理的時間來去到目的地。
但依家只是每條線去減班來迎合新路線的拓展.
只怪有人只想開創新天地,對委縮中或無肉食的市場採取消極的放棄態度。
所謂的76X,爭取左幾年先話開,被人食左左幾年水先識開.
開D轉乘又垃圾,轉乘路線選擇又少,一年都唔知會有幾多人用.
話小巴公司食晒人的肥肉,倒不如話新城送肥肉給人食.
看來港島南真係要換專營巴士路線經營商才能改為逆勢.
又或者到左南鐵落成後,會有類似西鐵接駁巴士的物體出現來代替依兩間對南區居民欠缺誠意的服務供應商...
依家的服務水平,講得難聽D,係衰過中巴個時的水平好多

[ 本帖最後由 頭文字TRIDENT 於 2009-1-24 11:09 編輯 ]

原帖由 頭文字TRIDENT 於 2009-1-24 11:01 發表

看來港島南真係要換專營巴士路線經營商才能改為逆勢.
又或者到左南鐵落成後,會有類似西鐵接駁巴士的物體出現來代替依兩間對南區居民欠缺誠意的服務供應商...

唔好傻啦....
幕後玩家係邊個大家都知......
開左 SIL... 運吉咪叫 cut 車 cut 線~
可悲~

而家連 90B / 91 也聯合班次,
各線每 20 mins 一班 (只限鴨脷洲橋道),
海怡出西營盤就多得佢唔少~

前兩日在灣仔道等 M590 (2010), 出現了 3 班 90 law... = ="
何來聯合班次?

[ 本帖最後由 ronaldlau 於 2009-1-24 11:17 編輯 ]