2009-10 港島南區RDP(會議結果見#348)

原帖由 3AD60 於 2009-3-8 03:46 發表

其實我覺得城巴77係香港仔隧道去筲箕灣
既行車路線應該跟城巴99咁行會比較好

我相信東區區議會會反對77跟99的行車路線往筲箕灣,因為這樣會令到前往太古城一帶的乘客被迫乘坐2A。

P.S.不少乘客也不想乘坐港鐵,因為乘坐港鐵要上上落落。

原帖由 LN9267 於 2009-3-8 15:33 發表
我相信東區區議會會反對77跟99的行車路線往筲箕灣,因為這樣會令到前往太古城一帶的乘客被迫乘坐2A。

P.S.不少乘客也不想乘坐港鐵,因為乘坐港鐵要上上落落。 ...

唔係被迫坐2A 而係少0左77呢一個替代選擇
搭港鐵快係快 但係太古站個大堂同地面距離太遠
一上一落同搭巴士唔會相差太多時間

原帖由 JN6854 於 2009-3-8 15:15 發表
曾經諗過0既方案都係拆開兩條 快線跟99 慢線只到銅鑼灣/天后

我寧願佢呢班車夾埋其他部份班次做「42銅鑼灣特車」

政黨對南區巴士路線不斷提出改動, 但大家見到, 好多南區巴士重組計劃, 根本就係越改越亂.

其實只要新巴繁忙時間派稽查去銅鑼灣視察情況, 並通知北角碼頭站長靈活派車, 咁就唔會出現3班38之後先有一班42, 又或3班42之後先有一班38既情況.

咁樣唔會完全解決問題, 但情況一定會比而家好, 而且稽查集晒數據, 然後可以再決定係咪再需要下一步, 而下一步又應該點做, 最重要係免除改線所出現既風險. 42派車根本唔多, 仲去拆線只會整死條線. 既然北角天后客只佔三四成, 咁拆開一條北角線, 會唔會步被陰乾後塵, 又或只剩下三四成班次?

南區唔少巴士路線改動最後都招致民怨, 拜託政黨人仕手下留情.

原帖由 PB602 於 2009-3-8 18:10 發表
其實只要新巴繁忙時間派稽查去銅鑼灣視察情況, 並通知北角碼頭站長靈活派車, 咁就唔會出現3班38之後先有一班42, 又或3班42之後先有一班38既情況.; Y) q: _8 H* o" m
7 R3 S- @! f& _* h
咁樣唔會完全解決問題, 但情況一定會比而家好

PB兄 雖然可以叫北角放車 但係如果係因為中途0既交通情況影響
令到銅鑼灣班次仍然係咁唔穩定 (可能只係改善到2班對1班)
咁樣0係銅鑼灣0既「居民」又收唔收貨呢? 呢個真係要諗諗

原帖由 JN6854 於 2009-3-8 23:25 發表
PB兄 雖然可以叫北角放車 但係如果係因為中途0既交通情況影響
令到銅鑼灣班次仍然係咁唔穩定 (可能只係改善到2班對1班)
咁樣0係銅鑼灣0既「居民」又收唔收貨呢? 呢個真係要諗諗 ...

搵個人放車, 點都比而家好掛? 如果派稽果放車係無用, 三間巴士公司仲點會養住班稽查?

而且乘客心理, 唔怕等得耐, 最怕隔離線不斷有車而自己條線無車, 特別係38同42用同一個站頭. 如果38同42都無車, 佢地會等. 但如果只係其中一條線有車, 就多數會起哄. 你去站頭睇下, 如果3班38之後都無一班42, 等車既人之中一定會有人話"巴士公司梗係照顧住置富班有錢人, 住華富村既窮人邊個會理"呢類說話, 一諗到咁, 唔慶就假.

而且你話中途塞車影響班次, 但38就不斷有車, 點同乘客解釋?

Well... 如果有政黨真係覺得拆線先至Work, 而巴士公司又唔肯加車的話, 我只可以祝佢好運. 華富村去銅鑼灣, 行一轉唔塞車都要一個鐘, 10分鐘一班唔俾司機休息都要派車6架, 咁仲可以淨幾多架車去北角? 2架? 3架?

[ 本帖最後由 PB602 於 2009-3-9 00:09 編輯 ]