[已証實消息] 九巴73, 74A, 271的隱藏班次即日起停止服務

每條線開幾多班都係要政府批,既然政府可以
容許特別班次出現,亦即是話亦可以取消

呢d特別班次只為免70取消後有乘客因為會
miss左班車而特別設立,試辦咁耐得出結果係
一來搭既人唔多(因為真正受影響既早已轉搭
其他交通工具),二來開呢幾班車要特別叫車長
早開/遲收工,但成效不大,所以同意後取消

有人問:點解唔出通告通知乘客開特車?講真
呢類特車只係測試反應,如果真係有需求,咪
正式變固定班次,否則早點取消好過

總之呢d特班九巴只係做左夾心人

原帖由 orange 於 2009-1-27 21:40 發表
每條線開幾多班都係要政府批,既然政府可以
容許特別班次出現,亦即是話亦可以取消

呢d特別班次只為免70取消後有乘客因為會
miss左班車而特別設立,試辦咁耐得出結果係
一來搭既人唔多(因為真正受影響既早已轉搭
其他 ...

講完你都係唔明白，如果九巴大字標題寫明各線加開班次乃試辦一個月，至2009年1月7日為止，
如果客量不夠某個指標便要取消(甚至唔講都得，總之試行一個月，之後有無先再算)，那麼板上
相信無人異議；而家最大問題就係你既然要試，點解唔講明？

橙兄你指「呢類特車只係測試反應，如果真係有需求，咪正式變固定班次，否則早點取消好過」，
你做生意新張試業都要賣下廣告啦，而家無聲無影，一係擺明敷衍了事，製造低載客量數字
以便「光明正大」取消，一係要做「行政手續，計算字軌、工時、補水，所以通告暫緩」(橙兄你之
前好似咁講喎)，作為一個普通乘客，我真係諗唔到點解巴士公司加開班次要咁低調，我只會諗
你唔想俾我知。

即使真係有需求，乘客得到的訊息就是「70取消了，73大埔尾車是0030，74A太和尾車是2305，所以過了
有關時間，便要另想方法」，一早改搭其他交通工具；2008年12月7日起，有個客在中大0030要去乙明，
巴士站見到無70，跟手72、72A、74A全部尾車都過晒，最多只能搭73A，要搭都上了73A，點會知道
原來74A仲有0030一班？點會有天眼通知道會有加開班次？既然佢都唔知，即係唔會搭到，又點樣製造到
需求？橙兄根本就係掩耳盜鈴，歪曲事理，看來你好有潛質擔任那些公關，負責官腔解話，至緊要係可以
做到面不改容，仲話九巴做夾心人。

一句講晒，九巴既然打算在一段時間內延長某些路線的尾車時間，應該光明正大列出，這就是我的理據，也是
乘客合理的知情權，如果咁都反對，那我也無話可說了。

原帖由 fokck 於 2009-1-27 21:32 發表
  
同意你既講法，其實成篇文大部份人都係針對九巴靜雞雞
開隱藏加班車又再唔聲唔色取息返既行為，就算有人話
覺得要開返 70 尾班車其實都只係想批評九巴處理 70 取消
整件事既配套處理過於馬虎。
之前講話開呢幾班 ...

相當同意你的講法，舉例如果講明加開一個月，都係無人搭，咁就抵俾取消，
大家無野好講。

而家最大問題係九巴好似當整件事係不存在咁，好似成件事都無發生過；
有板友指甚麼70云云，而家無人要求70復活，只係既然各線尾車「延長」，
應讓乘客知道，例如大埔搭客可以因應73的班次而等返華明，74A可以
方便沙田客0045之後仍有車出觀塘，巴士公司應當光明正大列出，講明試辦
無妨，至少大家有知情權，這個亦正是不少板友提出質疑的理據。
(我自問唔係咁識體諒九巴喇～～)

[ 本帖最後由 kaiyip24 於 2009-1-28 01:26 編輯 ]

我覺得咁投訴冇意思囉...

真係好想問, 想投訴果位係咪真係覺得好有需求先?
同埋你有冇搭過, 知道實際客量係點先?

周埋你拎幅電子站長站務系統既相去冇意思架喎..
証明唔到咩?

周埋你想點投訴先?
又係話佢冇啦啦取消?
如果係, 九巴會問番你點知....
你答佢你係巴士迷?
定係答佢
只係知情...

我怕人地問番你果時, 資料不符..
人地對我地巴士迷更加唔妥, 搞垮埋個名..
就真係攞來搞...

要知香港好多地方鐘意大造文章...
俾人寫一寫, 真係可以唔同埋....

周埋咁樣玩一玩, 浪費幾多人力物力?

我真係想講,
如果你真係覺得有實際證據, 可以講成功既話, 你可以send去..
如果唔係, 冇實際證據去講數既, 抑或只係為啖氣, 或者唔妥九巴既, 就唔好send去啦..

我覺得咁投訴係一個好不智既行為....

* 嚴禁轉貼此文... thx

原帖由 JA5674 於 2009-1-28 01:23 發表
我覺得咁投訴冇意思囉...

真係好想問, 想投訴果位係咪真係覺得好有需求先?
同埋你有冇搭過, 知道實際客量係點先?

周埋你拎幅電子站長站務系統既相去冇意思架喎..
証明唔到咩?

周埋你想點投訴先?
又係話佢冇啦啦取 ...

就我本人而言，我無話要投訴，不過只係覺得九巴做野非常小家、鬼祟，
但有板友不認同，大家便藉此提出爭論，就係咁多。

我鬧完對結果應該毫無影響，不過作為一個普通乘客，只係憑我良知提出質疑，
並非甚麼巴士迷無風起浪也～～

原帖由 JA5674 於 2009-1-28 01:23 發表
真係好想問, 想投訴果位係咪真係覺得好有需求先?

過去十年, 70每日最尾三班車的客量, 已經話左俾你知有冇需求啦

原帖由 kiwai 於 2009-1-28 01:39 發表


過去十年, 70每日最尾三班車的客量, 已經話左俾你知有冇需求啦

70尾班車, 當時既乘客,
唔代表會係70取消之後, 繼續使用BBI搭..
有可能會轉搭其他交通工具 / 唔知道有呢個「特別服務」...

所以唔可以用呢個證據..
最好都係用番呢幾班車實際既客量....

原帖由 JA5674 於 2009-1-28 01:48 發表


70尾班車, 當時既乘客,
唔代表會係70取消之後, 繼續使用BBI搭..
有可能會轉搭其他交通工具 / 唔知道有呢個「特別服務」...

所以唔可以用呢個證據..
最好都係用番呢幾班車實際既客量.... ...

而家板友咪就係講緊九巴唔公佈"神秘尾車"
令乘客不知道該服務的存在

咁, 你用番呢幾班車實際既客量有代表性嗎?

原帖由 JA5674 於 2009-1-28 01:23 發表
我覺得咁投訴冇意思囉...

真係好想問, 想投訴果位係咪真係覺得好有需求先?
同埋你有冇搭過, 知道實際客量係點先?

周埋你拎幅電子站長站務系統既相去冇意思架喎..
証明唔到咩?

周埋你想點投訴先?
又係話佢冇啦啦取 ...

我相信不少板友講既, 唔係果幾班車既客量 / 需求多少既問題,
而係九巴既處理手法. 我試過打電話去九巴熱線, 問熱線員 73 號
大埔開出既尾班車時間, 是 0030 還是 0130 ? 熱線員查完一輪後,
都係話無 0130 呢個班次, 尾車係 0030.

本來, 加開路線資料無列明既特別班次唔係壞事, 但行左一個多月
後無聲無色咁取消左, 搭開呢 d 班次既乘客恐怕白等一場, 雖然
當中既乘客數量唔多, 但作為一間咁有規模既巴士公司, 作風似乜
野? 鍾意就開一班, 唔鍾意就取消左都唔出聲? 搭車要望天打卦,
而家乜野年代.

--------

我做輪班工作, 近呢兩年, 搭 70 號往上水尾車不下二三十次.

原帖由 kiwai 於 2009-1-28 01:39 發表


過去十年, 70每日最尾三班車的客量, 已經話左俾你知有冇需求啦

咁既然需求唔大，呢幾班隱藏班次又開？

一般搭開尾幾班車70既人知道70取消，其他線又無延長，邊個會知有隱藏班次而專登等....

唔知九巴有無安排車長/職員於隱藏班次最後服務的數天通知有關"熟客"隱藏班次取消？唔係果班"熟客" 過完年等左好耐都無車又唔知乜事....