[已証實消息] 九巴73, 74A, 271的隱藏班次即日起停止服務

原帖由 wong099 於 2009-1-28 02:00 發表
咁既然需求唔大，呢幾班隱藏班次又開？

一般搭開尾幾班車70既人知道70取消，其他線又無延長，邊個會知有隱藏班次而專登等....

唔知九巴有無安排車長/職員於隱藏班次最後服務的數天通知有關"熟客"隱藏班次取消？唔係果班"熟 ...

這些隱藏班次據講是九巴自己本身都唔想開，可能是應運輸署要求而開，
所以都可見九巴自己都根本無心營運這些班次，服務有咁差做到咁差，
總之個策略就是盡量唔好俾乘客知道有這些隱藏班次的存在，
到時取消就當乜事是都無發生過，所以這些隱藏班次最後服務的數天，
九巴當然也不會派任何職員通知果班乘客啦，其實果班客都係等緊N270/N271/紅綠小，
只是見到咁啱有呢d神祕車埋站先至充滿疑惑咁上呢d隱藏特別班次。

我最不滿的地方，同部份板友觀點一樣，作為一間大型交通運輸機構，
要開一些比該些路線的頭/尾班車開出時間更早/晚開出的班次，
如果九巴貼出乘客通告講明話這些班次由07/12/2008試辦到25/01/2009，
你到1/25當日取消當然是合情合理，做法十分適當，我當然亦感到滿意。
這些班次任何乘客都可以乘坐的話，作為乘客絕對有知情的權利，
不過九巴卻將這些隱藏班次開得咁鬼祟，無任何相關通告通知乘客，
擺明唔想俾你地知咁個款，鐘意開就開，唔想開就粒聲唔出就取消，
九巴這樣的做法對普通乘客的角度來說，做法點講都係不適當。

至於點解九巴偏偏要係1/24-25取消這些隱藏班次，
原因據講是大埔花市的舉辦以免會有更多乘客知道有這些隱藏班次存在，
所以就在除夕夜前一晚取消所有隱藏班次，以免日後引起更多麻煩！

個人認為，巴士公司要麼就從來都不開特班，
要麼就加開特班，同時在時間表上清楚標示，
否則像現在這樣，只會令乘客混淆、無所適從，
那些過往一個月乘搭臨時加班的乘客，
當他們發現等不到車時，他們會怎想？

要在70取消後的緩衝期，加開臨時特班照顧原有70的晚間乘客，並非絕對不可，
但要避免在正式時間表標示這些班次而造成尷尬情況，
其實可以在這些特班的錢箱上貼出告示，或透過車長提醒乘客，
這些只是非正式的臨時班次，隨時會取消，
那乘客就不會無所適從，乘搭了一次之後，日後就會改搭其他交通工具。

原帖由 typ 於 2009-1-28 08:10 發表

乜野投訴無意思？
即係話巴士公司可以不用正確地向乘客公布路線之運作時間？
現在有證有據，多左幾班車係得九巴內部知、版友知，但實際是坐的乘客就唔知，
這是什麼巴士服務？
測試都要有個譜，最起碼貼張紙通知乘客，同埋放上網。
...

原帖由 Alx3000 於 2009-1-27 20:41 發表


老老實實, 今次九巴擺明做得唔好,
/ A6 p$ d% u  p- c我唔係好明點解咁多巴士迷(定九巴迷/九巴人)逢九巴必挺0 q* G: S8 W/ _+ P) h

對d "九巴迷" o既版友黎講,
九巴咁樣做一定有佢o既原因
你地應該體諒一下九巴

錯在乘客唔識上italk 搵特別班次資料
九巴做所有野都一定o岩ga ma

[ 本帖最後由 hksf 於 2009-1-28 11:58 編輯 ]

原帖由 volvo_chan 於 2009-1-28 02:42 發表

至於點解九巴偏偏要係1/24-25取消這些隱藏班次，4 [2 G6 L9 c( v& N
原因據講是大埔花市的舉辦以免會有更多乘客知道有這些隱藏班次存在，
所以就在除夕夜前一晚取消所有隱藏班次，以免日後引起更多麻煩！

平安夜同聖誕節果時已經俾唔少夜歸人士知道呢d隱藏尾車啦
因為有版友係果兩日坐74A隱藏尾車, 不論係往觀塘方向,
又或者係往太和方向, 都有三十幾人坐,
希望果D人已經知道呢D隱藏車已經取消左,
唔會係深夜時段等74A吧.........

[ 本帖最後由 ES464470X 於 2009-1-28 18:41 編輯 ]

原帖由 ES464470X 於 2009-1-28 13:48 發表


平安夜同聖誕節果時已經俾唔少夜歸人士知道呢d隱藏尾車啦
因為有版友係果兩日坐74A隱藏尾車, 不論係往觀塘方向,
又或者係往太和方向, 都有三十幾人坐,
希望果D人已經知道呢D隱藏車已經取消左,
唔會係深夜時段 ...

呢D大時大節人地只會認為「節日加強服務」

無論延長幾耐都應該出通告啦 , 何況佢都唔係唸住做一頭半個禮拜就算
好似龍運喺農曆新年期間加開一班 N30 同一班 N42 , 合共 10 日 , 都出晒新聞稿啦
前幾日農曆大除夕九巴延長六十八條巴士路線的服務時間 , 其中一條線只延長十分鐘 , 都一樣要喺新聞稿出現
喂 , 記住呀 , 係得一晚咋 , 仲要係得果十分鐘咋 , 都一樣要講
九巴開咗隱藏班次 48 日 , 仲要每日都好固定咁開 , 而家話開就開 , 話唔開就唔開 , 喂九巴你冇野下話 ? 巴士服務係咁做架咩 ?
你開隱藏班次唔公佈已經唔啱 , 但我都仲可以容忍你 , 而家你取消隱藏班次又唔公佈 , 我就真係頂佢唔順 , 喂大佬而家又冇人話唔俾你取消 D 班次 , 但係你要取消就 down 句聲啦唔該 , 無啦啦要 D 客天寒地凍喺條街度震 , 仲要係食咗一餐西北風得個吉 , 真係靠害

我都知九巴一直都唔想開隱藏班次 , 但我身為乘客 , 我只係負責搭車 . 我理得你九巴有乜苦衷 , e d 係你自己既事 . 總之你俾我喺服務時間以外固定地見到有你既車 , 而家又忽然間人間蒸發 , 你點都要交代吓啦

咁大間巴士公司隱瞞班次資料 , 做法極度差劣 , 唔公開延長服務時間 , 又點會有乘客知道咁夜都有車坐呢 ? 鬼鬼崇崇咁開隱型班次 , 究竟有咩居心 ? 擺到明係唔想有人知 , 故意製造假數據黎掩耳盜鈴 cut 尾車
九巴究竟係 " 測試 " 緊 D 乜 ? 我唔知 , 我剩係知我作為一個乘客 , 覺得俾緊一大間巴士公司一路呃緊 .

我強調 , 我而家唔係話緊九巴開唔開隱藏班次 , 亦唔關取唔取消事 , 我針對緊既係九巴既營運態度

原帖由 FD1146xGA5145 於 2009-1-28 23:45 發表
無論延長幾耐都應該出通告啦 , 何況佢都唔係唸住做一頭半個禮拜就算
好似龍運喺農曆新年期間加開一班 N30 同一班 N42 , 合共 10 日 , 都出晒新聞稿啦
前幾日農曆大除夕九巴延長六十八條巴士路線的服務時間 , 其中一 ...

有乜苦衷，講到尾咪唔想蝕錢
呢D班次根本就係應酬運吉而開，而家咪"大條道理"無人搭，
將D data俾晒運吉，根手取消
有興趣爭取既板友，應該向運吉反映下，或者有轉機既~

而家九巴當家換左朝，方針有變亦屬正常
是好是壞就見仁見智喇...