我就像這白版一樣....

除左識影相外, 我仲識d乜?
自己既腦袋空白一片, 就似白版無添加一樣, 唔加廣告就冇乜色彩
自問好多技能都唔識, 亦都唔識點運用自己既頭腦...
淨係得閒會留意下街上既車輛, 玩下網頁game, 出去影下相, 睇思考書
但技術冇進步之外, 仲要不斷受到挫折, 好後悔以前細個冇郁過腦筋
搞到而家做任何野都比起其他人更困難, 又成日亂諗野, 除左post相抒發自己感受, 都冇咩方法更好了...
唔講咁多, 貼相







我今年的願望是, 可以變得聰明, 就好似這部新高中蘭一樣色彩咁豐富
但相信只係夢想, 唔會做到的...



希望愈大, 失望愈大, 就似這部車愈甩愈多色



今次希望借個位俾我抒發下感受...謝謝

樓主試下做其他野，或者會發現哩個世界仲有好多野值得留意

樓主:
我相信樓主你應該只有十五、六歲, 其實你仲有好多時間去培養自己的興趣

你又有無想過你自己的「夢想」是什麼?
你現在可能未有, 但我相信, 你總會有些目標, 你是很想去達成的
例如踏單車比賽、陸運會要拿冠軍呀...又或是想做醫生、警察呀...

當你有自己的夢想後, 你就不會覺得苦悶, 同時, 你亦會快速成長~

我自己雖然好遲才找到自己的夢想, 但感覺上, 自己的生活比以前充實了很多

共勉之

原帖由 av335 於 2009-2-2 08:29 發表
樓主:
我相信樓主你應該只有十五、六歲, 其實你仲有好多時間去培養自己的興趣

你又有無想過你自己的「夢想」是什麼?
你現在可能未有, 但我相信, 你總會有些目標, 你是很想去達成的
例如踏單車比賽、陸運會要拿冠軍 ...

再將你估既歲數加多5就差唔多
就係因為咁, 我先發覺好多野已經太遲了...
雖然自己仲係讀緊書, 但讀緊既野只係為左應付考試, 到底自己將來想做d乜
連我自己都答唔到, 真係好徬徨

原帖由 happykeroro 於 2009-2-2 11:14 發表

再將你估既歲數加多5就差唔多
就係因為咁, 我先發覺好多野已經太遲了...
雖然自己仲係讀緊書, 但讀緊既野只係為左應付考試, 到底自己將來想做d乜
連我自己都答唔到, 真係好徬徨 ...

你肯去做, 永遠都唔會太遲
無錯係要付出多一些努力, 但你只係二十歲, 絕對有得追番

我識有人四十六歲先去學游水, 五十歲先學踏單車
為的都是完成夢想 - 參加三項鐵人比賽
咁佢地都可以做到, 你先得二十歲, 你的發展空間還有很多~

其實, 多接觸、嘗試不同的事物, 你的視野會擴闊很多
你總會發現, 有些事你是會特別喜歡的, 那就朝那個方向進發吧

最重要是, 你肯去嘗試

原帖由 av335 於 2009-2-2 11:50 發表


你肯去做, 永遠都唔會太遲
無錯係要付出多一些努力, 但你只係二十歲, 絕對有得追番

我識有人四十六歲先去學游水, 五十歲先學踏單車
為的都是完成夢想 - 參加三項鐵人比賽
咁佢地都可以做到, 你先得二十歲, 你的發 ...

多謝你既勉勵
日日對住身邊既人係咁踏, 個心點都係有d唔舒服
雖然佢地話得我係冇錯.....但我仲係諗唔開呢...

樓主講開呢樣野
令我仲記得兩三年前自己會考放榜果陣
一位朋友同我講過既說話

每個人一開始果陣 , 就好似一張白紙
當自己發掘到一 d 自己鍾意既野 / 長處既時候 , 就會去盡力發揮 , 就好似為自己既生命畫緊一幅精彩美麗既圖畫

來日方長 , 相信樓主你絕對有能力將自己既長處盡力發揮
同埋我深信每個人都會有各自既夢想
每個人既情況都唔同 , 未必會係而家實現到
但我相信每個人都能夠係有生之年實現佢地自己既夢想
縱使有機會係希望越大 , 失望越大 , 不過唔好因為咁既放棄自己既夢想

以上係自己既經驗之談 , 希望能夠幫到樓主

原帖由 happykeroro 於 2009-2-1 21:33 發表
除左識影相外, 我仲識d乜?
自己既腦袋空白一片, 就似白版無添加一樣, 唔加廣告就冇乜色彩
自問好多技能都唔識, 亦都唔識點運用自己既頭腦...
淨係得閒會留意下街上既車輛, 玩下網頁game, 出去影下相, 睇思考書
但技 ...

Your age is nearly the same as mine. What u think and do is normal. Don't worry so much.
Later when you're studying University, you'll find the life is meaningful.

樓主, 本人心同感受

又係二字頭, 又未讀完書

出街又係望住D 巴士

將來做咩, 好似仲未有方向咁



努力 !!