九巴車長怕食無情雞

原帖由 lionrido 於 2009-2-2 21:07 發表
都唔明九巴一邊請咁多人,又一邊係咁炒人究竟想點?

有過錯都唔炒得?
咩工有咁正,我又做

原帖由 ~誰@359~ 於 2009-2-2 17:50 發表

唔渣巴士咪渣地鐵…或者做站務員
咁我相信冇咩人可以唔入港鐵做都識渣真地鐵既…

現時港鐵聘請的新(鐵路)員工基本上都有專上學歷，一般巴士
車長，尤其是最擔心飯碗被廉價新丁搶去的一群，都只會是
初中或最多高中；即是持有學位或文憑等只會是小數的年輕
車長。基本上如果年長車長被裁的話，不論是因有過錯，鐵
路公司一般都不會聘用來駕駛鐵路。

原帖由 gn3509 於 2/2/2009 21:16 發表

有過錯都唔炒得?

咁唔通真係認因為路線重組裁員咩？
以現時環境 (氣氛)，業界聽到恐怕會爭相仿傚！

原帖由 gn3509 於 2009-2-2 21:16 發表
有過錯都唔炒得?
咩工有咁正,我又做

我都相信九巴炒得既個底都唔方乾淨
但短時間內炒十幾個司機, 難免會令人有所猜測
唔通真係年尾意外特別多? 又會唔會請人時唔夠嚴格?

原帖由 ksmbh 於 2009-2-2 21:08 發表


但係跳飛機壓力唔會大d?!

應該不會，反而我覺得會令意外減少，因為渣多d唔同路線可以令個人fresh下，唔駛咁死板。

而家輕鐵都係類似跳飛機制，總之有車就行得任何路線，車長要識渣所有路線，一日之內操控過既車輛可達數十輛，唔同款又唔同性能，車長冇得發夢

九巴字軌制太悶喇，渣到人都發"牛"痘...

有個同事以前渣城巴，城巴同輕鐵既更都係一樣行duty制，唔算大壓力~~

[ 本帖最後由 4056 於 2009-2-2 23:08 編輯 ]

原帖由 MEMPHIX 於 2009-2-2 19:09 發表
其實做九巴真係好難揾食
一日十個鐘，一個月得五六日假，都係得萬二蚊度，有啲咩大吉利是嘢又無埋豬肉獎，壓力好大下，所以司機鬧客真係愈見愈多
楂巴士其實都係新巴果面好啲，唔只聽、自己識既朋友由九巴過底新巴都話做得開心左 ...

福利唔係咁好喎
同埋而家點都要捱架啦, 入職既都會大部分編去做長夜

原帖由 053h4 於 2009-2-2 23:14 發表


九巴的線路咁多,好難記到咁多
就自係經彌敦道往尖沙咀的巴士, 唔同線站位都唔同
點記得咁多呢?

城巴同新巴線路網雖多, 但站位都無咁難記, 而且來來去去都係幾條大街去目的地
如識做72就可以做大部份南區去銅鑼灣 ...

城記係識做72 唔該識埋大西北路線.90 果d 就唔知要跳去邊
之前聽過一個行家,佢識一個新記司機,一日內做82,66,694(好似係咁上下)...總之成個香港,九龍行哂咁滯
另外,我之前坐B3 都遇到一個做開大嶼山既司機,佢話試過1 日揸左5部不同巴士.不同線 - -包括工程車,S 線,E線,A線

其實3 間公司邊間好做,邊間唔好做,都係司機自己先知.不過對於死行 ISO 既九記黎講,無疑對車長既壓力係大左.
p.s:新/城有冇行ISO??

原帖由 4056 於 2009-2-2 23:07 發表
應該不會，反而我覺得會令意外減少，因為渣多d唔同路線可以令個人fresh下，唔駛咁死板。
而家輕鐵都係類似跳飛機制，總之有車就行得任何路線，車長要識渣所有路線，一日之內操控過既車輛可達數十輛，唔同款又唔同性能，車長冇得發 ...

其實我覺得都係睇個人適應能力
適應能力好, 去城新做都唔會話有來自制度既壓力
如果適應能力無咁好, 去城新咪又係自己比壓力自己, 寧願做九巴捱過後備長遠做得舒服d好過