P牌制度下星期擴至私家車及輕型貨車

政府將於2月9日開始，把電單車暫准駕駛執照（俗稱P牌）的計劃，
擴展至私家車及輕型貨車。

2月9日後報考私家車及輕型貨車車牌，取得P牌後，須受12個月的
暫准駕駛期規管，才可申請正式車牌。
司機必須將P牌掛於前後擋風玻璃，時速不能超過70公里，
也不能使用高速公路的最右線。不過，私家車及輕型貨車的P牌駕駛者可以載客。

無牌既當然覺得問題大,有牌既自然唔關佢事

其實香港做新手應該唔止30小時訓練同埋一個P牌,
仲應該有幾堂必修模擬駕駛堂,包括醉酒駕駛,食左藥,
夜晚同危機/防衛駕駛訓練

今日亦都要求扣滿一定分數司機要上改進堂,講真
個人覺得部分現有司機都應該接受改進訓練,包括
理論同實習,因為部分人楂車無乜危機意式,囉左個
牌就當自己係神,無禮貌駕駛態度差,要上堂改進駕駛
態度,否則只會造成更多意外

愚問:  
我之前已經考到車牌, 但2月9號後仍未夠1年, 如果我渣車出街, 我駛唔駛掛P字??

原帖由 葵盛東居民AMN36 於 2009-2-3 21:30 發表
愚問:  
我之前已經考到車牌, 但2月9號後仍未夠1年, 如果我渣車出街, 我駛唔駛掛P字??

唔駛~

就算係2月9前報，但2月9後考，都唔駛~~

除非考完肥左佬，咁要報左次，咁一定過左2月9報啦，咁就要喇~

如果外國車牌申請香港車牌洗唔洗掛P?

原帖由 kmb3asv141 於 2009-2-4 07:36 發表
如果外國車牌申請香港車牌洗唔洗掛P?

2月9日後報考才需要，如果你現時已經持有外國車牌，
你話要不要？

究竟會有幾多改善，其實新牌佔整體意外率有幾多，而
雪藏牌同埋假日司機意外率又佔幾多？

與其強制執行P牌制度，倒不如加強訓練，不只是教授
怎樣開車停車，而係應該加入駕照態度及其他針對式
訓練，不過好多時候取得了正式駕照的人都係不會對自
己的駕駛技術及態度進行改善。

[ 本帖最後由 Alex_Tsang 於 2009-2-4 09:12 編輯 ]

掛p牌, 好多電單車司機都等足一年先出車啦,
我估私家車情況都係一樣吧,私家車仲難出敢多,新牌年青人出保費敢貴.

原帖由 mira 於 2009-2-4 10:32 發表
掛p牌, 好多電單車司機都等足一年先出車啦,
我估私家車情況都係一樣吧,私家車仲難出敢多,新牌年青人出保費敢貴.

本來出P牌原意未必是壞, 不過裝在時速超過70km/h公路上的快相相機有否加入 "P" detection 功能? 要捉新牌超速下下靠人力, 捉得幾多? (當然, do something is better than do nothing)

另一個問題, 無掛P牌行開車要罰幾多錢, 同埋如果新牌人士掛T牌(試車牌)又有沒有需要展示P牌?

ps: 掛P 牌其實都蘊釀左好耐, 不過今次決定好似突然左少少, 同回應年三十落馬州單車禍有沒有直接關連?

原帖由 leslie 於 2009-2-4 16:04 發表


本來出P牌原意未必是壞, 不過裝在時速超過70km/h公路上的快相相機有否加入 "P" detection 功能? 要捉新牌超速下下靠人力, 捉得幾多? (當然, do something is better than do nothing)

另一個問題, 無掛P牌行開車 ...

似係針對19歲女司機果單致命交通意外

問下d怪問題：

2月9日之後，如果有人本身只有私家車(1)牌，走去考輕型貨車(2)，
考到駛唔駛掛P牌？咁係咪渣貨van要掛，渣私家車唔駛？

又，2月9日之後，如果有人本身只有私家車(1)牌但夠三年，走去考
中型貨車(18)，考完之後得18再送個輕型(2)俾佢，咁佢個輕型貨車
係咪P牌？(咁仲怪，中型都渣得，輕型反而要P牌。)

又，2月9日之後，如果有人本身只有私家車自動波(1A)牌，走去考
番私家車棍波牌(1)，又駛唔駛P牌？即係渣棍波就P，自動波唔駛？
其實如果而家考左電單車自動波(3A,22A)，考番棍波(3,22)駛唔駛P
多一年？

運輸署話將來有機會視乎情況將P牌擴展至其他車輛，你估機會大唔
大？邊款車最有機會成為下一款？巴士？中型？重型？政府車？傷
殘人仕車輛？

[ 本帖最後由 fai 於 2009-2-4 16:23 編輯 ]