基本上小弟都係愛狗之人, 先至肯比$$$入場睇呢類戲; 最初O係心目中呢一套電影係有一個完整既故事, 即係由頭講到落尾果款, 但係事實上, 呢套戲同我想像既爭好遠......
開場時, 無啦啦有班人O係度載歌載舞, 同內容一D"啦LUNG"都冇, 簡單D叫九唔搭八; 當佢地唱左差不多十分鐘至入正題, 中村獅童飾演既廣告創作人, 需要拍一個狗糧廣告, 但夾O係老闆同客人之間唔同要求既兩難局面, 其間不斷插播唔同既狗糧廣告, 將套戲打散哂! 後來佢回憶童年時遇上一隻咬住破爛網球既日本柴"波子", 同面包店既小女孩, 而童年中村每一日都同"波子"玩耍; 但有一日玩耍時童年中村因哮喘發作, 被面包店既小女孩發現, 並送去東京醫治, "波子"不斷追趕, 最後"波子跑得比車慢而自行遠赴東京尋主. (第一節完)
第二個故事講一個後生仔拖住八哥仔散步, 主人發現其中一間屋內有靚女, 即走去人地個信箱處抽信件睇姓名, 然後扮相識搭訕, 物似主人形, 連狗仔都喜歡左靚女鄰居既"松鼠狗", 但係又唔敢表白; 經過一段日子, 靚女向主人講話佢已經有男友, 而狗仔亦發覺佢既夢中情"狗"原來係盆栽......
待續 |
