935線葵涌道飛站！

今朝8點10分左右，我喺葵涌道葵俊苑巴士站，諗住搭935過海。等咗一陣，有架頂閘嘅到站。我知道安蔭和石籬8:00和8:04的班次，應該會相隔好近，而且人又勁多，所以冇上車。呢架935離站之後，再過１分鐘左右，另一架935o黎到。

激氣事發生！ 呢架935根本冇埋站的意思，一直行中線，我即刻揮手，但司機冇理我，繼續直行。我就好奇怪啦，乜935有話邊啲班次唔停葵涌道分站咩？我又望望路線紙，冇咁嘅提示喎。所以覺得好離譜囉！有乜理由唔埋站，仲要行中線，冇埋站意思。就算真係同之前班車距離好近，唔俾有人追唔到車，要搭後一架咩！

最後，我又要再等多個零字，變相等咗三個字先可以上到935過海。

[ 本帖最後由 choikatinno 於 2009-2-6 22:45 編輯 ]

方向生果報幫到你

去投訴吧

可能平時葵涌道既站冇乜人上，令車長下意識地心想不會有人上，故沿中線行駛，但你有個站係度，就點都會有人上車既機會

有埋站o既意思又點?
有次搭85A 上映月台
本身係跟住前面d 車等埋站
點知去到後面個站見冇人就已經抽頭走
架車走左一半
有人o係前面個站跑過黎
但已經為時已晚走了

係咁...我o係置樂花園前一個站等車去屯門站...

前面有K52，後面有K53，那架K53直情想趴頭飛站走人，好在我o係好前既地方已示意登車...佢先唔夠膽真係飛站...

...啫係有 d 自私咁講...有時成車都係客
為咗一兩個客而停係有 d 唔抵...話晒成百幾人等一個人...

試過有次上一架頂閘既 42A 返青衣
去到貨櫃碼頭上一個客
同一個客喺南橋落車
搞到架超豪上斜勁慢...拖咗幾分鐘都有之

原帖由 HF3204@243M 於 2009-2-8 13:55 發表
...啫係有 d 自私咁講...有時成車都係客
為咗一兩個客而停係有 d 唔抵...話晒成百幾人等一個人...

試過有次上一架頂閘既 42A 返青衣
去到貨櫃碼頭上一個客
同一個客喺南橋落車
搞到架超豪上斜勁慢...拖咗幾分鐘都有 ...

有時候下班坐 2X 頂閘且遇上興發街塞車，如果有人在興發街按鐘下車，車子便要被逼陪塞。
心想，如果少了此人，在興發街塞車的時間已足以駛到筲箕灣道！

當然，有客按鐘 / 截車而飛站，絕對要不得。

原帖由 lsc04d11 於 2009-2-8 09:18 發表
係咁...我o係置樂花園前一個站等車去屯門站...

前面有K52，後面有K53，那架K53直情想趴頭飛站走人，好在我o係好前既地方已示意登車...佢先唔夠膽真係飛站... ...

咁呢個情況你仲可以上 K52, 所以個司機既做法就冇問題 (玩死跟
唔係一件好事), 但樓主既情況係得 935 一個選擇。

青善遊樂場個站我冇乜幾何去就唔清楚, 但係新都果個站以前經常有車
飛站 (例如 A59, A73), 不過果個站得果一個多 d 車位又要擺咁多條線
落去, 真係攞黎搞。

原帖由 fw1321 於 8-2-2009 09:53 PM 發表


咁呢個情況你仲可以上 K52, 所以個司機既做法就冇問題 (玩死跟
唔係一件好事), 但樓主既情況係得 935 一個選擇。

青善遊樂場個站我冇乜幾何去就唔清楚, 但係新都果個站以前經常有車
飛站 (例如 A59, A73), 不過果 ...

唔係bo...唔好睇得咁表面，唔好以為我可以揀K52唔揀K53...

因為我之後要轉K58啊...所以一定要搭K53...(當時K58未經置樂)

原帖由 lsc04d11 於 2009-2-9 09:30 發表

唔係bo...唔好睇得咁表面，唔好以為我可以揀K52唔揀K53...

因為我之後要轉K58啊...所以一定要搭K53...(當時K58未經置樂)

咁你之前都冇提到幾時發生, 我又點會諗到係三年多前既事...

不過從你之前既意思, 我完全唔覺得你當時係想話要轉 K58:
引文:「係咁...我o係置樂花園前一個站等車去屯門站...」

K53 去到屯門站先轉 K58? 我本來都諗過你係想隔一段時間先轉,
不過你最後括號果句「當時 K58 未經置樂」已經否定左我呢個
想法。再者, 去 K58 沿線都可以轉輕鐵 505/507 (恕我冇理由假設
埋你一定要轉巴士)。

總之從你當初既描述, 個司機見到你截車就畀你上, 根本已經冇
問題, 如果咁都有問題我諗 d 司機都好難做。