改革左的無線晚間新聞及天氣報告

今個星期一即(2/2)開始無線翡翠台的晚間新聞由晚上11:35pm提早至晚上11:00pm播出，亦由過往一節過分開成三節內容都比以前晚間新聞豐富，例如體育有NBA5大精彩鏡頭、星期五有周五搜記，另外天氣報告天氣小姐黃婉曼都帶來有趣報天氣的方式，有更多天氣資訊帶俾觀眾。改革左的無線晚間新聞及天氣報告值得一讚，不過我都係傾向無線晚間新聞用翻以往報新聞的方式報新聞。

[ 本帖最後由 S3N280_FX8032 於 2009-2-6 23:49 編輯 ]

我第一日睇就好唔習慣, 主要係:
1) 主持講得太快, 似乎係好趕時間, 太多野報.
2) 似係無限個迷你版既"新聞透視", 用專輯既形式, 但講唔夠幾分鐘就去第二度, 有到喉唔到肺既感覺.
3) 也因為係無限個"新聞透視" 咁既專輯報導, 焦點太散, 當日既要聞不能突出,
睇睇下都唔知邊d 先係要聞..........

個人意見.

所謂既有趣
相信好多人都會覺得佢有 d 過度活躍

*我覺得佢 d 動作似一個好動既幾歲小朋友  

這次晚間新聞+天氣的改革，整體算是好的改變。
特別值得一讚o既係天氣報告 . . .
以往由天文台發稿，本地幾乎無電視台會去了解/消化段稿，
只要用半分鐘讀完就認為ok (特別係now, 做財經新聞就巴閉, 天氣報左等如無報)
今次大台加入少量分析，又提供上月氣溫、馬拉松日天氣、新界溫差等值得觀眾留意的天氣資訊，
並注入時事，好讓觀眾開始認識氣象，也得到天氣有關的時事及資訊。
天氣報告改革方向真係唔錯，見到主播同編導都應該放左唔少心機。
不過，黃小姐的語言表達方法仍需改進，編稿/爆肚都要顧下上文下理通順唔通順。
每一小節之間的連接，不時出現牛頭唔搭馬咀的情況，可能係佢緊張啦。
只要熟知天氣知識、現時狀況、周邊資訊，整段報告就可以更加流暢。

p.s.「祝大家 晚安」 . . . 其實簡單加多一句「天氣報告完/多謝收睇哩節天氣」就OK

cut左個霎時感動做埋新聞就正啦

原帖由 ~誰@359~ 於 2009-2-7 12:43 發表
cut左個霎時感動做埋新聞就正啦

小弟反而覺得霎時感動好過依家嘅晚間新聞

原帖由 JX9097 於 2009-2-7 15:03 發表


小弟反而覺得霎時感動好過依家嘅晚間新聞

樓上都有講過晚間新聞係衰唔夠時間
咁如果冇左霎時感動，新聞自然有改善既本錢
就算要keep，都應該係放o係而家八點鐘果個slot度播
KO左果個乜鬼發動香港力量佢
如果要放到十一點九，咁不如cut左佢畀新聞有多d時間做好佢

原帖由 TL 於 2009-2-7 20:43 發表

夠唔夠係時間唔係無線話事架咩? 關呢度樓上咩事呀?

由《今日財經》之後開始計, 而家比改革前少左三個字, 電視台如果嫌唔夠時間報新聞, 大可以用埋呢三個字,
一個字去廣告, 兩個字報新聞.

好明顯係你唔鍾意《霎時感動》至有咁既言論

似乎你唔太滿意我唔鐘意霎時感動喎

用五分鐘去講一d唔少人都聽過既感動故事
其實係一件幾無價值既事情
當然你可以話都有人未聽過，但新聞點都比呢d故事重要掛？
更何況，如果霎時感覺真係咁正，更加唔應該放佢o係十一點九…