蠱惑水客「疊卡」衝閘逃票

水客將記憶卡綁在身上走私回內地。

(綜合報道)(星島日報報道)水客衝閘逃票「終極絕招」被揭發，深圳羅湖海關查獲一名涉嫌走私手機記憶卡的港漢時，發現港漢攜帶十張八達通卡，港漢承認目的為方便衝閘。專家解釋，十張八達通疊起同時拍卡，會令十張卡都扣不到錢，相信該港漢拍卡後，再緊貼前方乘客衝閘，當遇到港鐵職員查票，只出示一張扣不到錢的八達通卡，以閘機失靈來「抵賴」。

港鐵去年共有近二萬八千宗逃票個案，其中羅湖及上水站為「重災區」後，水客衝閘絕招再被揭發。資深水客更指，每名水客身上至少有數張八達通卡，可見水客利用「終極絕招」逃票情況嚴重。

深圳羅湖海關公布，三十三歲林姓港漢於本月四日晚上七時，從羅湖口岸進入內地，遭海關人員截查時，發現其身上有十張八達通卡，關員感覺可疑，又聯想到近期香港有關水客乘坐港鐵衝閘逃票事件，向其搜身，發現其腰部、大小腿處綁藏手機記憶卡共七千九百張，市價近五萬元。

羅湖海關又指，林承認持多張八達通卡是老闆（水客頭目）授意，以便他們在攜帶走私物品乘坐港鐵時衝閘逃票。目前，羅湖海關已將案件移交緝私部門處理。

城大電子工程系副教授鄭利明指，若將十張八達通卡像撲克牌一樣疊起來，同時拍向閘機，閘機讀卡器的「防衝撞」功能，會令十張卡都扣不了錢。鄭相信，該港漢先以十張卡同時拍向閘機，以拍卡動作瞞騙監視的港鐵職員，之後再以緊貼前方乘客等方式衝閘，萬一過閘後被截查，會隨意出示一張沒入閘紀錄的八達通卡，再以閘機失靈來抵賴。

一資深水客表示，幾乎每名水客身上，至少有四、五張八達通卡，並稱當中有部分是已經失靈的「死卡」。他又指，水客為減少交通費多賺錢，會想盡辦法衝閘。「搵食艱難，衝閘都係逼不得已！」

對於有涉嫌走私乘客利用十張八達通卡來逃票，港鐵發言人回應指，乘客入閘後遇到港鐵職員查票時，須出示有入閘紀錄的車票，否則視為逃票。

=================================================
Wow!直係好絕呀!咁到得,佩服

「搵食艱難，衝閘都係逼不得已！」惡人先告狀…咁而家市道唔好，去打劫係咪合理先……

原帖由 FX8173 於 2009-2-13 22:33 發表
「搵食艱難，衝閘都係逼不得已！」惡人先告狀…咁而家市道唔好，去打劫係咪合理先……

所謂"你有張良計，我有過牆梯"，港鐵職員俾得佢地走，其實都可以有方法而且合法地解決呢d問題，最後佢地只會得不償失...

btw... 實情所見，就算一疊card一齊拍，但成疊一齊過數的機會絕對比扣唔到的機會大...

原帖由 Megabus 於 2009-2-13 11:46 PM 發表


所謂"你有張良計，我有過牆梯"，港鐵職員俾得佢地走，其實都可以有方法而且合法地解決呢d問題，最後佢地只會得不償失...

btw... 實情所見，就算一疊card一齊拍，但成疊一齊過數的機會絕對比扣唔到的機會大... ...

我試過好多次在不知情的情況下疊卡過閘,大多數係過唔到。但是好少會一齊扣,多數只扣一張(可能入閘只扣了一張吧)

原帖由 hkstudent 於 2009-2-14 09:33 發表

我試過好多次在不知情的情況下疊卡過閘,大多數係過唔到。但是好少會一齊扣,多數只扣一張(可能入閘只扣了一張吧)

睇疊card同個收費器有幾大距離，收費器種類都有關係，巴士同輕鐵的通常都會容易d lai野

至於重鐵出入閘機，因為佢有count數，而且setting多，所以相對俾巴士輕鐵出現的情況少