觀塘市中心巴士路線調遷計劃

以下內容只是由會議錄音得出的結果，希望有板友上載文件內容。
（另，小弟未有時間聽取 RDP 的會議錄音，日後可能會再補充）

一、運輸署考慮調遷總站的因素：
1. 盡量不影響現有服務
2. 巴士服務票價不受影響
3. 對鄰近交通不會帶來負面影響
4. 用回現有的巴士站

二、福塘道巴士總站：
1. 巴士路線由4條轉為3條
2. 三條沙田區巴士路線（89、89B、89X）將會遷入福塘道，為求協同效應
3. 福塘道巴士總站開出路線將會左轉入翠屏道，再經協和街（在和樂邨設站），然後回到原來路線
4. 車程增加一至兩分鐘
5. 九巴現在承諾票價不變
6. 福塘道巴士總站路線只會左轉入翠屏道，不入觀塘道

三、調遷計劃：
1. 調遷路線如下：
   A.        17、3D
        月華街 - > 仁愛圍（因為多車，而不遷入福塘道）
   B.        89、89X
        月華街 - > 福塘道
   C.        89B
        仁愛圍 - > 福塘道（因為 3D、17 遷入而需要放出車坑，以及帶來福塘道的協同效益）
   D.        16M
        月華街 - > 觀塘站（不遷入福塘道原因，因為福塘道巴士只淮由翠屏出的原則（個人認為有此有趣，因為根本與迴旋處問題無關））
   E.        26M
        觀塘站 - > 彩虹站（對調總站）
   F.        13M
        觀塘站 - > 雅麗道（因為 16M 遷入而需要放出車坑）
   G.        14C
        仁愛圍 - > 油塘（鯉魚門仁宇圍）（對調總站）（因為 3D、17 遷入而需要放出車坑）
   H.        101
        未有提及（似乎未有調遷）
2. 預計在09第3季正式調遷

四、會議內容：
1. 議員要求分流將部份路線分流至其他地區（尤其為秀茂坪、油塘或藍田），不滿為何三條沙田路線可遷至福塘道，
   而不直接將其一數條路線（特別希望將其中一條巴士路線拉至秀茂坪、油塘或藍田）
2. 議員認為三條沙田路線遷至福塘道只是服務重疊，不明運輸署所指的協同效應
3. 議員擔憂翠屏道、牛頭角道的車流量上升及噪音增加的問題
4. 有議員要求改善 14C 的巴士服務
5. 議員要求另組專責小組處理調遷計劃，以及為日後重組問題作出更長遠計劃（因為日後仁愛圍又要需要處理）

個人認為，是次調遷計劃真的有點出入意表，
因為運輸署只是處理議員的「不入觀塘道」政策，
而嚴重忽略長遠計劃，看來日後 3D、17 及 101 將會上演另一場好戲。

是次會議內容反映議員認為觀塘區路線分配不平均，
（油塘區不滿有大量新界西路線、秀茂坪區不滿沒有新界路線，而翠屏將會出現 89、89B、89C、89X，四條 89 系巴士路線）
有部份議員希望有一條新界巴士路線延至當區，
可是完全忽略兩點，一是車費增加，二是班次減少，
只為了秀茂坪、油塘、藍田或樂華的巴士服務改善，而忘了上述兩點，
以巴士公司的車程哩數，不會再能爭取「零加價」的結果。
不過小弟可能肯定一點，如果將巴士路線延長而使票價增加，
肯定觀塘市中心、九龍灣、黃大仙及沙田區的居民不會通過。

似乎此問題延續下去，將會出現巴士公司及運輸署主張的巴士轉乘計劃的態度持有相反的意見，
要在日後的會議中繼續討論，相信將會出現各區的意見嚴重分歧。

另一問題是，運輸署在現在要求提出方案，可是要趕在第 3 季正式調遷，
看來運輸署又會為議員們上演另一場「霸王硬上弓」的好戲。

[ 本帖最後由 dennis28a 於 2009-2-19 23:06 編輯 ]

仁愛圍=裕民坊

141(現641) vs 101

原帖由 dennis28a 於 2009-2-19 23:01 發表
以下內容只是由會議錄音得出的結果，希望有板友上載文件內容。
（另，小弟未有時間聽取 RDP 的會議錄音，日後可能會再補充）

一、運輸署考慮調遷總站的因素：
1. 盡量不影響現有服務
2. 巴士服務票價不受影響
3. 對鄰近交通不會 ...

同區路線擺一站頭會有協同效應?!
係路線重疊就真,
不如擺唔同站提供更多直達服務好過....

嘩…
仁愛圍再加多條 3D 車海線，同埋 101 堆金色橙色車海，
近公園果邊一定迫到唔知點擺車，尤其係食飯時間同埋有車柯打 101 / 3D 既時間。

而且成個總站得一個咁窄既入口，沿途咁多小巴落客
（銀都紅頂同埋 10M/13/23B/23M/63 綠頂），
而家如果有兩部 10M 齊齊 0係百佳出面落客，後面既車已經可以頂到好遠，
輔仁街又成日人車爭路，
再加埋 3D 同 17 兩條 12 米車線，
我唔敢想像到陣時倒灌上物華街條車龍可以去到邊…

呢個計劃最好既建議係 13M 拉去牛頭角
班轉乘客唔駛再行幾丈遠先轉到車

1. 議員要求分流將部份路線分流至其他地區（尤其為秀茂坪、油塘或藍田），不滿為何三條沙田路線可遷至福塘道，
而不直接將其一數條路線（特別希望將其中一條巴士路線拉至秀茂坪、油塘或藍田）
2. 議員認為三條沙田路線遷至福塘道只是服務重疊，不明運輸署所指的協同效應

呢part完全凸顯出區議員既山頭主義。
佢地根本唔明白福塘道只係臨時總站, 將d線拉去該處亦只係臨時措施;
而指出服務重疊, 倒想知道佢地知唔知三條線o係沙田點樣行?!
不過若稱之為「協同效應」, 又的確誇張左少少, 極其量同現時差不多。

照咁睇, 似係月華街先動工, 而3D、17、101將會暫時擺裕民坊,
到輪到仁愛圍動工時再為呢三條線作打算, 問題係到時點樣算?!
應該唔會係福塘道, 要拉第一階段已經拉左, 應該會係其他總站,
如 觀碼、藍田站, 又或者另一個臨時站, 甚至月華街擺街。

至於13M、14C、16M, 有d奇怪要將13M放雅麗道黎比位16M,
要16M放觀塘站, 其實執下d坑位已經ok, 或直接拉16M去雅麗道,
依家計劃既安排可能係由於16M少車, 再拉長恐怕班次更不穩定;
不過13M真係去雅麗道, 係一件值得喝采的事, 隨時客仔會多左。
14C, 跟13M一樣, 個人希望改總站後可以去到牛頭角站先調頭。

最後26M, 去到觀塘站個迴旋處調頭, 不如行翠屏道上山...
有興趣知既係另一邊總站放o係邊, 唔知係彩虹站定彩虹?!
照道理彩虹站機會會較大, 不過空間上好似勉強左一些。

原帖由 chickenbus 於 2009-2-19 23:21 發表
嘩…
仁愛圍再加多條 3D 車海線，同埋 101 堆金色橙色車海，
近公園果邊一定迫到唔知點擺車，尤其係食飯時間同埋有車柯打 101 / 3D 既時間。

而且成個總站得一個咁窄既入口，沿途咁多小巴落客
（銀都紅頂同埋 10M/13/23B/23M/ ...

乜宜家3D/17係月華街總站放到好多車咩？搬去裕民坊，一條放14C坑，
一條放89B坑，仲正過宜家。

不過認同樓主所講，到要搬裕民坊巴士站時就更大鑊咯。

16M搬去觀塘，咁咪即係唔入市中心？咁咪又俾機會九巴CUT多架車？

早輪觀塘道翠屏道口既路中心花槽拆左一大段，我真係以為佢開返組紅
綠燈，但今晚見果度又填返高少少，再睇埋呢篇文，可以為觀塘道出九
龍既交通鬆一口氣咯。

89/89X/89B協和街加站，我估係加宜家綠小59果個位掛....

裕民坊巴士總站既坑真係好長