電腦自動關機問題

我部電腦琴晚開始 無啦啦自動登出關機. 之後冇自動reboot返...
之後想按開機制開機. 點知冇反應. 開機制上面粒燈冇著到...
襟左好耐都係唔得... 試過粒燈著左. 但係boot唔起部機去開機既畫面... 部機不停重複呢個步驟....
過左好耐先可以開到機...
之後用左1個多小時之後又自動登出關機. 又係冇自動reboot返...
不過一按開機制就開到...

到今朝又開機啦... 一開就開到...
但係用左差唔多一個小時之後又自動登出關機...
之後又要自己按開機制開機...
如是者... 部機之後用左一個小時之後又自動登出關機...
之後我按開機制開機... 點之按極 粒燈都唔著...
又好似琴晚一樣...試過粒燈著左. 但係boot唔起部機去開機既畫面... 部機不停重複呢個步驟....
之後等左15分鐘先至按開機制開到機用...

我唔知部機有d咩問題...
底板d燈係著左....
前一排試過開機開到底板個畫面就停左....要reboot部機幾次先開到機...
希望各位巴打幫忙

原帖由 68A 於 2009-2-21 22:58 發表
換火牛吧...本人部機剛剛就係咁翻生，同你情況一樣。

即係我換過隻新火牛...
就會解決哂呢個問題?

我部電腦係近幾日一直都出現你既類似問題
就係突然間自動熄機, 而且係開唔番, 一係要等半個鐘, 甚至有時幾日先至開得番..好似要儲氣咁..=.=
但有時開得番, 又去唔到開機畫面, 只係部機著左燈..
同埋有時開到, 入到window, 用緊既時候佢唔係突然熄機, 而係個mon突然間變左做雪花咁...咩野都停曬...
想問下究竟部電腦係唔係發生緊同一樣既事...

原帖由 古仔 於 2009-3-1 21:02 發表
我部電腦係近幾日一直都出現你既類似問題
就係突然間自動熄機, 而且係開唔番, 一係要等半個鐘, 甚至有時幾日先至開得番..好似要儲氣咁..=.=
但有時開得番, 又去唔到開機畫面, 只係部機著左燈..
同埋有時開到, 入到wi ...

如果是這樣的話，也可能是底板出現了故障，例如：爆電容。

搭簞問埋，小弟部 vista 係關機後經常立即 reboot ，仿如 restart 一樣，
如果係 login 介面再關機就多數熄都部機。而部機亦唔會自動開機...
咁可能係咩問題呢？

原帖由 古仔 於 2009-3-1 21:02 發表
我部電腦係近幾日一直都出現你既類似問題
就係突然間自動熄機, 而且係開唔番, 一係要等半個鐘, 甚至有時幾日先至開得番..好似要儲氣咁..=.=
但有時開得番, 又去唔到開機畫面, 只係部機著左燈..
同埋有時開到, 入到wi ...

我都講講我情況, 又係成日自動熄機(唔係慢慢同你shut down, 係即死), 開唔返
要開返就要把火牛後面粒掣關上 > 等到底板燈熄埋 > 再開返火牛 > 底板燈著返 > 開到機
但好多時一開到又熄返要不斷repeat幾次先得

起初都諗住買火牛試試, 不過見部機好多野都要換就換新機算 (又想換writer+火牛+hardisk)
買新既都係$1500到, 一了百了

原帖由 expertuser 於 2009-3-7 12:31 發表
有可能是主板電容爆了，或火牛不足 / 老化影響
火牛是用那牌子?

建議買火牛資金不要慳，否則隨時因小失大。

火牛是一隻名為"勁X牛"既牌子..
其實部機用左都只係兩年多..
唔會老化得咁緊要麻...
我對上一部機真係用左四年先換...(其實四年唔知算唔算長..可能我唔太識保養部機)