超市仲有無搵到過期貨送米ge計劃？

如題。

超市仲有無搵到過期貨送米ge計劃？

有，上星期在東區某分店找到 N 隻過期冷藏雞，唯收銀指「無米」最後送上環保袋乙個。

店內亦有播放「找過期貨」活動的宣傳聲帶。

[ 本帖最後由 ccicoltd 於 2009-2-27 13:17 編輯 ]

早幾日搵到過期野，佢都無送米俾我！

我也曾在石塘咀發現過期急凍食品, 同經理講, 一句唔該就算.

冇理由執到過期貨冇獎品
請問大家o係邊間分店搵到?

昨日在西荃灣ge牛奶超市買蛋黃醬，發現全個貨架上的蛋黃醬都係過期。
收銀員只係叫另一位同事睇下有無新貨，仲要死撐話蛋黃醬保質期短，過期係唔出奇

因為唔見有海報或通告之類話搵到過期貨有米送，所以無再問啦...

[ 本帖最後由 s3n370 於 2009-2-27 20:24 編輯 ]

原帖由 s3n370 於 2009-2-27 20:22 發表
昨日在西荃灣ge牛奶超市買蛋黃醬，發現全個貨架上的蛋黃醬都係過期。
收銀員只係叫另一位同事睇下有無新貨，仲要死撐話蛋黃醬保質期短，過期係唔出奇

因為唔見有海報或通告之類話搵到過期貨有米送，所以無再問啦... ...

請問邊度係西荃灣超市?
該區有荃灣中心,荃威花園,英皇娛樂廣場,石圍角,大窩口,綠悠居,華都中心,路德圍同埋唔知幾時捲土重來o既熊貓酒店分店

請問係邊款(幾大樽)卡夫蛋黃醬過期?
同埋過期幾多日呢?

根據閣下提及當日呢間分店o既收銀員及其他員工反應及對話
呢間分店十分值得超市之友搵日去巡視
相信閣下短期內搵一日與超市之友去呢間分店執過期貨會收穫豐富,滿載而歸,保證滿意

荃灣西 ? 蔚景花園果間 ?

或者板友唔清楚
超市係只有惠康推行店內搵到過期貨送禮品呢個計劃
顧客必須在店內發現過期貨品後通知職員先會得到禮品
貨物出門o既過期貨係冇獎
只可以退錢或換貨

百佳就有買左件過期貨可以退錢及送一件同款唔係過期o既新貨俾你
至於華潤,吉之島o個o的就乜野都冇,最多就係退錢或換貨

凡於任何惠康分店每執到一款過期貨品係有一份禮品
官方認為係送 500g 香米[通常特價$5.9一包]
不過唔知點解有部份分店俾其他低於香米價值o既禮品
意圖刻意減少顧客到分店留意過期貨品的熱心

不過,普遍分店都會歡迎顧客多到分店巡視
大多數經理普遍認為若果被記者或民建聯的區議員發現過期貨品時會惹來麻煩
若果被公司寫字樓派來的職員發現過期貨品就更加麻煩
因為很多時記者或區議員發現的過期貨品可能只是虛假新聞,公司未必相信
不過公司派人前來檢查過期貨品是真憑實據,找到過期貨品會影響公司對該分店的評核表現
值得大家留意係若果分店被公司派來的職員執到三款過期貨,經理的年終花紅就會少兩,三千蚊
因此,好多經理都歡迎顧客幫手執過期貨

若果分店送出低於香米價值o既禮品,又或者係類似垃圾o既環保袋
講真你要咁多環保袋都冇用,又唔係美觀或者有收藏價值
咁就睇下你接唔接受
如果唔接受就同職員嘈
若果覺得嘈都晒氣就直接向寫字樓投訴

超市之友過往都係投訴成功
最後都係拎返香米
若果唔夠細包米就兌換返執到十款拎包5kg米
執到十六款就拎包8kg米