想不到香港青年對地鐵的認識也頗為薄弱

原帖由 sg 於 2009-3-1 23:29 發表
小時候常覺得地鐵公司譯錯站名,
香港地鐵和新加坡地鐵也有Admiralty Station - 香港 譯作金鐘站, 新加坡則 譯作海軍部站(正確譯法),
為什麼譯作金鐘?到現在也想不通,Admiralty和金鐘有啥關系 ?
還有,Causeway (石子路/堤道) Bay和銅鑼灣有啥關系 ? , Quarry(石礦場) Bay 和(魚則)魚涌有啥關系 ?

金鐘站有版友早已解釋，
原則上是尊重華人對域多利軍營／海軍船塢的稱呼（因為當時香港有多個軍營，而在海軍船塢內有一大金鐘，由於域多利軍營接近海軍船塢，因此該兵房俗稱金鐘兵房），
所以最後車站由原建議的「海軍船塢」改為以「金鐘」這個華人普通利用的名稱而命名。

至於鰂魚涌站，據說當時有稱為採石灣，主因是當地大部份山坡為採石礦場，運至下方的海彎，
而採石灣旁的溪流據聞溪中有鯽魚出沒，所以稱作鰂魚涌。
因此現時鰂魚涌的中文站名又是因為華人常用地名，而英文是利用英文的原意。

雖然小弟不排除地名歷史有否出錯，但不考究歷史背景而說成鐵路公司的錯，也是不成理由的。
正如當年有寶林邨居民批評地鐵「畫蛇添足」，結果原來是當年房屋署不尊重地名創造人的原意，將「寶琳」這個帶有人名的背景改為「寶林」。
未來在石門站旁的公共屋邨，又被有趣的房屋署命名為「碩門邨」，而非「石門邨」。

當然，地鐵站名亦有出錯的事件，
除了有名的荔枝角一系列車站外，其實尚有油「麻」地一站，
所以大家不考究歷史背景，相信不會知道香港四處也有錯地名。

呢d人可能真係成日唔出街....

原帖由 北角---九龍城 於 2009-3-4 01:21 發表
呢d人可能真係成日唔出街....

呢 d 人唔係唔出街

只係唔留意身邊事物

或者只係識去七仔買野食

原帖由 krausssammy 於 2009-3-3 16:09 發表
我80年代讀小學, 最少讀社會科都要你默返晒個 MTR Map + KCR Map...

冇計呀, 你埋怨的, 埋怨呢個垃圾教育局吧!!

但係MTR Map全民教育其實就等於免費幫MTR賣終身廣告，
足以影響市民終身嘅交通取向，
會比巴迷話政府保鐵，巴士公司亦會不滿，
甚至可能違反公平競爭法

原帖由 Kaix 於 4/3/2009 07:18 發表

但係MTR Map全民教育其實就等於免費幫MTR賣終身廣告，
足以影響市民終身嘅交通取向，
會比巴迷話政府保鐵，巴士公司亦會不滿，
甚至可能違反公平競爭法 ...

唔好下下都咁無限上綱。

同埋唔知點解有幾個站友郁 D 就貼文寸巴士迷，
雖則有 D 巴士迷言論真係好值得恥笑，
但一日到黑都乘機開火，好無聊。

原帖由 Kaix 於 2009-3-4 07:18 發表



但係MTR Map全民教育其實就等於免費幫MTR賣終身廣告，
足以影響市民終身嘅交通取向，
會比巴迷話政府保鐵，巴士公司亦會不滿，
甚至可能違反公平競爭法 ...

英文書中都有教bus stop，咁又係咪等於幫巴士公司賣終身廣告？


當年唔只有教MTR，KCR，連電車，渡輪，輕鐵，巴士．．．等等全部都有教，

電車、渡輪都要記總站／碼頭既名稱（當然輕鐵做個簡介就算），

又會問你A地去B地搭邊種交通工具比較好，係比較、多角度思維，

而家D人只係記D站名（地名）都頭痛咁款，要比較既時候，就更加頭痛．．．

d人唔係唔出街，而係只會留意自己最常去的地方點樣搭去。好似一個人每日都要由荃灣去觀塘，佢可能只係知道荃灣線係太子轉觀塘線係最快的方法，至于除左呢個方法外重有咩方法去到觀塘就可能唔知。如果有日荔景至觀塘呢段有咩故障，都未必知道可以荃灣-荔景-香港-北角-油塘-觀塘咁樣搭去。

小弟今日unseen dict 竟然都要默港鐵站
唔識英文好多..
講完中文又冇人唔識wo...
(九龍的學校)

*admiralty, causeway bay, fortress hill, tsing yi and tung chung

中學果時最經典例子, 好多同學都係住觀塘,
問我由觀塘去沙田係咪搭地鐵轉火車最快.........
之後我教佢搭 89, 自此佢入親沙田都係搭 89,
仲話原來觀塘入沙田可以半個鐘, 又唔駛轉車........比佢激死

講真, 識唔識搭車真係好睇佢自己同佢屋企人,
我屋企人比較多出去, 同埋都算幾留意身邊o既o野,好似我老豆咁,
就算幾年唔入大埔, 都一定會記得落觀塘有架 74x
去赤柱, 佢一定係話搭 215x 出尖咀轉 973~

原帖由 咖喱 於 2009-3-5 03:40 發表
中學果時最經典例子, 好多同學都係住觀塘,
問我由觀塘去沙田係咪搭地鐵轉火車最快.........
之後我教佢搭 89, 自此佢入親沙田都係搭 89,
仲話原來觀塘入沙田可以半個鐘, 又唔駛轉車........比佢激死

觀塘去沙田，搭港鐵都係約30至40分鐘，有時搭巴士遇著入獅隧
塞車，巴士的優勢會無晒。

如果係觀塘去赤柱，搭215X轉973就會好浪費時間，
最快應該係紅小去柴灣轉綠小16M/16X。

[ 本帖最後由 3bx 於 2009-3-5 07:49 編輯 ]