[新聞]劉鑾雄：「為何有錢賺不可裁員？」

看完這篇報導後，心裏很不舒服。

劉鑾雄：為何有錢賺不可裁員
http://www.mingpaonews.com/20090305/gcb1.htm

香港真係多得呢d人唔少。

你們這班資本主義惡棍，是否以為自己有錢大晒，可以操控人的死活，
玩弄於股掌之中，鍾意炒人就炒人，減薪就減薪？你們是否過份漠視
僱員的價值？是否認為僱員的死活跟自己沒關係？是否自私了一點？

我相信香港巿民都不想搞階級鬥爭，但既然這位人兄這樣說，「因為
大家希望回復到六十年代的『共產』」，我相信我們也是時候被迫考
慮搞階級鬥爭了。

[ 本帖最後由 S3BL100 於 2009-3-5 06:31 編輯 ]

算啦,d有錢佬除咗錢之外
其他嘢都睇唔到ga la

小弟聽聞有部份公司喺財政司發表預算案之後
即刻將大學生薪金以四千做standard去請人
你話呢個社會悲唔悲哀?!

其實無論咩制度, 都總有一批既得利益者可以貪得無厭.
英美民主制度亦如是.  (尤其是美國, 選左奧巴馬上台啦,
原來都係一樣乜都過唔到)

所以你叫我點相信和平演變係有可能?

原帖由 238X 於 2009-3-5 11:02 發表
其實無論咩制度, 都總有一批既得利益者可以貪得無厭.
英美民主制度亦如是.  (尤其是美國, 選左奧巴馬上台啦,
原來都係一樣乜都過唔到)

所以你叫我點相信和平演變係有可能? ...

其實呢個世界. 一向都係咩人都有....同咩制度都
無咩關係....

事實上, 我地控制不到其他人的....只要做好自己,
對得住人, 已經好足夠...(當然, 批判呢d人, 係
無問題)

但同和平演變, 又有何關係? 正如上面講, 點變都好,
呢d人都一定係度, 差在只是可能係呢班人唔同左已而...

原帖由 238X 於 2009-3-5 11:02 發表
其實無論咩制度, 都總有一批既得利益者可以貪得無厭.
英美民主制度亦如是.  (尤其是美國, 選左奧巴馬上台啦,
原來都係一樣乜都過唔到)

所以你叫我點相信和平演變係有可能? ...

所言甚是
就算係共產又或者社會主義都會有果個制度下ge既得利益者
所以唔存在一個可以長久不變ge制度

和平演變確實係唔可以將既得利益者推翻
但係好重要ge一點係香港唔係一個國家
而且以港人慣左逆來順受ge民族性
所以亦都排除左暴力革命ge可能性
所以我ge結論仍然係香港只會響既得利益者繼續坐大而且內耗不斷之下繼續沉淪落去
無第2個結局

又資本主義ge既得利益者往往好鐘意用火紅年代ge往事黎嚇人
而香港人又普遍地認為社會主義係洪水猛獸
如果佢咁講真係可以嚇到人
咁香港人就算一生為奴都唔抵可憐

[ 本帖最後由 kychung 於 2009-3-5 15:01 編輯 ]

原帖由 3ASV196 於 5/3/2009 12:09 發表

但同和平演變, 又有何關係? 正如上面講, 點變都好,
呢d人都一定係度, 差在只是可能係呢班人唔同左已而...

正正就係粗體呢一點。

演變至少令我們有機會成為既得利益者

呢個問題好睇你點樣看待 "勞資關係", 如果把公司當做一個家, 員工上下都一家人, 咁大家都認為應該盡量保住員工就業, 一盡社會道義責任, 唔睇功而睇勞. 相反, 如果只當是一個服務o既合約關係, 我唔需要呢個人o既服務, 駛呢筆錢就係多餘, 即使我好有錢, 我都唔一定要比錢o黎買你o既服務, 所以 "賺錢都可以裁員".

仲有就係勞資合約本來係雙方面, 當僱主終止合約會被叫無良, 僱員終止合約 (搵工跳槽) 就會被讚醒目, 話 "魚唔過塘唔肥", 從來冇人會叫劈炮員工為無良僱員.

市道差難搵工時, 老闆可以炒伙計魷魚
市道好難請人時, 伙計一樣可以炒老闆魷魚

如果俾一份工, 講明老闆唔可以炒你魷魚, 但條件係你都要幫老闆打一世工唔俾走時, 你做唔做?